slc
logo
Home   |    News
නොවැම්බර් 15, 2021
ජැෆ්නා කිංග්ස් ප්‍රධාන පුහුණු පුටුව නැවතත් කණ්ඩම්බිට

sinhala editor

ක්‍රිකට් ප්‍රේක්ෂකයින් නොඉවසිල්ලෙන් බලා සිටින ‘ලංකා ප්‍රිමියර් ලීග් 2021’ වසරේ තරගාවලිය නියෝජනය කරනු ලබන ජැෆ්නා කිංග්ස් කණ්ඩායමේ පුහුණු කිරීමේ ප්‍රධාන වගකීම හිමි කාර්යය මණ්ඩලය ප්‍රකාශයට පත් කිරීමට එම කණ්ඩායම් හිමිකාරීත්වය පියවර ගෙන තිබේ.

ඒ අනුව එහි ප්‍රධාන පුහුණුකරුගේ වගකීම ගිය වසරේ පරිදිම ශ්‍රී ලංකා විස්සයි-20 කණ්ඩායමේ නායකයකු ලෙස කටයුතු කළ තිළිණ කණ්ඩම්බිට පැවැරී තිබේ. අභිනව තරගාවලියේ ශූරතාව දිනා ගැනීමේදී පුහුණුකරුවකු ලෙස කණ්ඩම්බි සිදුකරන ලද කාර්යය කැපී පෙනුණි. අබුඩාබිහි පැවැත්වෙන ටී-10 තරගාවලියේ ‘බංග්ලා ටයිගර්ස්’ කණ්ඩායමේ ප්‍රධාන පුහුණුකරු ලෙස කටයුතු කරන කණ්ඩම්බිගේ සහායක පුහුණුකරු ලෙස මාරියෝ වෙල්ලවරායන් කටයුතු කරයි. සහාය පුහුණුකරු තනතුරට අමතරව වෙල්ලවරායන්ට වේග පන්දු යවන්නන් පුහුණු කිරීමේ කාර්යයද පැවැරී තිබේ.

ඉන්දීය ප්‍රිමියර් ලීග් තරගාවලියේ සන්රයිසස් හයිද්‍රාබාද් කණ්ඩායමේ පුහුණු අංශ සාමාජිකයකු වූ වෙල්ලවරායන් 2008 වසරේදී ශ්‍රී ලංකා ක්‍රිකට් ආයතනයේ ශක්තීන් සහ තත්වාරෝපණ වැඩි දියුණු කිරීමේ පුහුණුකරු ලෙසින් ශ්‍රී ලංකා ‘ඒ’ සහ සංවර්ධන කණ්ඩායම් වල කටයුතු කළේය. බංග්ලාදේශ ජාතික කණ්ඩායමේ පුහුණුකරුවකු ලෙසද කටයුතු කළ වෙල්ලවරායන් 2020 වසරේ පැවැති පළමු එල්.පී.එල්. තරගාවලියේ ද වේග පන්දු පුහුණුකරු මෙන්ම  ශාරීරික යෝග්‍යතාවය භාරව කටයුතු කළේය.

හිටපු ටෙස්ට් ක්‍රීඩක ජෙහාන් මුබාරක් පිතිකරණ පුහුණුකරු ලෙසින් කටයුතු කරන ජැෆ්නා කිංග්ස් කණ්ඩායමේ දඟ පන්දු යැවීමේ පුහුණුකරු ලෙස ශ්‍රී ලංකා වයස අවුරුදු 19 න් පහළ ක්‍රිකට් කණ්ඩායමේ දඟ පන්දු පුහුණුකරු ලෙස කටයුතු කරන සචිත් පතිරණට පැවැරී තිබේ. ජාතික කණ්ඩායම නියෝජනය කර ඇති සචිත් 2008 වසරේ පැවැති වයස අවුරුදු 19 න් පහළ ලෝක කුසලාන තරගාවලියට සහභාගිවුණු ශ්‍රී ලංකා කණ්ඩායමේ සාමාජිකයකු ලෙස කටයුතු කරමින් පිත්තෙන් ලකුණු 231 ක් සහ පන්දු යවමින් කඩුලු 10 ක් දවා තුන් ඉරියව්වෙන්ම දක්ෂතා දැක්වීමට සමත්වූවේය. මෙවර තරගාවලියේ පුහුණු කාර්යය මණ්ඩලයට පතිරණගේ නම ඇතුළත් කර තිබුණද, ශ්‍රී ලංකා වයස අවුරුදු 19 න් පහළ කණ්ඩායමේ ආසියානු කුසලාන තරග සංචාරයද එල්.පී.එල්. තරගාවලිය පැවැත්වෙන වකවානුවේදීම යෙදී තිබීම නිසා මෙවර තරගාවලිය අහිමිවීමේ අවස්ථාවක් පවතිනු ඇත.

පන්දු රැකීමේ පුහුණුකරු ලෙස ඉකුත් වසරේදී ද ජැෆ්නා පිල සමඟ කටයුතු කළ විමුක්ති දේශප්‍රිය කටයුතු කරයි. සංජීව ගමගේ භෞත චිකිත්සකවරයා ලෙස කටයුතු කරන ජැෆ්නා කිංග්ස් කණ්ඩායමේ පරිගණක දත්ත විශ්ලේෂකයා ලෙස ජී.ජී.ටී. නිරෝෂන් ද සම්බාහක ලෙස ලක්ෂ්මන් ගුණසේකරද කටයුතු කරයි.

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

LKR Sri Lankan rupee