slc
Home   |    News
ජනවාරි 22, 2020
යොවුන් ක්‍රීඩකයෝ නවසීලන්ත පිල හමුවේ පසුබසිති

Sri Lanka Cricket

දකුණු අප්‍රිකාවේ දැන් ක්‍රියාත්මක වයස අවුරුදු 19 න් පහළ යොවුන් ලෝක කුසලාන ක්‍රිකට් තරගාවලියේ කුසලාන බලාපොරොත්තු රඳවා ගැනීමට නම් ජයග්‍රහණය අතිශයින්ම තීරණාත්මක වූ නවසීලන්ත යොවුන් පිලට එරෙහි  තරගයෙන් ශ්‍රී ලංකා යොවුන් පිල කඩුලු 3 ක අවාසනාවන්ත පරාජයකට අද (22 දා) මුහුණ දුන්නේය.

මෙය මෙවර තරගාවලියේ මූලික වටය යටතේ ශ්‍රී ලංකාව ලද දෙවැනි පරාජය ලෙසින් සටහන් වූ බැවින් කුසලාන බලාපොරොත්තුව පිළිබඳව තබා තිබූ බලාපොරොත්තු ඒ සමඟම අහිමිව යනු ඇත. බ්ලූෆොන්ටන්හි පැවැති මෙම තරගයේදී ලකුණු 243 ක ඉලක්කයක් හඹා ගිය නවසීලන්ත පිතිකරුවෝ එක් පන්දුවක් අවසානයේදී සපුරා ගන්නා ලද්දේ කඩුලු 7 ක් ශ්‍රී ලංකා පන්දු යවන්නන් හමුවේ පූජා කරමිනි. 

දෙපිළටම තරගයේ ජයග්‍රහණය දෝලනය වෙමින් පැවැති මෙම තරගයේදී නවසීලන්ත ජයග්‍රහණය සඳහා අවසන් පන්දුවාරයේදී ලකුණු 12 ක් ලබා ලබාගත යුතු වුවත් එම පන්දුවාරය ක්‍රියාත්මක කරන ලද ඩිල්ෂාන් මධුශංකට නවසීලන්ත පිතිකරු ක්‍රිස්ටියන් ක්ලාක්ව මෙල්ල කර ගැනීමට නොහැකි විය. ඒ අනුව පස්වැනි පන්දුවේදී හයේ පහරක් එල්ල කළ ක්ලාර්ක් එතෙක් වෙලා දෙපිළටම දෝලනය වූ තරගයේ පූර්ණ අයිතිය නවසීලන්තය වෙත ලබා දුන්නේය.

අදාළ හඹා යෑමේදී සාර්ථක පිතිහරඹයක නිරත වූ ආරම්භක පිතිකරු රහිස් මරියු පන්දු 106 කදී ලකුණු 86 ක් ලබා වැඩිම ලකුණු ලාභියා බවට පත්වූවේය. ඔහුට අමතරව බෙකැම් ග්‍රීනල් පන්දු 111 කට මුහුණ දෙමින් ලකුණු 80 ක් ලබා ගත්තේය. මොවුන් දෙදෙනා අතර තෙවැනි කඩුල්ලේ සාර්ථක සම්බන්ධතාවය ලකුණු 111 කි.

ප්‍රථමයෙන් පන්දුවට පහර දුන් යොවුන් පිල කඩුලු 2 කට ලකුණු 106 වැනි ප්‍රබල ස්ථානයක පසු වුවත් ලකුණු 06 ක් ඇතුළත නායක නිපුන් ධනංජය ද ඇතුළු ඉදිරි පෙළ පිතිකරුවන් තිදෙනකු දැවී යෑම ශ්‍රී ලංකාවට දැඩි පාඩුවක් ගෙන දෙන්නක් විය. එහෙත් අංක 8 පිතිකරණ ස්ථානයෙන් පන්දුවට පහර දීමට පැමිණි අහන් වික්‍රමසිංහ පන්දු 48 කදී රැස් කරන ලද වේගවත් ලකුණු 64 ක සම්බන්ධතාව හේතුවෙන් ගෞරවාන්විත ලකුණු සංඛ්‍යාවක් කරා යෑමේ ඉඩ කඩ යොවුන් කණ්ඩායමට උදාවිය. 

හතරේ පහර 9 කින් වර්ණවත් වුණු අහන්: සොනාල් දිනූෂ සමඟ එක්ව හත්වැනි කඩුල්ලට ලකුණු 78 ක් ගොඩ නැංවීම ලකුණු 250 ආසන්නයට යෑමට හැරවුම් ලක්ෂ්‍ය බවට පත්විය. පිතිකරුවන් බහුතරයක් ලකුණු අතරට පැමිණියද ඔවුන් කිසිවකුට ක්‍රීඩා කරන ලද ඉනිම දීර්ඝ ඉනිම බවට පරිවර්තනය කර ගැනීමට නොහැකි වීම ශ්‍රී ලංකා පිලට දරාගත නොහැකි පාඩුවක් බවට පත්විය. 

මූලික වටය යටතේ ශ්‍රී ලංකා පිල සහභාගිවීමට නියමිත අවසන් තරගය ලබන 25 වැනිදා ජපානයට එරෙහිව බ්ලූෆොන්ටන්හිදී පැවැත්වීමට නියමිතය.

ලකුණු සාරාංශය 

ශ්‍රී ලංකාව පන්දුවාර 50 දී කඩුලු 9ට ලකුණු 242 යි – (නවෝද් පරණවිතාන 23, කමිල් මිශාර 21, රවිඳු රසාන්ත 29, තවීෂ අභිෂේක් 25, නිපුන් ධනංජය 00, සොනාල් දිනූෂ 46, දිලුම් සුධීර 06, අහන් වික්‍රමසිංහ 64, කවිදු නදීෂාන් 07*, අෂේන් ඩැනියෙල් 00, ක්‍රිස්ටියන් ක්ලාක් 36/2, ආදිත්‍ය අශෝක් 38/3, ජෝසි ටශ්කෝෆ් 40/2)

 නවසීලන්තය පන්දුවාර 49.5 කදී කඩුලු 7 කට ලකුණු 243 යි – (රහිස් මරියු 86, ඔලි වයිට් 04, ෆර්ගස් ලීල්මන් 13, බෙකම් ග්‍රීනල් 80, ජොසි ටශ්කොෆ් 30, සීමන් කෙනී 03, කුයින් සන්ඩි 02, ජෝයි ෆීල්ඩ් 05*, ක්‍රිස්ටියන් ක්ලාක් 09*, දිලුම් සුධීර 52/2)

Recent Posts

  • අවසන් සටනේ මුල් දිනයේ රාගම කඩුලු 8කට ලකුණු 258යි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ වයස අවුරුදු 23 න් පහළ ප්‍රධානතම ලීග් ක්‍රිකට් තරගාවලියේ අවසන් මහා තරගයේ මුලින් පන්දුවට පහරදෙන රාගම ක්‍රිකට් සමාජය පළමු දිනයේ […]
  • දිමුත් සහ චන්දිමාල් ‘විස්ඩන්’ ලෝක කණ්ඩායමට
    ක්‍රිකට් ක්‍රීඩාවේ බයිබලය ලෙසින් සැලකෙන ප්‍රකට විස්ඩන් (Wisden) සඟරාව විසින් තෝරනු ලබන ටෙස්ට් ලෝක ශූරතා තරගාවලිය සඳහා ක්‍රීඩා කරන ලද ලොව හොඳම ක්‍රීඩකයින් 11 දෙනා අතරට ශ්‍රී ලංකාවේ […]
  • පළමු තරගයෙන්ම ශ්‍රී ලංකා යොවුන් පිලට පහසු ජයක්
    අබුඩාබි නුවර ආරම්භ වුණු වයස අවුරුදු 19 න් පහළ යොවුන් ක්‍රිකට් තරගාවලියේ සමාරම්භක තරගයේදීම බංග්ලාදේශ යොවුන් පිලට එරෙහිව කඩුලු 5 ක විශිෂ්ඨ ජයක් වාර්තා කරමින් තරගාවලියට සාර්ථක ප්‍රවේශයක් […]
  • ළහිරුගේ නායකත්වයේ ඉනිම කැන්ඩිට පළමු ජය ගෙනෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී නායකත්වයේ ඉනිමක් ක්‍රීඩා කළ කැන්ඩි පිලේ ළහිරු උදාර වාර්තා කළ ලකුණු 109 සමග කැන්ඩි පිල ලකුණු 8ක […]
  • ජැෆ්නා – කළම්බු තරගයට වැස්සෙන් බාධා
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේ ජැෆ්නා හා කළම්බු අතර තරගයේ මුලින් පන්දුවට පහරදුන් කළම්බු පිල ඕවර් 46.3ක් තුලදී කඩුලු 9ක් දැවී ලකුණු […]
LKR Sri Lankan rupee

Pin It on Pinterest