slc
logo
Home   |    News
ඔක්තෝබර් 19, 2021
අයර්ලන්තයේ කර්ටිස් කැම්ෆර් පන්දු 4 න් විකට් 4 ක් ගනියි

Sri Lanka Cricket

අයර්ලන්ත කණ්ඩායමේ 22 හැවිරිදි දකුණත් වේග පන්දු යවන ක්‍රීඩක කර්ටිස් කැම්ෆර් මෙවර 20-20 ලෝක කුසලාන ක්‍රිකට් තරගාවලියේ නෙදර්ලන්තයට එරෙහි තරගයේදී පිට පිටම පන්දු හතරකදී කඩුලු හතරක් දවාලූ ලොව තෙවැනි පන්දු යවන්නා බවට පත්විය. මීට පෙර එලෙස කඩුලු හතර බැගින් දවා ගනිමින් වාර්තා පොත් අතරට එක්ව සිටියේ ශ්‍රී ලංකාවේ ලසිත් මාලිංග සහ ඇෆ්ගනිස්ථානයේ රෂිඩ් ඛාන්ය. නෙදර්ලන්තය පන්දුවට පහර දෙන අවස්ථාවේ දහවැනි පන්දු වාරය යැවු කර්ටිස් කැම්ෆර් දෙවන පන්දුවේ සිට පස්වන පන්දුව දක්වා කොලින් ඇකර්මන් (11) රයන් ටෙන්ඩොචට් (00) ස්කොට් එඩ්වඩ්ස් (00) සහ වැන්ඩිමර්ව් (00) දවාලමින් එම වාර්තාගත පන්දු යැවීම සටහන් කළේය.

අයර්ලන්තය මේ තරගයෙන් කඩුලු හතක පහසු ජයග්‍රහණයක් අත්කර ගත්තේ තවත් පන්දු 29ක් ඉතිරිව තිබියදීය. නෙදර්ලන්තය කාසියේ වාසිය දිනා මුලින් පන්දුවට පහරදී සියලු පිතිකරුවන් දැවී ලබාගත් ලකුණු 106ට පිළිතුරු ලෙස අයර්ලන්තය කඩුලු තුනක් පමණක් දැවී ලකුණු 107ක් ලබා ගත්තේ පන්දුවාර 15.1කදීය. අබුඩාබිහි ෂෙයික් සයිඩ් ක්‍රීඩාංගණයේ පැවැති මෙම තරගයේ වීරයා සම්මානය ලැබුවේ පිට පිටම කඩුලු හතරක් දවාලු අයර්ලන්තයේ කර්ටිස් කැම්ෆර්ය.

පළමුව පන්දුවට පහරදුන් නෙදර්ලන්තය වෙනුවෙන් ලකුණු දහය සීමාව ඉක්මවූයේ මැක්ස් ඕ ඩොව් (ලකුණු 51යි පන්දු 47යි හතරේ හතයි) නායක පීටර් සීලා (ලකුණු 21යි පන්දු 29යි හතරේ දෙකයි) කොලින් ඇකර්මන් (11) සහ ලෝගන් වැන්බික්ය (11) මොවුන්ගේ හත්වන කඩුල්ලට ඕ ඩොව් සහ පීටර් සීලා එක්කළ ලකුණු 37 සහ තෙවන කඩුල්ලට ඕ ඩොව් සහ කොලින් ඇකර්මන්  එක්කළ ලකුණු 29 හොඳම සබඳතාවයන් වේ. කර්ටිස් කැම්ෆර් ලකුණු 26කට කඩුලු හතරක්ද මාක් ඒඩෙයා ලකුණු 9කට කඩුලු තුනක්ද දවාලීමට සමත්වූහ.

පිළිතුරු ඉනිම ක්‍රීඩා කළ අයර්ලන්තය වෙනුවෙන් වැඩිම ලකුණු වාර්තා කළේ ගැරත් ඩෙලනි (ලකුණු 44 පන්දු 29යි හතරේ පහයි හයේ දෙකයි) සහ පෝල් ස්ටර්ලින් ය. (නොදැවී 30 පන්දු 39යි හතරේ පහරයි හයේ පහරයි) මොවුන් දෙදෙනා තෙවන කඩුල්ලට ලකුණු 59ක් රැස්කළේ පන්දු වාර 7.5ක දීය. නායක පීටර් සීලා ලකුණු 14ක‍ට කඩුල්ලක්ද ෆ්‍රෙඩ් ක්ලැසන් ලකුණු 18කට කඩුල්ලක්ද දවාලූහ.

ලකුණු සාරාංශය  

නෙදර්ලන්තය පන්දු වාර 20කදී සියල්ල දැවී 106යි – (මැක්ස් ඕ ඩොව් 51, පීටර් සීලා 21, කොලින් ඇකර්මන් 11, ලෝගන් වැන්බික් 11, කර්ටිස් කැම්ෆර් 26/4, මාක් ඒඩෙයා 9/3යි)

අයර්ලන්තය පන්දු වාර 15.1කදී  කඩුලු තුනක් දැවී 107යි – (ඩැරත් ඩෙලන් 44, පෝල් ස්ටර්ලින් නොදැවී 30, පීටර් සීලා 14/1 යි, ෆ්‍රෙඩ් ක්ලැසන් 18/1යි)

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

USD United States (US) dollar