ශ්‍රී ලංකා ක්‍රිකට් ආයතනය සංවිධාන කරන අන්තර් සමාජ පළමු පෙළ විස්සයි20 තරගාවලියේ ටියර් ‘බී’ යටතේ අද පැවති තරගයකදී එස්එස්සී පිලේ නායක අවිශ්ක ප්‍රනාන්දු නොදැවී ලකුණු 118ක් රැස් කිරීමත් සමඟ සෙබස්තියනයිට්ස් පිල ලකුණු 9කින් පරාජය කිරීමට එස්එස්සී ක්‍රීඩා සමාජය සමත් විය.

අවිශ්ක පන්දු 38කදී හයේ පහර 16කින් හා හතරේ පහර 2කින් ඉනිම වර්ණවත් කිරී‍මන් එස්එස්සී ලකුණු පුවරුව ඉහළ ගියේය. නිපුන් ධනංජය හතරේ පහර 2ක් සමඟ පන්දු 32කින් ලකුණු 30ක් රැස් කිරීමට සමත් විය.

දොඹගොඩ යුද හමුදා ක්‍රීඩාංගණයේ පැවති තරගයේදී එස්එස්සී පිල දුන් ලකුණු 193ක දැවැන්ත ඉලක්කය හඹාගිය සෙබස්තියනයිට්ස් ඉනිම ඕවර් 12ක් වෙද්දී වර්ෂාව හේතු‍‍වෙන් නවතා දැමුණු අතර, ඩක්වර්ත් ලුවිස් න්‍යාය අනුව එස්එස්සී පිලට ලකුණු 9ක ජයක් හිමි විය. සෙබස්තියනයිට්ස් ඉනිම  නවතා දමද්දී කඩුල්ලක් දැවී ලකුණු 91ක් රැස් කර තිබිණි. කවින් පීරිස් ලකුණු 29ක් සහ නායක ළහිරු ප්‍රනාන්දු ලකුණු 20ක් රැස් කරමින් නොදැවී සිටියහ.

එස්.එස්.සී කණ්ඩායමට ලකුණු 09 ක ජයක්

එස්.එස්.සී. පන්දුවාර 20 කදී කඩුලු 4 ට ලකුණු 192 යි – අවිශ්ක ප්‍රනාන්දු 118, නිපුන් ධනංජය 30, ෂෙවෝන් ඩැනියල් 11, ක්‍රිෂාන් සංජුල 21)

සෙබස්තියනයිට්ස් ප න්දුවාර 12 කදී කඩුලු 1 ක් දැවී ලකුණු 91 යි – (කෙවින් පීරිස් 29, මනුප මන්මිත 26, ළහිරු ප්‍රනාන්දු 20)

යුනයිටඩ් සදර්න් පිලට කඩුලු 7 ක ජයක්

මග්ගොන සරේ ක්‍රීඩාංගණයේ පැවැති තරගයේදී මොරටුව ක්‍රීඩා සාමාජය කඩුලු 7කින් පරාජය විය.

මොරටුව ක්‍රීඩා සමාජය සියලු දෙනා දැවී ලකුණු 103 (ඕවර් 19. 3) අමිත දාබරේ 10, අනුෂ්ක පෙරේරා 40, අභිෂේක් ලියනාරච්චි 10 ( පෙසඳු සන්ජාන් 10/5)

යුනයිටඩ් සදර්න් පිල කඩුලු 3ක දැවී ලකුණු 104 (ඕවර් 19.2) දෙනුවන් රාජකරුණා නොදැවී 47, රවීන් පෙරේරා නොදැවී 35 ( උෂාන් සත්සර 18/2)

මැලේ ක්‍රිකට් සමාජය කඩුලු 4කින් ජය ගනියි

කොළඹ කෝල්ට්ස් ක්‍රීඩා පිටියේ පැවැති තරගයේදී මීගමුව ක්‍රිකට් සමාජය කඩුලු 4කින් පරාජයට පත් වූවේය.

මීගමුව ක්‍රිකට් සමාජය කඩුලු 4කට ලකුණු 109 (ඕවර් 20) -කේෂාන් වන්නිආරච්චි 22, කෙවීන් ප්‍රනාන්දු 19, උමේෂ් ලක්ෂාන් නොදැවී 32 (චානක දේවේන්ද්‍ර 9/2)

මැලේ ක්‍රිකට් සමාජය කඩුලු 6තට ලකුනු 112 (ඕවර් 19) බුද්ධික හසරංග 17, පුලස්ති අතපත්තු 18, වොෂිත අමරසිංහ නොදැවී 50, ටෙරන් බාස්කරන් නොදැවී 12  

යුද හමුදාවට කඩුලු 7ක ජයක්

දොඹගොඩ යුද හමුදා ක්‍රීඩාංගණයේ පැවති තරගයේදී කැන්ඩි කස්ටම්ස් පිල පරාජයට පත් විය.

කැන්ඩි කස්ටම්ස් පිල සියලු දෙනා දැවී ලකුණු 55 (ඕවර් 17.2) අවිඳු තීක්ෂණ 15 ( ලිලාන් පෙරේරා 12/3, තීක්සණ වික්‍රමසිංහ 0/2)

ශ්‍රී ලංකා යුද හමුදාව කඩුලු 3ක් දැවී ලකුණු 53 (ඕවර් 7.1) අෂාන් සඳරුවන් 28, ඉෂාර මෙන්ඩිස් 23 ( රජිඳු තිලකරත්න 5/2)

ගාල්ල පිලට කඩුලු 9ක ජයක්

කොළඹ කෝල්ට්ස් ක්‍රීඩා පිටියේ පැවැති තරගයේදී නාවික හමුදා ක්‍රීඩා සමාජය පරාජයට පත් විය.

ගාල්ල ක්‍රිකට් පිල කඩුලු 8ක් දැවී ලකුණු 140 (ඕවර් 20) නිකිල් ජයවීර 21, අමිත් එරංද 11, ලිසුල ලක්ෂාන් 67, කෙවීන් කෙත්තිගොඩ 19 ( ගිහාන් ද සොයිසා 32/2, ළහිරු සවින්ද 26/3)

නාවික හමුදා ක්‍රීඩා සමාජය කඩුලු 8ක් දැවී ලකුණු 131 (ඕවර් 20) හසිඳු පියුමාල් 17, පූර්ණ චාරුක නොදැවී 66, චමින්ද පෙරේරා 11, ජනිත් ප්‍රනාන්දු නොදැවී 12 ( කොවීන් රුක්ෂාන් 30/2, අමිත කෞෂල්‍ය 15/4, හසිත සුරංග 10/2)

රාගම පිලට ලකුණු 1ක තියුණු ජයක්

මග්ගොන සරේ ක්‍රීඩාංගණයේ පැවැති තරගයේදී ලියෝ ක්‍රිකට් පිල පරාජයට පත් වූවේය.

රාගම පිල සියලු දෙනා දැවී ලකුණු 112 (ඕවර් 19.4)  සමීන් කඳනාරච්චි 21, රන්මිත් ජයසේන 26, විකුම් සංජය 23 (විශ්ව රාජපක්ෂ 23/2, සුපුන් දිල්ෂාන් 16/2, ෂෙහාන් චතුරංග 28/3)  

ලියෝ ක්‍රිකට් පිල කඩුලු 7ක් දැවී ලකුණු 111 (ඕවර් 20)  හිරුන සිගේරා 33, අශේන් මෙන්ඩිස් 14, කළණ මධුසංඛ නොදැවී 31, පැතුම් මෙන්ඩිස් 11 ( කවීෂ දුලංජන 26/2, ‍ොෂාන් ජයවික්‍රම 8/2)