slc
logo
Home   |    News
ජනවාරි 31, 2020
යොවුන් ක්‍රීඩකයෝ ස්කොට්ලන්තය පරදවති

Sri Lanka Cricket

දකුණු අප්‍රිකාවේ ක්‍රියාත්මක වයස අවුරුදු 19 න් පහළ ලෝක කුසලාන ක්‍රිකට් තරගාවලිය යටතේ අද (30 දා) ස්කොට්ලන්තයට එරෙහිව පැවැති තරගයේදී ඩක්වර්ත් ලුවිස් න්‍යායට අනුව ලකුණු 97 ක ජයග්‍රහණයක් වාර්තා කළ ශ්‍රී ලංකා යොවුන් කණ්ඩායම පළඟ කුසලාන අවසන් මහ තරගයට සුදුසුකම් ලබා ගැනීමට සමත්විය.

ජයග්‍රහණය සඳහා ලකුණු 278 ක ඉලක්කයක් හඹා ගිය ස්කොට්ලන්ත කණ්ඩායමට වර්ෂාවෙන් බාධා ඇති වන විට යවන ලද පන්දුවාර 40 දී රැස් කර ගැනීමට හැකිවූයේ කඩුලු 8 කට ලකුණු149 ක් පමණි. ඒ වන විටත් ලකුණු 247 ක ඉලක්කයක් ස්කොට්ලන්ත කණ්ඩායම හමුවේ ලබාගත යුතු වුවත් ශ්‍රී ලංකා පන්දු යවන්නන් හමුවේ දක්වන ලද දුර්වල පිතිහරඹය හේතුවෙන් ලකුණු 97 ක පහසු ජයක් ශ්‍රී ලංකා කණ්ඩායමට හිමිවිය.

ස්කොට්ලන්ත පිල වෙනුවෙන් වැඩිම ලකුණු ලාභියා වූ ඇන්ගස්ගයි ලකුණු 31 ක් රැස් කළ නමුත් එය තරගයේ ජයග්‍රහණය සඳහා ප්‍රමාණවත් නොවීය. ශ්‍රී ලංකා යොවුන් පිල වෙනුවෙන් කැපී පෙනෙන පන්දු යැවීමක නිරත වූ චමිඳු විජේසිංහ ලකුණු 31 කට කඩුලු 3 ක් සහ ඩිල්ෂාන් මධුෂංක ලකුණු 26 කට කඩුලු 2 ක් දවා ගත්හ. ඔවුන් දෙදෙනාට අමතරව කවිඳු නදීෂාන්ද ලකුණු 42 කට කඩුලු 2 ක් දවා ගන්නා ලද්දේ ස්කොට්ලන්ත පිල තවත් අසීරු තාවයට ඇද දමමින.

පළමුව පන්දුවට පහර දුන් ශ්‍රී ලංකා යොවුන් පිල වෙනුවෙන් නායක නිපුන් ධනංජය ලකුණු 66 ක්, ආරම්භක පිතිකරු නවෝද් පරණවිතාන ලකුණු 54 ක් සහ අහන් වික්‍රමසිංහ ලකුණු 59 ක් ලබා  ලබා අර්ධ ශතක වලින් කණ්ඩායමට දායකත්වය දැක්වූහ. මෙහිදී කමිල් මිශාරට එක්වූ පරණවිතාන පළමු කඩුල්ල වෙනකුවෙන් ලකුණු 90 ක් ගොඩ නංවන ලද්දේ පන්දු 103 ක් පමණක් වැය කරමිනි. පන්දු 52 ක් වැය වුණු මිශාර ලකුණු 39 ක් ලබා ගත්තේය.

යොවුන් පිලේ සාර්ථකම සම්බන්ධතාවය වූ සිව්වැනි කඩුල්ලේ සම්බන්ධතාවය නිපුන්ධනංජය සහ අහන් වික්‍රමසිංහ අතර වාර්තාවිය. පන්දු 93 කදී ගොඩනැංවුණු ලකුණු 103 ක සම්බන්ධතාවය නිසා ශ්‍රී ලංකාවට සැනසිලි දායක ලකුණු සංඛ්‍යාවක් කරා යෑමේ ඉඩ පහස වෙන්විය. මෙහිදී කැපී පෙනුණි නිපුන් තම ලකුණු 66 ක ඉනිම සඳහා පන්දු 69 කටද අහන් තම අර්ධ ශතකය සඳහා පන්දු 50 කට ද මුහුණ දුන්නේය. මොවුන දෙදෙනාම තම අර්ධ ශත පිළිවෙළින් හයේ පහරක් සහ හතරේ පහර පහකින්ද අහන් හතරේ පහර 3 කින්ද සිය අර්ධ ශතක වර්ණවත් කර ගත්හ.

ලකුණු සාරාංශය – ශ්‍රී ලංකා යොවුන් පිල පන්දුවාර 50 කදී 277/6 යි – (නවෝද් පරණවිතාන 54, රවිඳු රසාන්ත 21, කමිල් මිශාර 39, නිපුන් ධනංජය 66, අහන් වික්‍රමසිංහ 59ථ සොනාල් දිනූෂ 15*, ජැස්පර් ඩේවිසන් 31/2, චාර්ලි පිට් 44/2)

ස්කොට්ලන්ත කණ්ඩායම පන්දුවාර 40 කදී 149/8 යි – (බෙන් ඩේව්සන් 18, උසයිර් ෂා 17, ඇන්ගස් ගයි 31, කෙස් සජාඩ් 12, චමිඳු විජේසිංහ 31/3, දිල්ශාන් මධුශංක 26/2, කවිඳු නදීෂාන් 42/2)

Active filters

Recent Posts

  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]

Pin It on Pinterest

LKR Sri Lankan rupee