slc
logo
Home   |    News
නොවැම්බර් 18, 2019
කපුගෙදරට කන්ද උඩරට උපහාර

Sri Lanka Cricket

ශ්‍රී ලංකා ක්‍රිකට් කණ්ඩායමේ හිටපු නායකයෙකුවන චාමර කපුගෙදරට ඔහු සිප්සතර හැදෑරු මහනුවර ධර්මරාජ විදුහල නොබෝදා උපහාර උත්සවයක් පැවැත්වීය.

පාසල් ක්‍රිකට් ක්‍රීඩකයන් පාසලෙන් නික්මයන අවස්ථාවේ තම රට නියෝජනය කරන ජාතික කණ්ඩායමට ඇතුලුවීම වත්මන් අවධියේ දක්නට නොලැබෙන දුලභ දර්ශනයකි. පාසලෙන් කෙළින්ම ශ්‍රී ලංකා ටෙස්ට් සහ එක්දින කණ්ඩායමට එක්වූ මෙරට අවසාන පාසල් ක්‍රීඩකයන් දෙතුන් දෙනාගෙන් අයෙකුවන කපුගෙදර වැනි ක්‍රීඩකයෙකුගෙන් පාසල් ක්‍රීඩකයනට ජාතික මට්ටමින් යම් ආදර්ශයක් ගත හැකි හෙයින් ඔහු පිළිබඳව සටහනක් තැබීම වැදගත්වේ.

චාමර කපුගෙදර 2006 වසරේදී 18 හැවිරිදි පාසල් සිසුවෙකුව සිට ඉන් ඉවත්වනවාත් සමගම එම වසරේම ජාතික ටෙස්ට් හා එක්දින කණ්ඩායම් නියෝජනය කලේ ලොව දැවැන්තයන් වන එංගලන්තය සහ ඕස්ට්‍රේලියාව සමග තරගවදිමිනි. එම දිනවල ඕස්ට්‍රේලියාවේ පර්ත්හි පැවැති වී.බී. (VB) එක්දින තරගාවලියේ අවසාන මහා තරග තුනේ පළමු තරගයේදී මොහු එවක ලොව වේගවත්ම පන්දු යවන්‍නා වන බ්‍රෙට් ලීට පිට පිටම දැවැන්ත හයේ පහර එල්ල කරමින් පන්දු 21කදී ලබාගත් ලකුනු 38 බොහෝදෙනෙකුගේ මතකයේ තවමත් පවතී. ඔහුගේ එම ඉනිම මත ශ්‍රී ලංකාව ජයගත් අතර ඕස්ට්‍රේලියාව එවර තම රටේදී පරාජය වූයේ වසර නවයකට පසුවය.

2006 වසරේදීම 18 හැවිරිදි වියේ පසුවෙමින් කපුගෙදර ශ්‍රී ලංකා ටෙස්ට් පිල ප්‍රථම වරට නියෝජනය කළේ එංගලන්තය සමග ක්‍රිකට් “රන්දෙවොල” ලෙස නමක් දිනා සිටින ලන්ඩනයේ ලෝඩ්ස් ක්‍රීඩාංගණයේදීය. එම වසරේ සිට ටෙස්ට් තරග අටකදී අර්ධ ශතක හතරක් සමග ලකුණු 418ක් ලබා ඇත්තේ ඉනිමක 34.8ක හොද සාමාන්‍ය ලකුණු ප්‍රමාණයක් ලබාගනිමිනි. කපුගෙදර වඩාත් දස්කම් දැක්වූයේ එක්දින සහ 20-20 තරගාවලියන්හිදීය එක්දින තරග 102කදී අර්ධ ශතක 8ක් සමග ලකුණු 1624ක්ද 20-20 තරග 43කදී අර්ධ ශතකයක් සමග 703ක්ද හේ ලබාසිටී.

1987 පෙබරවාරි 24 වැනිදා මහනුවර දී උපත ලද චාමර කාන්ත කපුගෙදර කොළඹින් පිටත පළාතකින් බිහිවූ විශිෂ්ට ක්‍රීඩකයෙකි වත්මන් අවධියේදී මෙන් නොව එකළ පිට පළාතකින් ජාතික පිලට එක්වර ක්‍රීඩකයෙකු එක්වන්නේ කලාතුරකිනි. පාසල් වියේ සියළු වයස් සීමාවන්හි නායකත්වය දරා ඇති චාමර කපුගෙදර 2017 ජූලි මස ඉන්දියාව සමග එක්දින තරගයේදී ශ්‍රී ලංකා කණ්ඩායමටද නායකත්වය ලබා දුන්නේය. ඔහු චෙන්නායි සුපර් කින්ස් ද නියෝජනය කළේය. ධර්මරාජය දැයට විශිෂ්ට ක්‍රිකට් ක්‍රීඩකයන් ලබාදී ඇති පාසලකි.Kandy Express (මහනුවර සීඝ්‍රගාමී) විරුදාවලිය ලත් ශ්‍රී ලංකාවේ වේගවත්ම පන්දු යවන්නා ටී.බී.කෙහෙල්ගමුව තුන් ඉරියව් ක්‍රීඩක සනී යටවර බිහිවූයේත් මේ කන්ද උඩරට සිප්හලෙනි.

බන්දුල මොල්ලිගොඩ

-The opinions expressed here are the views of the writer and do not necessarily reflect the views and opinions of Sri Lanka Cricket-

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

USD United States (US) dollar