slc
logo
Home   |    News
ඔක්තෝබර් 7, 2019
කාසියේ වාසිය දිනා ශ්‍රී ලංකාව පළමුව පන්දුවට පහර දෙයි

Sri Lanka Cricket

Chamila Karawita reporting from Lahore

තෙවැනි තරගයක් දක්වා නොගොස් දෙවැනි තරගයේදීම ජය වාර්තා කරමින් විස්සයි-20 තරගාවලිය ජය ගැනීමේ අපේක්ෂාවෙන් පසුවන ශ්‍රී ලංකාව සහ පාකිස්තානය අතර පැවැත්වෙන තීරණාත්මක දෙවැනි එක්දින තරගයේදී කාසියේ වාසිය දිනූ ශ්‍රී ලංකා විස්සයි-20 නායක දසුන් ශානක ප්‍රථමයෙන් පන්දුවට පහර දීමට තීරණය කළේය.

තරගය පැවැත්වෙන ලාහෝර් ක්‍රීඩාංගණයේදී රාත්‍රී කාලයේ පවතින දැඩි පිණි සහිත තත්ත්වය ප්‍රථමයෙන් පන්දුවට පහර දෙන කණ්ඩායමට වාසියක් ගෙන දෙන නමුත්, පළමු තරගයේ පරිදිම පන්දුවට පහර දී ජයග්‍රහණය කිරීමේ අපේක්ෂාවෙන් කිසිම පැකිළීමකින් තොරවම දසුන් ශානක පන්දුවට පහර දීමට තීරණය ළේය. තරගාවලිය ආරම්භ කරමින් ඉකුත් 05 වැනිදා පැවැති පළමු තරගයෙන් ලකුණු 64ක විශිෂ්ඨ ජයක් ලද ශ්‍රී ලංකා කණ්ඩායම අද තරගයට පිවිසෙන්නේ 1-0 ක් ලෙස තරගාවලියේ පෙරමුණේ සිට ගනිමිනි. ඒ අනුව අද තරගයේදී ජය ගතහොත් තරගාවලියේ තවත් තරගයක් ඉතිරිව තිබියදීම 2-0 ක් ලෙස ජය ගැනීමේ අවස්ථාව ශ්‍රී ලංකා පිලට උදාවනු ඇත.

පළමු තරගය ජයග්‍රහණය කිරීමට සමත්වූ බැවින් අද තරගය සඳහා ශ්‍රී ලංකා කණ්ඩායම කිසිදු වෙනස්කමක් සිදු නොකරමින් අවතීර්ණ වූ නමුත් පාකිස්තානය වෙනස්කම් 2 ක් සිදු කරමින් පැමිණ සිටියි. එහිදී පළමු තරගයට  ක්‍රීඩා කරන ලද ෆහීම් අශ්රෆ් සහ ඉෆ්තිකාර් අහමඩ් වෙනුවට ෆකර් සමාන් සහ වහාබ් රියාස් කැඳවීමට එරට කළමනාකාරීත්වය තීරණය කර තිබේ.

වත්මන් ක්‍රීඩා අමාත්‍ය හරීන් ප්‍රනාන්දු මහතාගේ පියාණන් වන නිහාල් ප්‍රනාන්දු මහතා අභාවප්‍රාප්ත වී ඇති බැවින් ඊට ශෝකය පළ කිරීම සංඛේතවත් කිරීම වෙනුවෙන් ශ්‍රී ලංකා කණ්ඩායම අද තරගයේදී කළු පටි පැළඳ ක්‍රීඩා කරනු ඇත.

ශ්‍රී ලංකා පිල – 1. ධනුෂ්ක ගුණතිලක, 2. අවිශ්ක ප්‍රනාන්දු, 3.භානුක රාජපක්ෂ, 4. මිනෝද් භානුක, 5. දසුන් ශානක(නායක), 6. ෂෙහාන් ජයසූරිය, 7. වනිඳු හසරංග, 8. ඉසුරු උදාන, 9. ලක්ෂාන් සඳකැන්, 10. නුවන් ප්‍රදීප්, 11. කසුන් රජිත.

පාකිස්තානු පිල – 1. ෆකාර් සමාන්, 2. බාබර් අසාම්, 3. අහමඩ් ශේෂාඩ්, 4. උමර් අක්මාල්, 5. සෆ්‍රාස් අහමඩ් (නායක), 6. අසීෆ් අලී, 7. ඉමාඩ් වසීම්, 8. ශාදාබ් ඛාන්, 9. වහාබ් රියාස්, 10. මොහොමඩ් අමීර්, 11. මොහොමඩ් හස්නේන්.

Active filters

Recent Posts

  • සෑම තරගයකදීම අපි පිටියට යන්නේ කණ්ඩායම් හැගීමෙන් යුතුවයි – මහීෂ් තීක්ෂණ
    සෑම තරගයකදීම ශ්‍රී ලංකා ක්‍රිකට් ක්‍රීඩකයින් පිටියට පිවිසෙන්නේ කණ්ඩායම් හැගීමෙන් බවත්, යම් ක්‍රීඩකයෙකුගෙන් අතපසුවීමක් සිඳු වුවහොත් අනෙක් සියලු ක්‍රීඩකයින් එහි පාඩුව මකා දැමීමට කැපවීමෙන් ක්‍රියාත්මකවන බව ශ්‍රී ලංකා […]
  • ජව සම්පන්න  පහරට විශේෂඥ පුහුණුකරුවෙක්
    ශ්‍රී ලංකා ජාතික කණ්ඩායම් නියෝජනය කරනු ලබන ක්‍රීඩක ක්‍රීඩිකාවන්ගේ ජව සම්පන්න කුසලතා වැඩි දියුණු කිරීම සඳහා අරමුණු කර ගත් සතියක පුහුණු වැඩ සටනක් පැවැත්වීම සදහා ඒ සම්බන්ධ විශේෂඥ පුහුණුකරුවකු […]
  • දෙවැනි විස්සයි-20 තරගයෙත් ‘ටිකට්‘ විකිණී අවසන්
    ශ්‍රී ලංකාව සහ බංග්ලාදේශය අතර ලබන ඉරිදා (13 වැනිදා) රංගිරි දඹුලු ජාත්‍යන්තර ක්‍රීඩාංගණයේ පැවැත්වීමට නියමිත දෙවැනි විස්සයි-20 ක්‍රිකට් තරගයේසියලුම ප්‍රවේශපත් විකිණී අවසන්ව ඇති බව ශ්‍රී ලංකා ක්‍රිකට් ආයතනය නිවේදනය […]
  • පළමු විස්සයි-20 න් ශ්‍රී ලංකාවට කඩුලු 7 ක ජයක්
    කඩුලු දවා ගැනීමට වඩා ලකුණු නවාතාලීම උපක්‍රමය ලෙසින් භාවිතා කිරීමට සමත්වීමත්, ආරම්භක පිතිකරුවන් වූ කුසල් මෙන්ඩිස් සහ පැතුම් නිස්සංකගේ වේගවත් ආරම්භයත් හේතුවෙන් පල්ලේකැලේ ජාත්‍යන්තර ක්‍රීඩාංගණයේදී අද (10 දා) රාත්‍රියේ […]
  • ‘ඒ‘ තරගාවලියේ ජය ඔස්ට්‍රේලියාවට
    ඔස්ට්‍රේලියාවේ තරග සංචාරයක නිරතව සිටින ශ්‍රී ලංකා ‘ඒ‘ කණ්ඩායම සහ ඔස්ට්‍රේලියානු ‘ඒ‘ කණ්ඩායම අතර පැවැති තෙවැනි නිල නොවන එක්දින තරගයෙන් කඩුලු 7 ක ජයක් වාර්තා කළ සත්කාරක ඔස්ට්‍රේලියානු ‘ඒ‘ […]

Pin It on Pinterest

USD United States (US) dollar