slc
logo
Home   |    News
ඔක්තෝබර් 22, 2019
අපෙන් දක්ෂතම 20-20 කණ්ඩායමක් බිහිවීම අතලගයි – ලසිත් මාලිංග

Sri Lanka Cricket

දැන් තරුණයන් ඉදිරියට එන කාලයයි. අපගේ කොල්ලන් ඉතාම දක්ෂයි. ස්වල්පවූ කාලයක් තුල දක්ෂතම ඕවර 20-20 කණ්ඩායමක් ශ්‍රී ලංකාවෙන් බිහිවන බව 20-20 ක්‍රිකට් නායක ලසිත් මාලිංග ශ්‍රී ලංකා ක්‍රිකට් වෙබ් අඩවිය සමඟ පැවැති සාකච්ඡාවකදී ප්‍රකාශ කළේය.

දෙවරක් පිට පිටම පන්දු හතරකදී කඩුලු හතර බැගින් දවා ලෝක වාර්තා තබා සිටින ලසිත් මාලිංගගෙන් ඒ පිළිබඳව තවත් ප්‍රශ්නයක් විමසුවෙමි. 2007 බටහිර ඉන්දීය කොදෙව් දූපත් හි ලෝක කුසලාන ක්‍රිකට් තරගාවලියේ දකුණු අප්‍රිකාව සමඟ තරගයේදී පිට පිටම පන්දු හතරකදී කඩුලු හතරක් දැවී ගොස් පස්වන පන්දුව යන්තමින් කඩුල්ලේ නොවැදී යාම පිළිබඳව මාලිංග පැවසූවේ    “ඇත්තටම මම සිතුවේ එය කඩුල්ලේ වැදුණා කියා එසේ නොවීම ගැන මටත් පුදුමයි යනුවෙන් සිනහමුසුව මාලිංග පැවසීය.

ක්‍රිකට් ක්‍රීඩා කිරීමට මට තව ඉතිරිව ඇත්තේ වසරක් වැනි කෙටි කාලයක්. එම කාලය තුළ සැලැස්මක් ඇතිව උපරිමයෙන් කණ්ඩායම මෙහෙයවීම මගේ අපේක්ෂාවයි. දක්ෂම කොල්ලෝ ටිකක් දැන් අපේ කණ්ඩායමේ සිටිනවා. අනාගතය සුබදායකයි කියා මට කිව හැකි යැයි ද මාලිංග ප්‍රකාශ කළේය.

          අවුරුදු තුනකට පෙර මම අනාවැකියක් කීවා තව වසර තුන හතරකින් හොඳම සීමිත ඕවර කණ්ඩායමක් (විශේෂයෙන් 20-20) බිහිවන බවට අද එය සත්‍යයක්ව තිබෙනවා. අවශ්‍ය වන්නේ මේ තත්ත්වය දිගටම පවත්වාගෙන යාමයැයි කී 20-20 නායක මාලිංග මේ තත්ත්වයට කණ්ඩායම පත්කර ගැනීමට දායකවීමට අවස්ථාව ලබාදීමට හැකිවීම පිළිබඳව සතුටුවන බව ප්‍රකාශ කළේය.

          ශ්‍රී ලංකාව සීමිත ඕවර ක්‍රිකට් ලෝක සූරතා (ඕවර 50 සහ 20-20) දෙවරක්ම දිනා ලෝක පූජිතව සිටි 20-20 ලෝක කුසලානය දිනා ගත්තේ මාලිංගගේ නායකත්වයෙනි 20-20 තරගාවලියන්ට අපට දැන් තවත් හොඳ දක්ෂ නායකයෙක් බිහිව සිටිනවා. දසුන් ශානකගේ දක්ෂතා පිළිබදව තමා උපරිමයෙන් සතුටුවන බවද ලසිත් මාලිංග ප්‍රකාශ කළේය. ශානක, ෂෙහාන් ජයසූරිය සහ භානුක රාජපක්ෂ පිළිබඳව තමා අනාවැකි කීවේ 2016 දී බවද මාලිංග වැඩිදුරටත් කීවේය.

බන්දුල මොල්ලිගොඩ

Active filters

Recent Posts

  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]
  • පළමු ශතකය නිශාන් මධුශ්කගෙන්
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ පළමු තරගයෙන් ලකුණු 137ක දැවැන්ත ජයක් වාර්තා කිරීමට බඳුරලිය ක්‍රීඩා සමාජය සමත් වෙයි. කුරුණෑගල යොවුන් ක්‍රිකට් […]

Pin It on Pinterest

LKR Sri Lankan rupee