slc
Home   |    News
නොවැම්බර් 24, 2021
ශ්‍රී ලංකාව ඉක්මනින් ලකුණු රැස් කරයි

sinhala editor

Chamila Karawita reporting from Galle

පන්දුවාර 59 ක් තරගයට අහිමි වුණු පළමු ටෙස්ට් තරගයේදී බටහිර ඉන්දීය කොදෙව් පිලට අභියෝගාත්මක ඉලක්කයක් ලබා දීමේ අරමුණින් පන්දුවට පහර දෙන දිමුත් කරුණාරත්න ප්‍රමුඛ ශ්‍රී ලංකා පිතිකරුවෝ පළමු ඉනිමට වඩා දෙවැනි ඉනිමේ ලකුණු ලබා ගැනීම ඉක්මන් කළහ. පන්දුවාරයකට ලකුණු 4 කට ආසන්න වේගයක් (3.56 ක්) රඳවා ගනිමින් පන්දුවට පහර දුන් කරුණාරත්න සහ ඇන්ජලෝ මැතිව්ස් දිවා විවේකය සඳහා තරගය නිමා කරන විට සිව්වැනි ඉනිමේ අභියෝගය ලකුණු 240 දක්වා ඉහළ දැමූහ.

වර්ෂාවෙන් බාධා ඇතිවීම නිසා අද දිනයේදීද පන්දුවාර 7 ක් අහිමි වූ අතර එය තෙවැනි දිනයේදී අහිමිවූ පන්දු වාර 52 ත් සමඟ සමස්ථ තරගයටම පන්දුවාර 59 ක් අහිමිව තිබේ. ටෙස්ට් ලෝක ශූරතාවලියේදී වැඩි ප්‍රසාද ලකුණු සංඛ්‍යාවක් ලබා ගැනීම සඳහා හොඳම අවස්ථාවක් නිර්මාණය වී තිබෙන මෙම තරගයේදී ශ්‍රී ලංකා පිලේ අවාසියට තිබෙන එකම කරුණ වන්නේද අයහපත් කාලගුණය වේ. ඒ පිළිබඳව හොඳින්ම දත් ශ්‍රී ලංකා පිතිකරුවෝ දිවා ආහාරයට තරගය නතර කරද්දී කඩුලු 2 ක් දැවී ලකුණු 84 ක් ලබා සිටිති.

තරගයේ එකම ශතක ලාභියා වූ දිමුත් කරුණාරත්න දෙවැනි ඉනිමේදීද සාර්ථකම වෙමින් තරමක් ආක්‍රමණශීලී පිති ප්‍රහාරයක නිරත වූවේය. දිවා ආහාරය සඳහා තරගය නිමා කරන විට පන්දු 65 කට මුහුණ දුන් ශ්‍රී ලංකා නායකයා ලකුණු 42 ක් ලබා සිටියේය. ඔහුට අනගි සහායක් ලබා දුන් ඇන්ජලෝ මැතිව්ස් ලකුණු 16 ක් ලබා සිටියේය.

පා ඉන්න දෙසට වැඩි වශයෙන් පන්දුව යැවීමට රුචියක් දැරූ දිමුත් ලකුණු 34 ක් ලබා සිටියදී දවා ගැනීමට හොඳම අවස්ථාවක් ලැබුණත් විනිසුරු විමසීමේ තීරණය අභියෝගයට ලක් නොකිරීම නිසා තවදුරටත් පිටියේ රැඳී සිටීමට වාසනාවන්ත විය. රකීම් කෝන්වෝල් විසින් එවන ලද පන්දුවට ස්වීප් පහරක් එල්ල කිරීමට යෑමේදී එය ඉදිරි පාදයේ වැදී කරන ලද ඉල්ලීම රුචිර පල්ලයගුරුගේ මහතා විසින් නිෂ්ප්‍රභා කර සිටියේය. එය කඩුල්ල තුළ පතිත වූ පන්දුවක්ද යන්න කොදෙව් නායකයා විසින් කඩුලු රකින්නාගෙන් කරන ලද විමසීමේදී ජොෂුවා දා සිල්වා එයට ප්‍රතිචාරයක් නොදැක්වීම නිසා කෝන්වෝල්ට කඩුල්ල දවා ගැනීමට තිබූ අවස්ථාව අහිමිවූවේය.

ගාල්ල ජාත්‍යන්තර ක්‍රීඩාංගණයේ පැවැත්වෙන පළමු ටෙස්ට් තරගයේ සිව්වැනි දින උදෑසනම බටහිර ඉන්දීය කොදෙව් පිලේ අවසන් කඩුල්ල දවා ගැනීමට ප්‍රවීන් ජයවික්‍රම සමත්වීමත් සමඟ ලකුණු 156 කින් පළමු ඉනිම පෙරමුණ ගැනීමට ශ්‍රී ලංකාවට අවස්ථාව උදාවිය.

අවසන් වරට 2020 මාර්තු මස 06 වැනි දින පල්ලකැලේ පැවැති ශ්‍රී ලංකාව සහ බටහිර ඉන්දීය කොදෙව් අවසන් විස්සයි-20 තරගයෙන් පසු ගෙවී ගිය දින 628 කාලයකට පසු ජාත්‍යන්තර තරගයක් ක්‍රීඩාංගණයට ගොස් නැරඹීමේ අවස්ථාව ප්‍රේක්ෂකයින්ට උදාවී තිබෙන මෙම තරගාවලියේදී ෂෙනන් ගේබ්‍රියල්ගෙ කඩුල්ල දවා ගැනීමත් සමඟ ඉනිමේ හොඳම පන්දු යැවීම වාර්තා කිරීමට ප්‍රවීන් ජයවික්‍රම සමත්විය.

බලාපොරොත්තු වූ පරිදිම දිනය ආරම්භයේ සිටම නව පන්දුව ලබා ගැනීමට ශ්‍රී ලංකා නායකයා තීරණය කළද නව පන්දුවේ වගකීම හිමිවූයේ වමත් දඟ පන්දු යවන්නන් දෙදෙනාටය. ඒ අතරින් පෙරමුණ ගත් ආධුනික වමතා, ජයවික්‍රම ෂෙනන් ගේබ්‍රියල්ගේ කඩුල්ල දවා ගනිමින් සිය පන්දු යැවීම ලකුණු 40 කට කඩුලු 4 ක් ලෙසින් සටහන් කර ගත්තේය. ඒ අනුව කොදෙව් ඉනිමේ දැවී ගිය කඩුලු 10 න් කඩුලු 9 ක්ම දඟ පන්දු යවන්නන් විසින් දවා ගැනීම කැපී පෙනුණි. අද දිනයේදී කොදෙව් පිලට එකතු කර ගත හැකි වූයේ ලකුණු 06 ක් පමණක් වන අතර යොමුවුණු පන්දු 29 න් 18 ක්ම ජොෂුවා දා සිල්වා මුහුණ දුන්නේය. නොදැවී සිය අන්තය ආරක්ෂා කරගන්නා විට ජොෂුවා පන්දු 94 කදී ලබා සිටියේ ලකුණු 15 ක් පමණි.

Active filters

Recent Posts

  • දිමුත් කරුණාරත්න යළිත් එක්දින පිලට
    ඇෆ්ගනිස්තානු පිලට එරෙහිව පැවැත්වෙන තරග 3 කින් සමන්විත එක්දින තරගාවලියේ පළමු තරග 2 සඳහා වන ශ්‍රී ලංකා කණ්ඩායමට දිමුත් කරුණනාරත්නව එක් කිරීමට තේරීම් කමිටුව පියවර ගෙන තිබේ. ක්‍රීඩකයින් […]
  • ලෝක ටෙස්ට් ශූරතාවලියෙන් ශ්‍රී ලංකා පිලට කෝටි 6ක තෑග්ගක්
    ජාත්‍යන්තර ක්‍රිකට් කවුන්සිලය මෙහයවූ ලෝක ටෙස්ට් ශූරතාවලියේ පස්වැනි ස්ථානයට පත් වූ දිමුත් කරුණාරත්න ප්‍රමුඛ ශ්‍රී ලංකා ටෙස්ට් කණ්ඩායමට ත්‍යාග මුදල ලෙස ඇමෙරිකානු ඩොලර් 200,000 ක් පිරිනැමීමට ජාත්‍යන්තර ක්‍රිකට් […]
  • පළමු කඩුලු 5 චමෝද්ගෙන්
    එන්.සී.සී. ආරම්භක පිතිකරු නිරෝෂන් දික්වැල්ල යුද හමුදාව සමඟ අද (29) පැවැති අන්තර් සමාජ විස්සයි 20 තරගයේදී පන්දු 11කදී හයේ පහර තුනක් හතරේ පහර තුනක් සමඟ ලකුණු 34ක් රැස් […]
  • කුරුණෑගල පරදවන්න එස්. එස්. සී. ලොකු සටනක් දෙයි
    අඩු ලකුණු සංඛ්‍යාවන්ට සීමා වූ එස්.එස්.සී. කුරුණෑගල යූත් තරගයෙන් එස්.එස්.සී. ලකුණු නවයක තියුණු ජයක් අත්කර ගත්තත් කුරුණෑගල යූත් කණ්ඩායම ජයග්‍රහණය උදෙසා ප්‍රබල සටනක නියැළීමට සමත් විය. මේ තරගයේදී […]
  • මහනුවර 2, පුත්තලම සහ කුරුණෑගල විශිෂ්ඨ ජයග්‍රහණ වාර්තා කරති
    වයස අවුරුදු 19 න් පහළ අන්තර් දිස්ත්‍රික් ක්‍රිකට් තරගාවලියේ අද (28 වැනිදා)පැවැති තරග වලදී පුත්තලම සහ මහනුවර කලාප 2 කණ්ඩායම් කුණු 200 කට වැඩි පරතරයකින් යුක්තව ජයග්‍රහණය කිරීමට […]
USD United States (US) dollar

Pin It on Pinterest