මුත්තයියා මුරලිදරන්ගේ දුස්රා පන්දුව මෙන් තවත් දගපන්දු යවන්නෙකුගේ “කැරම් බෝල්” පන්දුව ද 2008-2014 කාලයේ මහත් ප්රසිද්ධියට පත්ව තිබුණේය. වසර හයක් වැනි කෙටි කාලයක් තුළ ජාත්යන්තර කඩුලු 288ක් ලැබු ශ්රී ලංකා යුද හමුදාවේ කාලතුවක්කු බලකායේ අජන්ත මෙන්ඩිස්ගේ මෙම කැරම් බෝල් පන්දුවද ජාත්යන්තරයේ නමක් දිනා තිබිණි. ආබාධ මත (පිටකොන්දේ) කෙටි කළක් ක්රිකට් ක්රීඩාවෙන් ඉවත්ව සිටි අජන්ත මෙන්ඩිස් ක්රිකට් ක්රීඩාවේ ටෙස්ට් එක්දින හා 20-20 අංශ තුනෙන්ම නොබෝදා (2) විශ්රාම ගියේය.
යුද හමුදාවේ අන්තර් රෙජිමේන්තු 20-20 තරගාවලියේ අවසාන මහා තරගය අගහරුවාදා (3) සංවිධානය කර තිබුණේද මේ ක්රීඩකයාට සමුගැනීම වෙනුවෙනි.
2008 සිට 2014 දක්වා ටෙස්ට් තරග 19කට සහභාගි වී කඩුලු 70ක්ද එක්දින තරග 87කදී කඩුලු 152ක්ද 20-20 තරග 39කදී කඩුලු 66ක්ද ලබා මොහු වසර හයක් වැනි කෙටි කාලයකදී ජාත්යන්තර කඩුලු 288ක් ලබාගැනීමට සමත් විය. ටෙස්ට් තරග 19දී (ඉනිම 31යි) මොහු කඩුලු 70ක් ලැබුවේ ඉනිමකදී ලකුණු 99කට කඩුලු හයක්ද තරගයකදී ලකුණු 209කට කඩුලු 10ක්ද දවාලමිනි. එක්දින තරග 87කදී ඔහු තෙවරක් කඩුලු පහ බැගින්ද හත්වරක් කඩුලු හතර බැගින්ද දවා තිබේ. එක්දින හොඳම පන්දු යැවීම වන්නේ ලකුණු 13කට කඩුලු හයකි. 20-20 ඔහුගේ හොදම පන්දු යැවීම ලකුණු අටකට කඩුලු හයකි.
දකුණතින් පිට දගපන්දු (ගුග්ලි) යැවීමට මෙන්ම පන්දුව වෙනස්කර පා දඟ පන්දු යැවීමටද මොහු සමත්ය. අජන්ත මෙන්ඩිස්ගේ පන්දු යැවීමේ වෙනසක් වන්නේ වෙනත් දඟ පන්දු යවන්නන්ට වඩා මඳ වේගයකින් පන්දු යැවීමය. වේගවත්ම එක්දින හා 20-20 කඩුලු 50 ලැබීමේ වාර්තාව ද මොහු සතුය.
1982 මාර්තු 11 වැනිදා උපත ලද අජන්ත මෙන්ඩිස් 1996 ශ්රී ලංකාව ලෝක කුසලානය දිනන විට 11වන වියෙහි පසුවිය. එම වයසේදී මුත්තයියා මුරලිදරන් චමින්ද වාස් සහ සනත් ජයසූරිය දක්ෂතා පෙන්වු අයුරු මා බලා සිටියේ ඉමහත් ප්රිතියකිනි. පසුව ඔවුන් සමග එකට ක්රීඩා කිරීමට ලැබීමත් ඔවුන්ගේ අත්දැකීම් ලැබීමත් අගය කරන්නේ යැයි මෙන්ඩිස් කියයි.
තමාට ජාත්යන්තර දස්කම් පෑමට අතහිත දුන් ශ්රී ලංකා යුද හමුදාව ඇතුළු අනෙකුත් සියළු අංශ වලට අජන්ත මෙන්ඩිස් සිය ස්තූතිය පළ කරයි. අජන්ත මෙන්ඩිස් සමග සීක්කුගේ ප්රසන්නද ශ්රී ලංකා යුද හමුදාව නියෝජනය කරමින් කළක්ම ශ්රී ලංකා කණ්ඩායම වෙනුවෙන් දස්කම් පෙන්වූහ.
බන්දුල මොල්ලිගොඩ.
-The opinions expressed here are the views of the writer and do not necessarily reflect the views and opinions of Sri Lanka Cricket-
