slc
logo
Home   |    News
සැප්තැම්බර් 12, 2021
ලෝක කුසලානෙට යන ශ්‍රී ලංකා පිල නම් කරයි

sinhala editor

ඔක්තෝම්බර් මසදී ආරම්භවීමට නියමිත පන්දුවාර විස්සයි-20 ලෝක කුසලාන ක්‍රිකට් තරගාවලිය සඳහා නම් කරන ලද කණ්ඩායමට මහීෂ් තීක්ෂණ සහ කමිඳු මෙන්ඩිස්ව ඇතුළත් කිරීමට තේරීම් කමිටුව පියවර ගෙන තිබේ. දසුන් ශානකගේ නායකත්වයෙන් යුතු ශ්‍රී ලංකා කණ්ඩායමට ක්‍රීඩකයින් 15 දෙනෙකු ඇතුළත්ව වන අතර අතිරේක ක්‍රීඩකයින් සිවු දෙනෙකුද ඇතුළත් කර තිබේ.

මහීෂ් තීක්ෂණගේ ඇතුළත්වීමත් සමඟ පිට දඟ පන්දු යවන අකිල ධනංජයට ලෝක කුසලාන තරගාවලිය සඳහා නම් කරන ලද 15 දෙනා අතරට ඇතුළත් කර නොමැති වුවද අතිරේක ක්‍රීඩකයින් සිවු දෙනා අතරට ඔහු ඇතුළත්ව සිටියි. දකුණු අප්‍රිකාවට එරෙහිව පැවැති තෙවැනි එක්දින තරගයේදී ලකුණු 37 කට කඩුලු 4 ක් දවා ගනිමින් තේරීම් කමිටුවේ අවධානය දිනා ගැනීමට සමත්ව සිටින මහීෂ් තීක්ෂණට අමතරව වමත් දඟ පන්දු යවන ප්‍රවීන් ජයවික්‍රම සහ වනිඳු හසරංග සංචිතයට නම් කර තිබෙන ප්‍රධාන දඟ පන්දු යවන්නන් වෙති.

මේ අතර වේග පන්දු යවන්නන් අතරින් දුෂ්මන්ත චමීරගේ සහායට නුවන් ප්‍රදීප්ව කණ්ඩායමට එක් කරද්දී ක්‍රීඩකයින් ලෝක කුසලාන තරගාවලිය ඉලක්ක කොට නම් කරන ලද පුහුණු සංචිතයට ඇතුළත්ව සිටි වමත් වේග පන්දු යවන බිනුර ප්‍රනාන්දුව අතිරේක ක්‍රීඩකයින් සිවු දෙනා අතරට නම් කර තිබේ. මීට අමතරව පල්ලකැලේ පැවැති ආරාධිත විස්සයි-20 තරගාවලියේදී වැඩි අවධානයක් දිනා ගත් තුන් ඉරියව් ක්‍රීඩක ළහිරු මදුශංකවද නම් කරන ලද ක්‍රීඩකයින් 15 දෙනා අතරට ඇතුළත් වේ.

උරහිසේ ආබාධයකට ලක්ව සිටි කුසල් පෙරේරා සහ දිනේෂ් චන්දිමාල්ද ලෝක කුසලාන තරගාවලිය සඳහා වන කණ්ඩායමට ඇතුළත්ව සිටිති. පවතින කොවිඩ් 19 වෛරස් තත්ත්වය මත ලෝක කුසලාන කණ්ඩායමට නම් කරන ලද ක්‍රීඩකයන් 15 දෙනාට අමතරව අතිරේක ක්‍රීඩකයින් සිවු දෙනාටද සංචාරයට සහභාගිවීමේ අවස්ථාව හිමිවේ. ළහිරු කුමාර, බිනුර ප්‍රනාන්දු, අකිල ධනංජය සහ පුලින තරංග අතිරේක ක්‍රීඩකයින්ගේ ලැයිස්තුවට ඇතුළත්ව සිටිති.

නම් කරන ලද මෙම කණ්ඩායම ලෝක කුසලාන තරගාවලියට පෙර ඕමානය සමඟ පැවැත්වෙන තරගාවලිය සඳහාද සහභාගිවනු ඇත.

ශ්‍රී ලංකා කණ්ඩායම – දසුන් ශානක (නායක), ධනංජය ද සිල්වා (උප නායක), කුසල් පෙරේරා, දිනේෂ් චන්දිමාල්, අවිෂ්ක ප්‍රනාන්දු, භානුක රාජපක්ෂ, චරිත් අසලංක, වනිඳු හසරංග, කමිඳු මෙන්ඩිස්, චාමික කරුණාරත්න, නුවන් ප්‍රදීප්, දුෂ්මන්ත චමීර, ප්‍රවීන් ජයවික්‍රම, ළහිරු මදුශංක, මහීෂ් තීක්ෂණ.

අතිරේක – ළහිරු කුමාර, බිනුර ප්‍රනාන්දු, අකිල ධනංජය, පුලින තරංග.

Active filters

Recent Posts

  • ශ්‍රී ලංකා – බංග්ලාදේශ විස්සයි 20 තරග සඳුදා සිට
    ශ්‍රී ලංකා විස්සයි 20 ක්‍රිකට් කණ්ඩායමේ මෙවර බංග්ලාදේශ ක්‍රිකට් සංචාරයේ ප්‍රථම තරගය සඳුදා (04) සවස 5.30ට බංග්ලාදේශයේ සිල්හට් ජාත්‍යන්තර ක්‍රිකට් ක්‍රීඩාංගණයේදී ඇරැඹේ. මේ කණ්ඩායම් දෙකේම පසුගිය මාස කිහිපයේදී […]
  • මහනුවරට හා ගාල්ලට ජය | මිනෝද් භානුකගෙන් ශතකයක්
    මහනුවරට හා ගාල්ලට ජය මිනෝද් භානුකගෙන් ශතකයක් ශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය එක්දින ක්‍රිකට් තරගාවලිය වන නැෂනල් සුපර් ලීග් (NSL) තරගාවලියේ අද පැවැති කොළඹ […]
  • සුපර් ලීග් එක්දින තරග දෙකකදී ලකුණු 1243ක්
    ශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය එක්දින ක්‍රිකට් තරගාවලිය වන නැෂනල් සුපර් ලීග් (NSL) තරගාවලියේ ඊයේ පැවැති යාපනය හා මහනුවර පළාත් කණ්ඩායම් අතර තරගයෙන් කඩුලු […]
  • සුපර් ලීග් එක්දින තරගාවලියේ මහනුවරට හා කොළඹට ජය
    Iශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය එක්දින ක්‍රිකට් තරගාවලිය වන නැෂනල් සුපර් ලීග් (NSL) තරගාවලියේ අද පැවැති තරග දෙකේ ජය මහනුවර හා කොළඹ පළාත් කණ්ඩායම් […]
  • ඇෆ්ගනිස්තානයට සැනසිලි දායක තියුණු ජයක්
    තරග ජයග්‍රහණය කණ්ඩායම් දෙකටම දෝලනය වෙමින් පැවැති ශ්‍රී ලංකා – ඇෆ්ගනිස්තානය තෙවන සහ අවසාන විස්සයි 20 තරගයේ අවසාන ඕවරයේදී ලංකා කණ්ඩායමට ජයග්‍රහණයට ලකුණු 19ක් අවශ්‍ය තිබුණත් උණුසුම් මුහුණුවරකින් […]
LKR Sri Lankan rupee

Pin It on Pinterest