slc
Home   |    News
පෙබරවාරි 12, 2021
ජැෆ්නා ස්ටැලියන්ස්ට සම්මානයක්

Sri Lanka Cricket

ශ්‍රී ලංකා ක්‍රිකට් ආයතනයේ මෙහෙයවීමෙන් පසුගියදා පැවැති ලංකා ප්‍රිමියර් ලීග් ක්‍රිකට් තරගාවලියේ සූරතාව දිනාගත් ජැෆ්නා ස්ටැලියන්ස් කණ්ඩායමට හයවන සිල්ක් ක්‍රීඩා සම්මානය පිරිනැමීමට ශ්‍රී ලංකාවේ ක්‍රීඩා ප්‍රවර්ධන ආයතනයක් වන ස්පෝට්ස් ප්‍රොමටර්ස් ආයතනය තීරණය කර තිබේ.

මේ ආයතනය ශ්‍රී ලංකාවේ දක්ෂ ක්‍රීඩා කණ්ඩායම්, ක්‍රීඩක ක්‍රීඩිකාවන් සහ ක්ෂේත්‍රයට අදාළ පුද්ගලයනට වාර්ෂිකව මෙලෙස සම්මාන ප්‍රදානය කිරීම සිදුකරයි. යාපනය උතුර ප්‍රදේශය නියෝජනය කරන මේ කණ්ඩායම ක්‍රිකට් ආයතනය සංවිධානය කර තිබු ඵෙතිහාසික ලංකා ප්‍රිමියර් ලීග් තරගාවලිය දිනා ගැනීමෙන් උතුරු ප්‍රදේශයේ ක්‍රිකට් ක්‍රීඩාවේ පිබිදීමක්ද ඇතිවිණි.

ලංකා ප්‍රිමියර් ලීග් තරගාවලියේ අවසාන තරගයට ගෝල් ග්ලැඩියේටර්ස් සහ ජැෆ්නා ස්ටැලියන්ස් සුදුසුකම් ලැබූ අතර එහිදී ලකුණු 53කින් පහසු ජයග්‍රහණයක් අත්කරගත් ස්ටැලියන්ස් කණ්ඩායමට රුපියල් මිලියන 18.5ක ත්‍යාගයක් පිරිනැමිණි. මේ කණ්ඩායමේ ක්‍රීඩක සංචිතයට උතුරු ප්‍රදේශයෙන් විජයකාන්ත් වයිස්කාන්ත්, තෙයිවේන්ද්‍රම් දිනෝෂාම් සහ කනගරත්නම් කබිල්රාජ් අයත්වූ අතර එයින් වයිස්කාන්ත් තරග කිහිපයකට සහභාගිවිණි.

තුන් ඉරියව් ක්‍රීඩක තිසර පෙරේරාගේ නායකත්වයෙන් යුත් ජැෆ්නා ස්ටැලියන්ස් කණ්ඩායමේ අයිතිකරුවන් වූයේ ආනන්දන් ආනල්ඩ් සහ රාහුල් සොඩ්ය. ශ්‍රී ලංකා ක්‍රිකට් ක්‍රීඩක තිළිණ කන්දම්බි මෙහි පුහුණුකරු ලෙස ක්‍රියා කළේය.

ශ්‍රී ලංකා ක්‍රිකට් කණ්ඩායමේ ප්‍රබල ක්‍රීඩකයන් වන තිසර පෙරේරා, ධනංජය ද සිල්වා, අවිශ්ක ප්‍රනාන්දු, වනිඳු හසරංග ද සිල්වා, සුරංග ලක්මාල් සහ පාකිස්තානයේ ප්‍රබලම පිතිකරුවකුව සිටි ෂොයිබ් මලික් ලංකා ප්‍රිමියර් ලීග් තරගාවලියේදී මේ කණ්ඩායම නියෝජනය කළහ. තවත් ප්‍රබල ක්‍රීඩකයන් වන කයිල් ඇබට්, චරිත් අසලංක, මිනෝද් භානුක, ජොන්සන් චාල්ස්, චතුරංග ද සිල්වා, බිනුර ප්‍රනාන්දු, නුවනිඳු ප්‍රනාන්දු, ප්‍රභාත් ජයසූරිය,ටොම් මුවර්ස්, ඩුවෙන් ඔලිවර්, මහීෂ් තීක්ෂණ උස්මාල් සින්වාරි, අෆිෆ් අලි, රවි බොපාරා සහ ඩේවිඩ් මලන් කණ්ඩායමට අයත්විණි.

අවසාන තරගයේදී ස්ටැලියන්ස් කණ්ඩායම ඕවර 20 අවසානයේ කඩුලු හයකට ලබාගත් ලකුණු 188ට පිළිතුරු ලෙස ගෝල් ග්ලැඩියේටස් ඕවර 20 අවසානයේ කඩුලු 9කට ලැබුවේ ලකුණු 135කි.

Recent Posts

  • අවසන් සටනේ මුල් දිනයේ රාගම කඩුලු 8කට ලකුණු 258යි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ වයස අවුරුදු 23 න් පහළ ප්‍රධානතම ලීග් ක්‍රිකට් තරගාවලියේ අවසන් මහා තරගයේ මුලින් පන්දුවට පහරදෙන රාගම ක්‍රිකට් සමාජය පළමු දිනයේ […]
  • දිමුත් සහ චන්දිමාල් ‘විස්ඩන්’ ලෝක කණ්ඩායමට
    ක්‍රිකට් ක්‍රීඩාවේ බයිබලය ලෙසින් සැලකෙන ප්‍රකට විස්ඩන් (Wisden) සඟරාව විසින් තෝරනු ලබන ටෙස්ට් ලෝක ශූරතා තරගාවලිය සඳහා ක්‍රීඩා කරන ලද ලොව හොඳම ක්‍රීඩකයින් 11 දෙනා අතරට ශ්‍රී ලංකාවේ […]
  • පළමු තරගයෙන්ම ශ්‍රී ලංකා යොවුන් පිලට පහසු ජයක්
    අබුඩාබි නුවර ආරම්භ වුණු වයස අවුරුදු 19 න් පහළ යොවුන් ක්‍රිකට් තරගාවලියේ සමාරම්භක තරගයේදීම බංග්ලාදේශ යොවුන් පිලට එරෙහිව කඩුලු 5 ක විශිෂ්ඨ ජයක් වාර්තා කරමින් තරගාවලියට සාර්ථක ප්‍රවේශයක් […]
  • ළහිරුගේ නායකත්වයේ ඉනිම කැන්ඩිට පළමු ජය ගෙනෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී නායකත්වයේ ඉනිමක් ක්‍රීඩා කළ කැන්ඩි පිලේ ළහිරු උදාර වාර්තා කළ ලකුණු 109 සමග කැන්ඩි පිල ලකුණු 8ක […]
  • ජැෆ්නා – කළම්බු තරගයට වැස්සෙන් බාධා
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේ ජැෆ්නා හා කළම්බු අතර තරගයේ මුලින් පන්දුවට පහරදුන් කළම්බු පිල ඕවර් 46.3ක් තුලදී කඩුලු 9ක් දැවී ලකුණු […]
LKR Sri Lankan rupee

Pin It on Pinterest