slc
Home   |    News
නොවැම්බර් 29, 2019
තරගාවලියේ දක්ෂම ක්‍රීඩිකාව වීම මා පුද්ගලිකව ලත් ජයග්‍රහණයක් නොවේ – දක්ෂම ක්‍රීඩිකාව හර්ෂිතා පවසයි

Sri Lanka Cricket

කාන්තා සුපිරි අන්තර් පළාත් තරගාවලියේ දක්ෂම ක්‍රීඩිකාව ලෙසට තේරීමෙන් ලැබෙන ගෞරවය මා පුද්ගලිකව ලබන ජයග්‍රහණයක් නොවේ. මට ක්‍රිකට් ක්‍රීඩාවෙන් ඉදිරිය‍ට ඒමට අතදුන් සියල්ලටම එහි ගෞරවය හිමිවිය යුතුබව තරගාවලියේ දක්ෂතම ක්‍රීඩිකාව වූ මහනුවර නායිකාව හර්ෂිතා මාධවී ක්‍රිකට් ආයතනයේ වෙබ් අඩවියට ප්‍රකාශ කළාය.

ජාතික සංචිතයේ ජ්‍යෙෂ්ට ක්‍රීඩිකාවන් රැසක්ම සිටියදී මා හට දක්ෂම ක්‍රීඩිකාව වීමට අවස්ථාව ලැබීම ගැන මා සතුටුවනවා. මේ සාර්ථකත්වය ලබා ගැනීමට මා හට ඒමට සිදුවූ දීර්ඝ ගමනේදී ඒ පිටුපස සිටි සියල්ලම මා පෞද්ගලිකව ස්තූතිවන්ත වනවා.

මා මුලින්ම ස්තූතිවන්ත විය යුත්තේ මගේ පවුලේ සාමාජිකයන්ටයි.මගේ පවුලේ ඉන්නේ මමයි අයියයි අම්මයි තාත්තයි. අයියා මා සමග කුඩා කළ ක්‍රිකට් ක්‍රීඩා කළා. මගේ ක්‍රිකට් ආරම්භය එයයි. ඒත් අයියා ක්‍රිකට් ක්‍රීඩාවෙන් එතරම් දුරට ගියේ නෑ.අම්මයි තාත්තයි අයියයි මට කුඩාකළ සිටම ක්‍රිකට් ක්‍රීඩාවෙන් ඉදිරියට යාමට උදවු කළා. ධෛර්ය දුන්නා. අම්මයි තාත්තයි පොලීසියේ සේවය කළා. සාමාන්‍ය පෙළ සමත් වන තුරුම මා ඉගෙන ගත්තේ ගෝතමී බාලිකා විදුහලේ. එහි මගේ ක්‍රිකට් පුහුණුකරු වූයේ ලලන්ග රාජපක්ෂයි. වසර ගණනාවක් මා ඔහු යටතේ පුහුණුවූවා.

මා ‍නුගේගොඩ අනුලා විදුහලට ඇතුළුවූයේ උසස්පෙළ හැදැරීමටයි. අනුලාවේ මගේ පුහුණුකරු වූයේ සහන් දේශප්‍රියයි.  අනුලාවේදී  මා වැඩිපන්නරයක් ලැබුවා.  ඉන්පසුව පුහුණුවට  ශ්‍රී ලංකා එක්දින නායිකාව ශශිකලා සිරිවර්ධන අක්කාගේ සහය මට ලැබුණා. නාවික හමුදාවට ඇතුලුවූ පසු ශ්‍රීදරන් රාමචන්ද්‍ර යටතේ වැඩිදුරටත් පුහුණුවූවා යැයි හර්ෂිතා පවසයි. හර්ෂිතා මේ තරගාවලියේ දී ඉනිම තුනකදී ලකුණු 128ක් ලබා ඉනිමක හොදම සාමාන්‍ය ලකුණු 64ක් රැස්කළාය.

අවසාන තරගයේ දක්ෂම ක්‍රීඩිකාව හා හොදම පන්දු යවන්නිය ශෂිකලා සිරිවර්ධන මෙසේ කියයි.

අවසාන තරගයේදී ප්‍රබල කොළඹ කණ්ඩායම ලකුණු 98කට සීමා කරගැනීමට අපගේ දඹුල්ල කණ්ඩායමට හැකිවීම අපලත් ප්‍රධාන ජයග්‍රහණයක් ඔවුන් සතුව ජාතික සංචිතයේ ප්‍රබල පිතිකාරිණියන් පහක් සහ පන්දුයවන්නියන් පහක්ම සිටියායැයි ශෂිකලා සිරිවර්ධන කියයි.

අපට ක්‍රීඩා කිරීමට සිදුවූයේ තරුණ ළමයි වැඩිපු අපගේ කණ්ඩායමට ඇතුළත් කරගෙනයි. ඒත් ඔවුන් තම කාර්යයන් හරිහැටි ඉටුකිරීම නිසා අපට පහසුවෙන් කුසලානය දිනාගත හැකිවූ බව ශෂිකලා වැඩිදුරටත් පැවසූවාය. අවසාන තරග‍යේදී ශෂිකලා නොදැවී ලකුණු 56ක් (පන්දු 41) සහ ලකුණූ 21ට කඩුලු 02ක් බිදදැමුවාය.

බන්දුල මොල්ලිගොඩ

-The opinions expressed here are the views of the writer and do not necessarily reflect the views and opinions of Sri Lanka Cricket-

Active filters

Recent Posts

  • දුශාන් සහ මතීෂට එක්දින වරම්!
    By Chamila Karawita ශ්‍රී ලංකාව සහ ඇෆ්ගනිස්තානය අතර හෙට (02 දා) ආරම්භ වන එක්දින තරගාවලිය එක්දින ලෝක ශූරතාවට අයත් නොවන්නකි. එහෙත් මෙම තරගාවලියේදී ඇෆ්ගනිස්තානට කෙසේ වෙතත්ට ශ්‍රී ලංකාවට […]
  • ඒස් කැපිටල්-කෝල්ට්ස්-බ්ලූම්ෆීල්ඩ්-ටැමිල් යුනියන් ජය වාර්තා කරති 
    ශ්‍රී ලංකා ක්‍රිකට් ආයතනය මෙහෙයවන අන්තර් සමාජ මේජර් විස්සයි 20 ක්‍රිකට් තරගාවලියේ අද (ජුනි 01) පැවැති ඒස් කැපිටල් – බදුරලිය තරගයේදී ඒස් කැපිටල් නායක රොෂාන් ජයතිස්ස තුන් ඉරියව්වේදීම […]
  • සිංහ – ඇෆ්ගන් සටනේ ‘ටිකට්’ ස්ථාන 3 කින්
    ඇෆ්ගනිස්තානු ක්‍රිකට් කණ්ඩායමේ ශ්‍රී ලංකා තරග සංචාරය යටතේ පැවැත්වෙන තරග 3 කින් සමන්විත එක්දින ක්‍රිකට් තරගාවලියේ ප්‍රවේශ පත්‍ර ශ්‍රී ලංකා ක්‍රිකට් ආයතනය නිල වෙබ් අඩෙවියට (www.srilankacricket.lk) පිවිසි මිලදී […]
  • ඇෆ්ගන් – ශ්‍රී ලංකා සටනේ නිලධාරීන් නම් කරයි
    හෙට (02 දා) හම්බන්තොට මහින්ද රාජපක්ෂ ක්‍රීඩාංගණයේදී ආරම්භ වන ශ්‍රී ලංකාව සහ ඇෆ්ගනිස්තානය අතර එක්දින තරගාවලියේ තරග තීරකවරයා ලෙසින් ප්‍රවීන තරග තීරක රංජන් මඩුගල්ලේ මහතා කටයුතු කරනු ඇත. […]
  • යුද හමුදාවේ අසේල ගුණරත්න නැවත ලකුණු අතරට
     ශ්‍රී ලංකා ක්‍රිකට් ආයතනය මෙහෙයවන මේජර් අන්තර් සමාජ විස්සයි 20 ක්‍රිකට් තරගාවලියේ අද (31) පැවැති යුද හමුදාව සහ පොලීසිය අතර තරගයේදී යුද හමුදාව නියෝජනය කරන හිටපු ශ්‍රී ලංකා […]
USD United States (US) dollar

Pin It on Pinterest