slc
logo
Home   |    News
සැප්තැම්බර් 23, 2019
“අපට හොද අවස්ථාවක් තිබෙනවා”- අෂාන් ප්‍රියංජන් කියයි

Sri Lanka Cricket

වත්මන් ශ්‍රී ලංකා “ඒ” කණ්ඩායමේ සියළුම අංශ අතුරින් පන්දුවට පහරදීම ප්‍රබලම තත්ත්වයක පවතී. මේ වන විට ශ්‍රී ලංකාවේ තරගාවලියකට සහභාගි වන බංග්ලාදේශ “ඒ”  කණ්ඩායමට එරට ජාතික කණ්ඩායම නියෝජනය කරන ටෙස්ට් ක්‍රිකට් ක්‍රීඩකයන් රැසක්ම ඇතුළත්වුවත් අපට ඔවුන් සමග කරට කර සටනක් දීමට හැකියාවක් ඇතැයි ශ්‍රී ලංකා “ඒ”  කණ්ඩායමේ නායක අෂාන් ප්‍රියංජන් ශ්‍රී ලංකා ඒ බංග්ලාදේශ “ඒ”  අතර ප්‍රථම නිල නොවන ටෙස්ට් තරගයට පෙර ශ්‍රී ලංකා ක්‍රිකට් වෙබ් අඩවිය සමග පැවැති සාකච්ඡාවකදී ප්‍රකාශ කළේය.

බංග්ලාදෙශ “ඒ”  කණ්ඩායමේ සෞම්‍ය සාකර් සහ එම්.මුතුන් එරට ටෙස්ට් කණ්ඩායමේ අංක එක දෙක හා තුන ස්ථානයන්හි පන්දුවට පහර දෙන පිතිකරුවෝය. එවැනි ටෙස්ට් ක්‍රිකට් ක්‍රීඩකයන් හය හතක්ම ඔවුනගේ ඒ කණ්ඩායමට ඇතුළත්ව සිටියත් ලංකා “ඒ”  කණ්ඩායමටද දක්ෂයන් රැසක්ම සිටින හෙයින් ගැටළු පැන නොනගින බව අෂාන් ප්‍රියංජන් කියයි.

විශ්ව ප්‍රනාන්දු සහ අසිත ප්‍රනාන්දු යන වේග පන්දු යවන්නන් හා මලින්ද පුෂ්පකුමාර (දග පන්දු) අපගේ ප්‍රබලම පන්දු යවන්නන් තිදෙනාය. මොවුනට බංග්ලාදේශ පිතිකරුවන් මෙල්ල කිරීමට හැකි බවට අපතුළ ප්‍රබල විශ්වාසයක් පවතිනවා.පැතුම් නිශ්ශංක, සංගීත් කුරේ,ළහිරු උදාර, ප්‍රියමාල් පෙරේරා, කමිදු මෙන්ඩිස්, අෂේන් බණ්ඩාර හා නායක අෂාන් ප්‍රියංජන් ලකුණු අතර සිටින ප්‍රබල පිතිකරුවෝය.

ශ්‍රී ලංකා නැගී එන කණ්ඩායමේ පසුගිය දකුණු අප්‍රිකා සහ බංග්ලාදේශ සංචාරයන්හි අප දක්ෂතා පෙන්වුවා. ඒ කණ්ඩායම ඉන්දියාවේ එක්දින තරගාවලියේදී තරග 2-2 ක ජයග්‍රහණ සමකිරීමක් සිදුකළා. විශේෂයෙන්ම ඉන්දියාවේදී මේ දස්කම් පෙන්වීම ඉතා අසීරුයි වත්මන් ඒ කණ්ඩායම සමන්විතව සිටින්නේ මෙම ක්‍රීඩකයන්ගෙනි. එම නිසා අපගේ කණ්ඩායම ඉතා ප්‍රබල ක්‍රීඩකයන්ගෙන් සමන්විත කණඩායක් ලෙස තමා දකින බව අෂාන් ප්‍රියංජන් පවසයි.

අෂාන්ගේ අනාගත ක්‍රිකට් දිවිය පිළිබදව විමසු විට ඔහු කීවේ ජාතිත කණ්ඩායමේ පෙර පුහුණු තරගවලදී මා නවසීලන්තය සමග ලකුණු හැට ඉක්මවා ලබා තවත් පුහුණු තරගවලදී දස්කම් පෙන්වා තිබෙනවා. අනාගතයේදී ජාතික පිල නියෝජනය කිරීමට ලැබෙනු ඇතැයි තමා විශ්වාස කරන බවද අෂාන් ප්‍රියංජන් කීවේය. 30 හැවිරිදි තුන් ඉරියව් ක්‍රීඩකයෙකු වන අෂාන් එක්දින තරග 23කට සහ 20-20 තරග තුනකට සහභාගිවී ඇත. එක්දින ලකුණු 420ක් ලබා ඇති අෂාන් එක්දින කඩුලු පහක්ද දවා තිබේ.

බන්දුල මොල්ලිගොඩ.

-The opinions expressed here are the views of the writer and do not necessarily reflect the views and opinions of Sri Lanka Cricket-

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar