slc
logo
Home   |    News
ජූලි 10, 2020
ආසියානු කුසලාන තරගාවලියේ සත්කාරකත්වය ශ්‍රී ලංකාවට

Sri Lanka Cricket

කොවිඩ් – 19 වෛරස් තත්ත්වය හේතුවෙන් කල් දැමුණු ආසියානු කුසලාන ක්‍රිකට් තරගාවලියේ සත්කාරකත්වය ශ්‍රී ලංකාවට පිරිනැමීමට පාකිස්තානු ක්‍රිකට් ආයතනය කැමැත්ත පළ කර කිරීම මත එම තරගාවලිය ශ්‍රී ලංකාවේ පැවැත්වීමට ආසියානු ක්‍රිකට් කවුන්සිලයේ අනුමැතිය ලැබී තිබේ. ඒ අනුව 15 වැනි වතාවට පවත්වනු ලබන ආසියානු කුසලාන තරගාවලිය 2021 වසරේ ජුනි මාසයේදී ශ්‍රී ලංකාවේ පැවැත්වෙනු ඇත.

2022 වසරේදී ශ්‍රී ලංකාව සත්කාරකත්වය ලබාදීමට නියමිතව තිබුණු ආසියානු කුසලාන තරගාවලිය පාකිස්තානයට ලබා දීමේ පොරොන්දුව මත අදාළ සත්කාරකත්වය හුවමාරු කරගත් බව මේ පිළිබඳව නිවේදනයක් නිකුත් කරමින් ආසියානු ක්‍රිකට් කවුන්සිලය සඳහන් කර සිටියි.

මුල් කාල සටහනට අනුව මෙම තරගාවලියේ සත්කාරකත්වය පාකිස්තානය විසින් දැරීමට නියමිතව තිබුණත් කොරෝනා වෛරස් තත්ත්වය හේතුවෙන් එය පැවැත්වීම පිළිබඳව අවධානමක් මතුවිය. මෙම තත්ත්වය මත තරගාවලිය වෙනත් රටක පැවැත්වීම කෙරෙහි ආසියානු ක්‍රිකට් කවුන්සිල බලධාරීන්ගේ අවධානය යොමු වී තිබුණත් එය පැවැත්වීමට නියමිතව තිබූ සැප්තැම්බර් මස වන විටත් කොරෝනා වෛරස් තත්ත්වය පාලනය කිරීමට නොහැකි තත්ත්වයක පැවැතීම නිසා තරගාවලිය ලබන වසර දක්වා කල් දැමීමට තීරණය කෙරිණ.

තරගාවලිය මෙම වසරේ පැවැත්වීම සදහා ආසියානු ක්‍රිකට් කවුන්සිල විධායක කවුන්සිලය කීප වතාවකදීම රැස්වුණු අතර නියමිත කාල සටහනට අනුව තරගාවලිය පැවැත්වීමට එහිදී හැකි සෑම පියවරක්ම ගනු ලැබීය.

සංචාරක අවස්ථාවන් සීමා කිරීම, ඒ ඒ රට අනුව වූ විශේෂිත නිරෝධායන අවශ්‍යතා, මූලික සෞඛ්‍ය අවධානම් සහ සමාජ දුරස්ථ භාවය යන කරුණු මෙම වසරේ ආසියානු කුසලාන තරගාවලිය නොපැවැත්වීමට බලපෑ ප්‍රධාන කරුණු වේ. ඊට අමතරව ක්‍රීඩකයින්ගේ සහ සහාය කාර්යය මණ්ඩලයේ සෞඛ්‍ය සහ ආරක්ෂාව පිළිබඳ අවධානම මෙන්ම ක්‍රිකට් ක්‍රීඩාවට වැදගත්ම පිරිස වන වාණිජ හවුල්කරුවන් සහ ක්‍රිකට් ප්‍රේක්ෂකයින්ගේ ආරක්ෂාව පිළිබඳවද මෙහිදී අවධානය යොමුවී තිබේ. 

මාධ්‍ය අංශය 

ශ්‍රී ලංකා ක්‍රිකට්

Active filters

Recent Posts

Pin It on Pinterest

LKR Sri Lankan rupee