slc
logo
Home   |    News
ජූලි 11, 2021
දසුන් ශානක නායකත්වයට හුරුකළ හැකි දක්ෂ ක්‍රීඩකයකි

Sri Lanka Cricket

ඉන්දියාව සමග ඉදිරියේදී පැවැත්වීමට නියමිත තරග තුනක එක්දින තරගාවලියේ සහ තරග තුනක 20-20 තරගාවලියේ නායකත්වයට පත්කර සිටින 29 හැවිරිදා දසුන් ශානක තමා එම තනතුරට සුදුස්සෙකු බවට මීට පෙරත් සනාථ කර තිබිණි. 

ටෙස්ට් එක්දින සහ 20-20 අංශ තුනෙන්ම ශ්‍රී ලංකාව නියෝජනය කරමින් දස්කම් පෙන්වා ඇති දසුන් ශානක 2019 වසරේදීද ජ්‍යෙෂ්ට ක්‍රීඩකයන් කිහිපදෙනෙකුම නොමැතිව සිටි ශ්‍රී ලංකා 20-20 කණ්ඩායමට නායකත්වය දෙමින් පාකිස්තාන කණ්ඩායම 3-0කින් පරාජයට පත්කළේ පහසු ආකාරයකිනි.  

ක්‍රිකට් ආයතනය සහ ජාතික තේරීම් කමිටුව ශ්‍රී ලංකා එක්දින සහ 20-20 කණ්ඩායම් නායකත්වය සදහා මේ වන විට දසුන් ශානක නම් කර සිටීම ඥානවන්ත වූ ක්‍රියාවකි. ශානක මීට පෙර ශ්‍රී ලංකාව, ලංකා ප්‍රිමියර් ලීග් (දඹුල්ල වයිකින්ස්) අන්තර් සමාජ (එස්.එස්.සී) සහ වෙනත් ජාතික කණ්ඩායම් ද , පාසල් කණ්ඩායම්හිදීත් නායකත්වයන් දරා ප්‍රතිඵල පෙන්වා ඇති තුන් ඉරියව්වේම දක්ෂ ක්‍රීඩකයෙකි. 

මේ වසරේ මාර්තු මස බටහිර ඉන්දීය කොදෙව් දූපත් බලා පිටත්ව ගිය ලංකා 20-20 කණ්ඩායමේ නායකත්වයද දසුන් ශානකට පැවැරුණු අතර ලංකා කණ්ඩායම ඇමෙරිකාව හරහා බටහිර ඉන්දීය කොදෙව් දූපත් බලා යාමේදී ෂානුකට ඇමරිකානු වීසා අවසර පත්‍රයක් නොතිබිමේ හේතුවෙන් ඔහුට එම සංචාරයට සහභාගිවීමට අවස්ථාව නොලැබිණි. ඊට හේතුව වූයේ වසර පමක් වලංගුව තිබූ ඇමරිකානු වීසා සහිත ඔහුගේ පැරැණි විදේශ ගමන් බලපත්‍රය (පාස්පෝට්) අස්ථානගතව තිබීමය. 

මීගමුව මාරිස්ටෙලා, බම්බලපිටිය ශාන්ත පීතර කණ්ඩායම් නියෝජනය කරමින් ක්‍රිකට් ක්‍රීඩාවට පිවිසි දසුන් ශානක පසුව දෙස් විදෙස් තරගාවලි රැසකම විශේෂ දක්ෂතා පෙන්වා ඇති තුන් ඉරියව් ක්‍රීඩකයෙකි. පසුගියදා පැවැති එංගලන්ත සංචාරයේ දී ශ්‍රී ලංකා කණ්ඩායම අසීරු අවස්ථාවන්ට මුහුණ පා සිටියදී මැදපෙළ පිතිකරුවෙකු ලෙස කිහිපවරක් ඔහු දක්ෂතා දැක්වීය. වේගයෙන් පන්දුවට පහර දෙන පිතිකරුවකු ලෙසද මොහු ප්‍රසිද්ධය. 

1991 සැප්තැම්බර් 9 වැනිදා මීගමුවේ දී උපත ලද දසුන් ශානක වයස අවුරුදු 24 – 25 වන විට ශ්‍රී ලංකා ටෙස්ට්, එක්දින සහ 20-20 කණ්ඩායම් තුනම නියෝජනය කිරීමට සමත්විණි. ඔහු 2016 මැයි මස ප්‍රථම වරට ටෙස්ට් තරගයකට (එංගලන්තය සමග) සහභාගිවූ අතර මේ වන විට ටෙස්ට් තරග හයකදී ලකුණු 431ක් සහ කඩුලු 13ක් ලබාසිටී.2016 ජුනි මස අයර්ලන්තරය සමග ප්‍රථම එක්දින තරගයට සහභාගිවූ දසුන් ශානක මෙතෙක් තරග 13කදී ලකුණු 312ක් සහ කඩුලු දහයක් ලබා ඇත. ඔහුගේ 20-20 දක්ෂතාව වනුයේ තරග 17කදී ලකුණු 227ක් සහ කඩුලු 11ක් ලබාගැනීමය. 

දසුන් ශ්‍රී ලංකා එක්දින නායකත්වය දරණ මීළග තරග තුන මේ මස 18,20,23 දිනවලද 20-20 තරග තුන මේ මස 25,27 සහ 29 දිනවලද ඉන්දියාව සමග මාලිගාවත්ත ආර්.ප්‍රේමදාස ක්‍රීඩාංගණයේදී පැවැත්වීමට නියමිතය. 

බන්දුල මොල්ලිගොඩ. 

Active filters

Recent Posts

  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]
  • හයේ වරුසාවක් සමඟින් ජැෆ්නා ක්‍රීඩකයෝ 5 වැනි ජය ලබති
    Chamila Karawita ලංකා ප්‍රිමියර් ලීග් ක්‍රිකට් තරගාවලියේ දෙවැනි අදියර හෙවත් කොළඹ අදියර ආරම්භ කරමින් පැවැති පළමු තරගයේදීම කැන්ඩි ෆෝල්කන්ස් කණ්ඩායම විසින් ලබා දුන් ලකුණු 79 ක ඉලක්කය හඹා […]

Pin It on Pinterest

LKR Sri Lankan rupee
logo