ශ්‍රී ලංකා ක්‍රිකට් ආයතනය මෙහෙය වන අන්තර් සමාජ ටියර් බී කොටසේ තුන් දින ලීග් ක්‍රිකට් තරගාවලියේ මේ සතියේ  තරග අතුරින් මීගමුව ක්‍රිකට් සමාජය, එස්.එස්.සී. ක්‍රීඩා සමාජය සහ කැන්ඩි කස්ටම්ස් ක්‍රීඩා සමාජය ජයග්‍රහණ අත්කර ගත්හ.

 මේ කණ්ඩායම් තුන ජයග්‍රහණ අත්කර ගත්තේ මීගමුව ක්‍රිකට් සමාජය ඉනිමකින් සහ ලකුණු 96කින් කොළඹ මැලේ ක්‍රිකට් සමාජයත් එස්.එස්.සී. ක්‍රීඩා සමාජය ලකුණු 208කින් නාවික හමුදා ක්‍රීඩා සමාජයත් කැන්ඩි කස්ටම්ස් ක්‍රීඩා සමාජය කඩුලු දෙකකින් ගාල්ල ක්‍රිකට් සමාජයත් පරාජයට පත් කරමිනි.

 මීගමුව ක්‍රිකට් සමාජයට ඉනිමක ජයග්‍රහණයක් අත්කර ගැනීමට ප්‍රධාන වශයෙන් දායකත්වය දැක් වුයේ ක්‍රීඩකයන් තිදෙනෙකි. අමිත සංදීප පෙරේරා පළමු ඉනිමේ දී ලකුණු 39කට කඩුලු පහක් සහ දෙවන ඉනිමේ දී ලකුණු 53කට කඩුලු පහක් දවා සම්පූර්ණ තරගයේ දී කඩුලු දහයක් දවාලීය. පසිඳු තිරිමැදුර ලකුණු 115ක් සහ ශෙෂාන් ප්‍රනාන්දු ලකුණු 75ක් රැස් කර ලකුණු රැස් කිරීමේ දී ද මේ දක්ෂතා දැක්විය.

 එස්.එස්.සී. ක්‍රීඩා සමාජය සහ නාවික හමුදා ක්‍රීඩා සමාජය අතර තරගයේ දී එස්.එස්.සී. කණ්ඩායමේ ගිෂාන් බාලසූරිය පළමු ඉනිමේ දී ලකුණු 69කට කඩුලු හයක් සහ දෙවන ඉනිමේ දී ලකුණු 44කට කඩුලු පහක් දවා තරගයේ දී කඩුලු 11ක් බිඳ දැමීමට සමත් විණි. නාවික හමුදා ක්‍රීඩා සමාජය මේ තරගයෙන් ලකුණු 208ක පරාජයකට ලක් වුවත් එම කණ්ඩායමේ දිලංක අවුවාඩ් එස්.එස්.සී. දෙවන ඉනිමේ දී ලකුණු සියයකට කඩුලු අටක් දවා විශිෂ්ට පන්දු යැවීමක නිරත විණි.

  කැන්ඩි කස්ටම්ස් සහ ගාල්ල ක්‍රිකට් සමාජය අතර තරගය උණුසුම් මුහුණුවරක් ගත් අතර තරගයෙන් ජය ලැබීමට කැන්ඩි කස්ටම්ස් කණ්ඩායමට දෙවන ඉනිමේ දී ලකුණු 189ක ඉලක්කයක් ලැබිණි. ඔවුන් පන්දුවාර 49.3ක දී කඩුලු අටක් දැවී ලකුණු 192ක් රැස් කරමින් ජය කණුව පසු කළේ තරගකාරී විලාශයකිනි. මෙහිදී ලක්ෂාන් ගමගේ පන්දු 62කට මුහුණ දී හතරේ පහර පහක් හයේ පහර දෙකක් සමග ලකුණු 62ක් රැස් කළේය.

 ලියෝ ක්‍රිකට් සමාජයේ නෙත්ම කරුණාරත්න අද දිනයේ දී පිතිකරුවන් අතුරින් කැපී පෙනුණි. නෙත්ම රාගම ක්‍රිකට් සමාජය සමග පළමු ඉනිමේ දී නොදැවී ලකුණු 101ක් රැස් කළේ පන්දු 157කට මුහුණ දී හතරේ පහර 15ක් ද සමගිනි.

  ලකුණු සාරංශය

• එස්.එස්.සී. ලකුණු 208කින් ජය ගනී

එස්.එස්.සී. ක්‍රීඩා සමාජය පළමු ඉනිම පන්දුවාර 61.1ක දී සියල්ල දැවී ලකුණු 251 – නිපුන් ධනංජය 128, ලක්ෂිත මනසිංහ 52, රනුද සෝමරත්න 26, ක්‍රිෂාන් සංජුල 20, දිලංක අවුවාඩ් 96/6, පූර්ණ චාරුක 14/2, රවීන් තරිඳු 83/2

නාවික හමුදා ක්‍රීඩා සමාජය පළමු ඉනිම පන්දුවාර 44.1ක දී සියල්ල දැවී ලකුණු 183 – රවීන් තරිඳු 40, වරුණ මයන්ත 35, තෙවිඳු දික්වැල්ල 28, රජිත රත්නායක 23, දිලංක අවුවාඩ් නොදැවී 19, ගිෂාන් බාලසූරිය 69/6, නුවනිඳු ප්‍රනාන්දු 22/2, අක්මල් ෆස්ලි 31/2

එස්.එස්.සී. ක්‍රීඩා සමාජය දෙවන ඉනිම පන්දුවාර 65.2ක දී සියල්ල දැවී ලකුණු 278 – රනුද සෝමරත්න 77, නිපුන් ධනංජය 50, ලක්ෂිත මනසිංහ 34, නුවනිඳු ප්‍රනාන්දු 32, ගිෂාන් බාලසූරිය 26,  රනුක් ජයසූරිය 22, දිනුර කළුපහන 22, දිලංක අවුවාඩ් 100/8, ඉෂාන් අබේසේකර 56/2

නාවික හමුදා ක්‍රීඩා සමාජය දෙවන ඉනිම පන්දුවාර 22.4ක දී සියල්ල දැවී ලකුණු 138 – ලක්ෂාන් රුද්‍රිගෝ75, වරුණ මයන්ත 16, රජිත රත්නායක 13, ගිෂාන් බාලසූරිය 44/5, නිපුන ධනංජය 15/2,චමිඳු වික්‍රමසිංහ28/2

• කැන්ඩි කස්ටම්ස් කඩුලු 2කින් ගාල්ල ක්‍රිකට් සමාජය පරාජය කරයි  

ගාල්ල ක්‍රිකට් සමාජය පළමු ඉනිම පන්දුවාර 29ක දී සියල්ල දැවී ලකුණු 76 – ලිසුල ලක්ෂාන් 21, සුභානු රාජපක්ෂ 19, සුපුන් කවිඳ 10,  මිතුන් ජයවික්‍රම 18/4, නිර්මල රත්නායක 22/4

කැන්ඩි කස්ටම්ස් ක්‍රීඩා සමාජය පළමු ඉනිම පන්දුවාර 40ක දී සියල්ල දැවී ලකුණු 132 – ඩිලාන් ජයලත් 27, ළහිරු අත්තනායක 26, අෂාන් රන්දික 23, රජීව වීරසිංහ 33/4, චතුර රන්දුනු 46/3, රුවිෂාන් පෙරේරා 37/2

ගාල්ල ක්‍රිකට් සමාජය දෙවන ඉනිම පන්දුවාර 67.4ක දී සියල්ල දැවී ලකුණු 244 – ලිසුල ලක්ෂාන් 78, හසිත සුරංග 33, චතුර රන්දුනු 33, රජිත් ප්‍රියාන් 32, අමිත් එරන්ද 23, යශෝධ මෙන්ඩිස් 36/3, මිතුන් ජයවික්‍රම 93/3, අෂාන් රන්දික 13/2,ඩිලාන් ජයලත් 50/2

කැන්ඩි කස්ටම්ස් ක්‍රීඩා සමාජය දෙවන ඉනිම පන්දුවාර 49.3ක දී කඩුලු 8ක් දැවී ලකුණු 192 – ලක්ෂාන් ගමගේ 62, ළහිරු අත්තනායක 30, යශෝධ මෙන්ඩිස් 21, ඩිලාන් ජයලත් 20, සුධීර වීරරත්න 18, රුවිෂාන් පෙරේරා 45/3, රජීව වීරසිංහ 63/2

• මීගමුව ක්‍රිකට් සමාජය ඉනිමකින් සහ ලකුණු 96කින් කොළඹ මැලේ ක්‍රිකට් සමාජය පරාජය කරයි

මීගමුව ක්‍රිකට් සමාජය පළමු ඉනිම පන්දුවාර 77.3ක දී සියල්ල දැවී ලකුණු 397 – පසිඳු තිරිමාදුර 115, ශෙෂාන් ප්‍රනාන්දු 75, දිමුත් සඳරුවන් 54, කවීන් ප්‍රනාන්දු 41, අමිත සංදීප පෙරේරා 35, වරුණ ඉමේෂාන් 19, චානක දේවින්ද 152/6, සචින් ගොඩමාන්න 7/1

කොළඹ මැලේ ක්‍රිකට් සමාජය පළමු ඉනිම පන්දුවාර 42.1ක දී සියල්ල දැවී ලකුණු 166 – බුද්ධික හසරංග 68, සුධාර දක්ෂිණ 37, චානක දේවින්ද 16, පුලස්ති අතපත්තු 12, අමිත සංදීප පෙරේරා 39/5, ශෙහාන් ප්‍රමෝද් 64/3, ධනුෂ්ක සඳරුවන් 47/2

කොළඹ මැලේ ක්‍රිකට් සමාජය දෙවන ඉනිම පන්දුවාර 26ක දී සියල්ල දැවී ලකුණු 135 – බුද්ධික හසරංග 29, හරිඳු ජයසේකර 22, යේසිත් රූපසිංහ 21, සුධාර දක්ෂිණ 18, අමිත සංදීප පෙරේරා 53/5, ශෙහාන් ප්‍රමෝද් 41/3, ධනුෂ්ක සඳරුවන් 37/2

• මොරටුව ක්‍රීඩා සමාජය පළමු ඉනිමේ  දී ඉදිරියෙන්

මොරටුව ක්‍රීඩා සමාජය පළමු ඉනිම පන්දුවාර 86ක දී කඩුලු 7ක් දැවී ලකුණු 365 – පුබුදු බණ්ඩාර නොදැවී 111, ගැවින් බොතේජු 50, චානක රුවන්සිරි 50, රශ්මික මෙවන් 38, සහන් කෞශල්‍ය 38, ඉසුල නිඳුවර 28, විදුර ලක්ෂාන් 21, බිෂාන් හෙට්ටිආරච්චි 103/4, මනෙල්ක ද සිල්වා 28/1

සෙබස්ටියනයිට්ස් ක්‍රිකට් සමාජය පළමු ඉනිම පන්දුවාර 28ක දී සියල්ල  දැවී ලකුණු 92 – රුසිරු විලෝචන 16, තරුෂ ප්‍රනාන්දු 15, ගයාන් සිරිසෝම 25/4, රශ්මික මෙවන් 30/3, උෂාන් සත්සර 36/3

සෙබස්ටියනයිට්ස් ක්‍රිකට් සමාජය දෙවන ඉනිම පන්දුවාර 80ක දී කඩුලු 7ක්  දැවී ලකුණු 308 – උමයංග සුවාරිස් 95, මනෙල්ක ද සිල්වා 76, රුසිරු විලෝචන 53, ළහිරු ප්‍රනාන්දු නොදැවී 29, මෙදුනක විජයතිලක 26, තරුෂ ප්‍රනාන්දු නොදැවී 20, ගයාන් සිරිසෝම 42/4, දුමිඳු සෙව්මිණ 69/2

• යුද හමුදා ක්‍රීඩා සමාජයට පළමු ඉනිමේ ඉදිරියෙන්

යුද හමුදා ක්‍රීඩා සමාජය පළමු ඉනිම පන්දුවාර 67.1ක දී සියල්ල දැවී ලකුණු 237 – පැතුම් දිල්ෂාන් 61, දේවින්ද ඒකනායක 34, සෙහද සොයිසා 28,  ක්‍රිෂේන් අපෝන්සු 26, ජනිත් ද සිල්වා 21, හර්ෂජිත් රුෂාන් 19, දනෝෂ් ද සිල්වා 36/3, හිමාල් රවිහංස 112/3, සසංක නිර්මාල් 6/2

යුනයිටඩ් සදර්න් ක්‍රිකට් සමාජය පළමු ඉනිම පන්දුවාර 67.2ක දී සියල්ල දැවී ලකුණු 206 – පෙසඳු සංජාන් 81, කවිඳු එදිරිවීර 59, දිල්ෂාන් කාංචන 27, ගයාන් චන්ද්‍රබොෂ් 72/6, සීක්කුගේ ප්‍රසන්න 35/3

යුද හමුදා ක්‍රීඩා සමාජය දෙවන ඉනිම පන්දුවාර 3ක දී කිසිවෙකු නොදැවී ලකුණු 06 –

• රාගම ක්‍රිකට් සමාජය – ලියෝ ක්‍රිකට් සමාජය තරගයේ විසඳුමක් නෑ

රාගම ක්‍රිකට් සමාජය පළමු ඉනිම පන්දුවාර 70.2ක දී සියල්ල දැවී ලකුණු 251 – චානක විජේසිංහ 63, මලීෂ සිල්වා 62, මනීෂ රූපසිංහ 47, සහිල් ඩයස් 26, කොසාන් ජයවික්‍රම 19, මල්ෂාන් ගුණසිංහ 86/5, ශෙනාෂ් ප්‍රනාන්දු 42/3, ගිත්මින් කොළඹගේ 53/2

ලියෝ ක්‍රිකට් සමාජය පළමු ඉනිම පන්දුවාර 50ක දී කඩුලු 4ක් දැවී ලකුණු 214 – නෙත්ම කරුණාරත්න නොදැවී 101, හිරුන් සිගේරා 53, සලිඳු පතිරණ 22, උපුල් ඉන්ද්‍රසිරි 86/2