ශ්‍රී ලංකා ක්‍රිකට් ආයතනය සංවිධානය කරනු ලබන අන්තර් සමාජ පළමු පෙළ විස්සයි20 ක්‍රිකට් තරගාවලියේ අද පැවැති තරග 4ක් වර්ෂාව හේතු‍වන් අත්හැර දැමූ අතර, පැවැති තරග දෙකකදී පානදුර පිල හා ටැමිල් යූනියන් පිල ජය වාර්තා කළහ.

පී. සරා ඕවල් ක්‍රීඩා පිටියේ පැවැති බීආර්සී පිල හා නුගේ‍ගොඩ ක්‍රීඩා, සුබ සාධක ක්‍රීඩා සමාජය අතර තරගයත්, කොළඹ ක්‍රිකට් ක්‍රීඩා සමාජ (සීසීසී) ක්‍රීඩාංගණයේ පැවැති කෝල්ට්ස් හා හලාවත ‍මේරියන්ස් අතර තරගයත්, සීසීසී ක්‍රීඩාංගණයේ පැවැති මුවර්ස් ක්‍රීඩා සමාජය හා කුරුණෑගල තරුණ ක්‍රිකට් පිල අතර තරගයත්, පී. සරා ඕවල් ක්‍රීඩා පිටියේ පැවැති සීසීසී හා බඳුරලිය ක්‍රීඩා සමාජය අතර තරගයත්, වර්ෂාව හේතුවෙන් අත්හැර දැමීමට සිදුවිය. එම තරග දෙවැනි වරටත් අත්හැර දැමීමට සිඳුවීමෙන් කණ්ඩායම් සියල්ලට ලකුණ බැගින් පිරිනැමුණි.

පානදුරට කඩුලු 5ක ජයක්

කෝල්ට්ස් ක්‍රිකට් සමාජ ක්‍රීඩාංගණයේ පැවැති පානදුර ක්‍රීඩා සමාජය හා ඒස් කැපිටල් පිල අතර තරගයේ තවත් පන්දු 8ක් ඉතිරිව තිබියදී පානදුර පිල ජය වාර්තා ක‍ළේය.

ඒස් කැපිටල් පිල කඩුලු 8ක් දැවී ලකුණු 99 (ඕවර් 16.4)

නිමේෂ ගුණසිංහ 11, පවන් පතිරාජ නොදැවී 36, හිමාෂ ලියනගේ 12, දනාල් හේමනන්ද 25 (අසංක මනෝජ් 10/2, සෙනිත හැළඹගේ 15/2, දුෂාන් හේමන්ත 26/3)

පානදුර ක්‍රීඩා සමාජය කඩුලු 5කට ලකුණු 102 (ඕවර් 14.4)

වි‍ෂේන් හැළඹගේ 32, සසිඳු මල්ෂාන් නොදැවී 28, දුෂාන් හේමන්ත 14 (වනුජ සහන් 27/2, චමෝද් බැට්ටගේ 20/2)

ටැමිල් යූනියන් පිලට ලකුණු 7ක ජයක්

කෝල්ට්ස් ක්‍රිකට් සමාජ ක්‍රීඩාංගණයේ පැවැති පොලිස් ක්‍රීඩා සමාජය හා ටැමිල් යූනියන් පිල අතර තරගය ඩක්වර්ත් ලුවිස් න්‍යාය යටතේ ටැමිල් යූනියන් පිල ජය ගත්තේය.

ටැමිල් යූනියන් පිල සියලු දෙනා දැවී ලකුණු 108 (ඕවර් 18.5)

මොහොමඩ් ෂමාස් 12, ෂාරුජාන් ෂන්මුගනාතන් 43, සචිත ජයතිලක 12, තරිඳු රත්නායක 10 (චාරුක ප්‍රමෝද් 19/2, දිලුම් සුධීර 17/2, නදීර බාලසූරිය 5/2) 

පොලිස් ක්‍රීඩා සමාජය  සියලු දෙනා දැවී ලකුණු 101 (ඕවර් 18.3)

විශාද් රන්දික 28, ප්‍රියමාල් පෙරේරා 10, අශේන් බණ්ඩාර 18, ධනුජ ඉඳුවර 14 (තරිඳු රත්නායක 17/2, තේෂාන් විතූෂාන් 19/2, සචිත ජයතිලක 6/3)