slc
logo
Home   |    News
පෙබරවාරි 22, 2020
38 වසරක කොදෙව් මතකයන් ගැන අසන්ත ද මෙල්ගේ විග්‍රහය…

Sri Lanka Cricket

එක්දින සහ විස්සයි-20 තරගාවලි 2 කට සහභාගිවීම සඳහා ශ්‍රී ලංකාවට පැමිණ සිටින බටහිර ඉන්දිය කොදෙව් දූපත්හි අතීත ක්‍රීඩකයන් පළමු හා දෙවන ලෝක කුසලාන එක්දින තරගාවලියන් පැවැති හැත්තෑව දශකයේ අග භාගයේ සහ මැද භාගයේ ලෝක සූරයන්ය. එම අවධියේ ලොව මවිත කළ, පිතිකරුවන් සසල කරවන ජෝ ගානර්, මැල්කම් මාෂල්, ඇන්ඩි රොබට්ස් හා කොලින් ‍ ක්‍රොෆ්ට් වැනි බියකරු වේග පන්දු යවන්නන්ගෙන් ද ක්ලයිඩ් ලොයිඩ් , විවියන් රිචඩ්ස් , රොහාන් කන්හායි හා ගොර්ඩන් ග්‍රිනිජ් වැනි විශිෂ්ට පිතිකරුවන්ගෙන් ද කොදෙව් කණ්ඩායම සමන්විත විණි.   

ලංකාව (එකළ හැදින්වූ නාමය) වතාවන් කිහිපයකදී මේ වේගපන්දු යවන්නන් හමුවේ ලකුණු සියයකට අඩුවෙන් දැවීගිය අවස්ථා කිහිපයකි. කාලයාගේ ඇවෑමෙන් එම තත්ත්වයක් ක්‍රමයෙන් වෙනස්විණි. හැත්තෑව දශකයේ අග භාගයේත්, අසුව දශකයේ මුල භාගයේත් ශ්‍රී ලංකාවෙන් බිහිවූ විශිෂ්ට ගණයේ වේගපන්දු යවන්නෙකු වූයේ වත්මන් තේරීම් කමිටු සභාපති සහ වත්මන් ශ්‍රී ලංකා ක්‍රිකට් කණ්ඩායමේ කළමණාකරු අසන්ත ද මෙල්ය.

ශ්‍රී ලංකාව පළමු ටෙස්ට් තරගයට ක්‍රීඩා කරන ලද්දේ 1982 වසරේ පෙබරවාරි 17 වැනිදා සිට 21 වැනිදා දක්වාය.  ඒ අනුව ඉකුත් පෙබරවාරි 21 වැනිදාට ටෙස්ට් ශ්‍රී ලංකාවට ටෙස්ට් වරම් හිමිවී වසර 38 ක් සපිරෙන්නේය. එදා සිට අද දක්වා කොදෙව් ක්‍රිකට් ක්‍රීඩාව පවතින ආකාරය පිළිබඳව ශ්‍රී ලංකා ක්‍රිකට් ආයතනයේ ‍වෙබ් අඩවිය සමග පැවැති සාකච්ඡාවකදී මෙසේ අදහස් පළ කළේය.

“බටහිර ඉන්දීය කොදෙව් ක්‍රිකට් කණ්ඩායම මීට දශක හතරකට පෙර ලොව මවිතයට පත්කළ කණ්ඩායමක්. ඔවුනගේ වේගපන්දු යවන්නන් හැඩි දැඩි ලොව වේගවත්ම පන්දු යවන්නන් පිරිසක්. ශාරීරික වශයෙන් ඔවුනගේ පිතිකරුවන්ගේ වෙනසක් නෑ.

වත්මන් ක්‍රිකට් ක්‍රීඩාවේත් එදා පැවැති ක්‍රිකට් ක්‍රීඩාවේත් වෙනස්කම් ඇති වූයේ ජගත් ක්‍රිකට් සමුළුව ගෙනා යම් යම් නීතිරීති අනුව යැයි මා විශ්වාස කරනවා. කොදෙව් දූපත් කණ්ඩායමේ පමණක් නොව වෙනත් රටවලත් මෙවැනි වේගවත්ම පන්දුයවන්නන් හිටියා. ඕස්ට්‍රේලියවේ ජෙෆ් තොම්සන්, ඩෙනිස් ලිලී, නවසීලන්තයේ රිචඩ් හැඩ්ලි ඇතුළු තර්ජනාත්මක වේගපන්දු යවන්නන් රැසක්ම වරින් වර බිහිවූවා”.

“පිතිකරුවනට මේ පන්දු යවන්නන්ට මුහුණදීම වඩාත් භයානක වූයේ එදා ශරීර ආවරණ කිරීමට තිබුණේ ඉතා අඩු ආරක්ෂාකාරී පිළිවෙතක් මතයි. එදා තිබුණේ අත්ආවරණ, පා ආවරණ සහ රහස් ප්‍රදේශය ආරක්ෂා කිරීමට යොදා ගන්නා ආරක්ෂක උපකරණ (BALL GUARD) පමණයි. ඒත් අද තත්ත්වය ඊට හාත්පසින්ම වෙනස්. පිතිකරුවන් පන්දුවට පහරදීමට එන්නේ මුළු ශරීරයම වසාගෙනයි. හිස්වැස්ම, අත්වැස්ම, අත් ආවරණ,පා ආවරණ, කලවා පෙදෙස් ආවරණ ඇතුළු ගොඩක්.”

“එදා ඕවරයකට බවුන්සර් පන්දු යැවීමේ සීමාවක් නෑ. අද එය දෙකකට සීමා‍‍වෙනවා. එදා තණතිලි සැකසීමේ දීත් ඕනතරම් ඉපිලෙන (බවුන්ස්) තණතීරුව සෑදීමට හැකියි. ක්‍රීඩාවන්ට නීතිරීති පැනවීමේදී වාසි අවාසි දෙකටම මුහුණදීමට සිදුවනවා” යැයිද අසන්තද මෙල් පවසයි.

ශ්‍රී ලංකාවට ටෙස්ට් වරම් දිනා ගැනීමෙන් පසු පැවැති මංගල ටෙස්ට් තරගයේදී ශ්‍රී ලංකා කණ්ඩායමේ ආරම්භක පන්දු යවන්නා වශයෙන් කටයුතු කරන ලද අසන්ත ද මෙල් ටෙස්ට් තරග 17 කදී කඩුලු 59 ක් සහ එක්දින තරග 57 කදී කඩුලු 59 ක් දවා ගෙන තිබේ. 

බන්දුල මොල්ලිගොඩ

Active filters

Recent Posts

  • පොලීසිය සහ පානදුරට ජයග්‍රහණ
    ශ්‍රී ලංකා පොලීසිය සහ පාණදුර ක්‍රීඩා සමාජය අද (12) දිනයේ වර්ෂාව අභිබවායමින් මේජර් ලීග් තුන්දින තරගාවලියේ ජයග්‍රහණ වාර්තා කිරීමට සමත් විය.  මේ කණ්ඩායම් දෙකම දෙවන දින (සෙනසුරාදා – […]
  • ශ්‍රී ලංකා ක්‍රිකට් තොරතුරු දැනගන්න ‘මොබයිල් ඇප්‘ එකක්
    ශ්‍රී ලංකා ක්‍රිකට් ක්‍රීඩාව වෙනුවෙන්ම වූ තොරතුරු ලබා ගැනීම සඳහා ශ්‍රී ලංකා ක්‍රිකට් සඳහාම වෙනුවුණු විශේෂ ‘මොබයිල් ඇප්‘ (Mobile App) එකක් එළි දැක්වීමට ශ්‍රී ලංකා ක්‍රිකට් ආයතනය ඉකුත්දා […]
  • 19 න්  පහළ බාලිකා ලෝක කුසලාන තරගාවලියට ශ්‍රී ලංකා පිල නම් කරයි
    ජනවාරි මස 18 වැනිදා මැලේසියාවේදී ආරම්භවීමට නියමිත වයස අවුරුදු 19 න් පහළ බාළිකා ලෝක කුසලාන ක්‍රිකට් තරගාවලිය සඳහා සහභාගිවන ශ්‍රී ලංකා බාළිකා කණ්ඩායම ප්‍රකාශයට පත් කර තිබේ. එම […]
  • ශ්‍රී ලංකාවට ගෞරවාන්විත තරගාවලි අවසානයක්
    ඕක්ලන්ඩ් නුවරදී පැවැති තෙවැනි සහ අවසන් එක්දින ක්‍රිකට් තරගයෙන් සත්කාරක නවසීලන්ත කණ්ඩායමට එරෙහිව ලකුණු 140 ක දැවැන්ත තරග ජයග්‍රහණයක් අත්කර ගැනීමට ශ්‍රී ලංකා කණ්ඩායම සමත්විය. මෙම තරගාවලියේ  පළමු […]
  • කණ්ඩායම් කිහිපයක්ම ජයග්‍රහණ අභියස
     ශ්‍රී ලංකා ක්‍රිකට් සංවිධානය කරන මේජර් ලීග් තුන්දින ක්‍රිකට් තරගාවලියේ තෙවන සති අන්තය වන මේ සතියේ දෙවන දිනය වන අද (11) තරග නිම වන විට කණ්ඩායම් කිහිපයක්ම ජයග්‍රහණ […]

Pin It on Pinterest

USD United States (US) dollar