ශ්‍රී ලංකා, ඉන්දියා සහ ඇෆ්ගනිස්තානු ‘ඒ‘ ක්‍රිකට් කණ්ඩායම්වල සහභාගිත්වයෙන් පැවැත්වෙන තුන්කොන් එක්දින ක්‍රිකට් තරගාවලිය ලබන ජුනි මස 09 වැනිදා රංගිරි දඹුලු ජාත්‍යන්තර ක්‍රිකට් ක්‍රීඩාංගණයේදී ආරම්භ වේ. තරගාවලියේ සියලුම තරග රංගිරි දඹුලු ක්‍රීඩාංගණයේදී පැවැත්වෙන අතර, අවසන් මහ තරගය ජුනි  මස 21 වැනිදා පැවැත්වේ.

ලීග් ක්‍රමය යටතේ පැවැත්වෙන මූලික තරග වටය යටතේදී සෑම කණ්ඩායමක්ම තරග තරග 2 කදී එකිනෙකා මුණ ගැසෙනු ඇත. ඒ අනුව තරගාවලියේ සමාරම්භක තරගය ලෙස ජුනි 9 වැනිදා ඉන්දියා සහ ශ්‍රී ලංකා ඒ කණ්ඩායම් අතර තරගයෙන් එකිනෙකා හමුවීමට නියමිත අතර, ජුනි 11 වැනිදා ඉන්දියා සහ ඇෆ්ගනිස්තාන ඒ කණ්ඩායම් තරග වදිනු ඇත. ජුනි 13 වැනිදා ඇෆ්ගනිස්තාන  සහ ශ්‍රී ලංකා ඒ කණ්ඩායම් අතර තරගය පැවැත්වේ.

ලීග් වටයේ ඉහළම දක්ෂතා දැක්වූ කණ්ඩායම් දෙක අතර අවසන් මහ තරගය ජුනි 21 වැනිදා රංගිරි දඹුල්ල ජාත්‍යන්තර ක්‍රීඩාංගණයේදී පැවැත්වීමට සැලසුම් කර ඇත.

එක්දින තරගාවලියෙන් අනතුරුව ශ්‍රී ලංකා සහ ඉන්දියා ඒ කණ්ඩායම් අතර සිව්දින තරග දෙකක් ගාල්ල ජාත්‍යන්තර ක්‍රීඩාංගණයේදී පැවැත්වේ. පළමු සිව්දින තරගය ජුනි 25 සිට 28 දක්වා පැවැත්වෙන අතර, දෙවැනි සිව්දින තරගය ජූලි 2 සිට 5 දක්වා පැවැත්වීමට නියමිතය.

දිනය             තරඟය                                                                     ක්‍රීඩාංගණය

ජුනි 09           ඉන්දියා A සහ ශ්‍රී ලංකා A                                            රංගිරි දඹුල්ල

ජුනි 11           ඉන්දියා A සහ ඇෆ්ගනිස්තාන A                                   රංගිරි දඹුල්ල

ජුනි 13           ඇෆ්ගනිස්තාන A සහ ශ්‍රී ලංකා A                                  රංගිරි දඹුල්ල

ජුනි 15           ඉන්දියා A සහ ශ්‍රී ලංකං A                                           රංගිරි දඹුල්ල

ජුනි 17           ඉන්දියා A සහ ඇෆ්ගනිස්තාන A                                  රංගිරි දඹුල්ල

ජුනි 19           ඇෆ්ගනිස්තාන A සහ ශ්‍රී ලංකා A                                 රංගිරි දඹුල්ල

ජුනි 21           අවසන් මහ තරගය                                                     රංගිරි දඹුල්ල

ජුනි 25-28      ශ්‍රී ලංකා A සහ ඉන්දියා A අතර පළමු සිව් දින තරගය     ගාල්ල

ජූලි 02-05      ශ්‍රී ලංකා A සහ ඉන්දියා A අතර දෙවැනි සිව්දින තරගය   ගාල්ල