ශ්‍රී ලංකා ක්‍රිකට් ආයතනය විසින් ශ්‍රී ලංකා ජාතික ක්‍රිකට් කණ්ඩායමේ පුහුණු කාර්ය මණ්ඩලය ශක්තිමත් කිරීමට විදෙස් පුහුණුකරුවන් දෙදෙනෙකු පත් කර ඇත. ඒ අනුව, ජුලියන් වුඩ් පිතිකරණ පුහුණුකරුවා ලෙසත් රේන් ෆර්ඩිනැන්ඩ්ස් දඟ පන්දු යැවීමේ පුහුණුකරුවා ලෙසත් පත් කර තිබේ. ජුලියන් වුඩ්ගේ පත්වීම 2025 ඔක්තෝබර් 1 සිටත්, රේන් ෆර්ඩිනැන්ඩ්ස්ගේ පත්වීම 2025 සැප්තැම්බර් 30 සිටත් බලපැවැත්වේ. වුඩ් එක් වසරක කාලයක් සඳහාත් ෆර්ඩිනැන්ඩ්ස් වසර දෙකක කාලයක් සඳහාත් ශ්‍රී ලංකා කණ්ඩායම සමඟ සේවය කරනු ඇත.

‘පවර් හිටිං‘ හෙවත් ජව සම්පන්න කුසලතා වැඩි දියුණු කිරීමේ නිර්මාතෘවරයා ලෙසින් සැලකෙන ජුලියන් වුඩ්  ඉකුත් අගෝස්තු මසදී ශ්‍රී ලංකා ජාතික කණ්ඩායම සමග කටයුතු කරමින් ජව සම්පන්න කුසලතා පිළිබඳව ශ්‍රී ලංකා ක්‍රිකට් කණ්ඩායමේ ක්‍රීඩකයින්ට ගුරු හරු කම් ලබා දුන්නේය. මෙහිදී ක්‍රීඩකයින්ගේ පන්දුවට පහර දීමේ බලය වැඩි දියුණු කිරීම සඳහා ක්‍රිකට් ශිල්පීය ක්‍රම පුහුණු ක්‍රම සහ ජෛව යාන්ත්‍ර විද්‍යාව සමග ඒකාබද්ධ කරමින් පුහුණු කිරීම සදහා ඔහු ප්‍රසිද්ධියක් උසුලනු ඇත.

එංගලන්තය සහ වේස් ක්‍රිකට් මණ්ඩල සමගින් කටයුතු කරන ලද වුඩ්, ග්ලෝස්ටර්ෂයර්, හැම්ප්ෂයර් සහ මිඩ්ල්සෙක්ස් යන ප්‍රාන්ත වල මෙන්ම ඉන්දීය ප්‍රිමියර් ලීග් ක්‍රිකට් තරගාවලියේදී කිංග්ස් පන්ජාබ් සමඟ සේවය කරමින් අත්දැකීම් සම්භාරයක් ඇති  පුහුණුකරුවෙකි. ශ්‍රී ලංකාවේ ජාතික සංචිත සමඟ සතියක විශේෂ පුහුණු වැඩසටහනක් පැවැත්වූ වුඩ් මහතා දැන් පැවැත්වෙන ICC කාන්තා ක්‍රිකට් ලෝක කුසලානය තරගාවලියේදී ශ්‍රී ලංකා කාන්තා කණ්ඩායමේ ක්‍රීඩිකාව සමගින් කටයුතු කරමින් සිටියි.

ජාතික දඟ පන්දු පුහුණුකරු තනතුරට පත්ව සිටින ෆර්ඩිනැන්ඩ්ස්, වයිකාටෝ විශ්වවිද්‍යාලයෙන් ජෛව යාන්ත්‍ර විද්‍යාව පිළිබඳ ආචාර්ය උපාධියක් ලබා තිබේ. ක්‍රිකට් ක්‍රීඩාවේ කාර්යය සාධනය වැඩි දියුණු කිරීම පිළිබඳ පුළුල් විහේෂඥතාවක් ඇති ෆර්ඩිනැන්ඩ්ස්, මීට පෙර ඉන්දීය ජාතික ක්‍රිකට් ඇකඩ්මිය සමග සේවය කර තිබේ. ඊට අමතරව ප්‍රධාන පෙළේ ක්‍රීඩකයින්ට මෙන්ම පුහුණුකරුවන්ට ජෛව යාන්ත්‍ර විද්‍යාව පදනම් කරගතු පුහුණුකරණ වැඩසටහන් කීපයක්ද පවත්වා තිබේ.

මැණික් කටුව සහ ඇඟිලි භාවිතයෙන් කෙරෙන පා දඟ පන්දු යැවීම මෙන්ම පිට දඟ පන්දු යැවීම් පිළිබඳ විශේෂඥයකු වන ෆර්ඩිනැන්ඩ්ස්, නවසීලන්ත ක්‍රිකට් වල ජෛව යාන්ත්‍රික උපදේශකවරයකු ලෙසද සේවය කර තිබේ. ඊට අමතරව ඔහු ඔසට්‍රේලියාවේ ක්‍රිකට් ප්‍රාන්ත ඇතුළු තවත් දේශීය කණ්ඩායම් ගණනාවක පුහුණුකරු භූමිකාවන් හදාරා තිබේ.

ශ්‍රී ලංකා ක්‍රිකට් කණ්ඩායම සමග කටයුතු කරන කාලය තුළ ඔහු දඟ න්දු යැවීමේ පුහුනුව, තරග සඳහා ක්‍රීඩකයින් සූදානම් කිරීම මෙන්ම ඔවුනගේ කාර්යය සාධනය විශ්ලේෂණය කිරීම මෙන්ම ක්‍රීඩකයින්ගේ දක්ෂතා වැඩිදියුණු කිරීම වෙනුවෙන් කටයුතු කරනු ඇත.

මැණික් කටුව සහ ඇඟිලි දඟ පන්දු යැවීම යන දෙකෙහිම විශේෂඥයෙකු වන රෙනේ, නවසීලන්ත ක්‍රිකට් සඳහා ජෛව යාන්ත්‍රික උපදේශකයෙකු ලෙසද සේවය කර ඇති අතර, ප්‍රමුඛ පන්දු යවන්නන් සඳහා කාර්ය සාධන ඇගයීම් සහ තුවාල-අවදානම් තක්සේරු කිරීම් සිදු කරයි.

ඔහුගේ ජාත්‍යන්තර කටයුතුවලට අමතරව, ආචාර්ය ෆර්ඩිනන්ඩ්ස් නැගෙනහිර තදාසන්න ක්‍රිකට් සමාජය, යූටීඑස් උතුරු සිඩ්නි ක්‍රිකට් සමාජය, හෝක්ස්බරි ක්‍රිකට් සමාජය සහ සිඩ්නි විශ්ව විද්‍යාල ක්‍රිකට් සමාජය ඇතුළු තවත් බොහෝ දේ සමඟ පුහුණු භූමිකාවන් දරා ඇත.

ශ්‍රී ලංකා ක්‍රිකට් සමඟ ඔහුගේ වසර දෙකක සේවා කාලය තුළ, ඔහු දඟ පන්දු යැවීමේ පුහුණුව, තරඟ සූදානම, කාර්ය සාධන විශ්ලේෂණය සහ ක්‍රීඩක සංවර්ධනය මෙහෙයවනු ඇත.