slc
logo
Home   |    News
දෙසැම්බර් 19, 2021
අවසාන මොහොතේ හෝ අවසාන වටයට තේරීම සතුටක් – ඇන්ජලෝ මැතිව්ස්

Sri Lanka Cricket

අවසාන මොහොතේ අවසාන වටයට සුදුසුකම් ලැබීමට අවස්ථාව උදාවීම පිළිබඳව තමා සතුටට පත්වන බව කළම්බු ස්ටාර්ස්  කණ්ඩායමේ නායක ඇන්ජලෝ මැතිව්ස් ප්‍රකාශ කළේය.

මෙවර ලංකා ප්‍රිමියර් ලීග් තරගාවලියේ ආරම්භයයේ සිට කළම්බු ස්ටාර්ස් කණ්ඩායමට ඉදිරියට යාමට හා ආපස්සට යාමට වැනි සාර්ථක සහ අසාර්ථක  තත්ත්වයන්ට මුහුණ දීමට  සිදුවු බව  පැවසු ඇන්ජලෝ මැතිව්ස්  මුලික වටයේ අවසාන තරගයේ දී  කැන්ඩිවොරියර්ස් පරදා හොඳින්ම දක්ෂතා දැක්වීමට අවස්ථාව සැළසීම පිළිබඳව කණ්ඩායම ප්‍රීතියට පත්වු බවද කීය.

කළම්බු ස්ටාර්ස් කණ්ඩායමේ ආරම්භක පිතිකරු කුසල් ජනිත් පෙරේරා සහ අංක තුන පිතිකරු ධනංජය ද සිල්වාගේ දෙවන කඩුල්ලේ සබඳතාවයෙන්ම කැන්ඩි වොරියර්ස් කණ්ඩායමට තරග ආරම්භයේදීම පසුබෑමකට ළක්වීමට හේතුවූ බවද එම සබඳතාවය සහ ජෙෆ්රි වැන්ඩසේගේ දක්ෂ පන්දු යැවීම තම කණ්ඩායමේ ජයග්‍රහණයේ හැරවුම් ලක්ෂයන් වූ බවද මැතිව්ස් පැවසීය.

මේ තරගයේදී අප උපක්‍රම කිහිපයක්ම භාවිතා කළ අතර ඒවා සියල්ල සාර්ථක වූවා. කුසල් පෙරේරා සහ ධනංජය ද සිල්වා  ඉහළින් පන්දු වට පහරදීමට එවීම සහ මා මැද පෙළට පැමිණීම ඉන් එකකි. ඉදිරි තරගයේදී තවත් උපක්‍රම භාවිතා කිරීමට අපේක්ෂා කරන බවද කළම්බු ස්ටාර්ස් නායකයා කීය.

තරගයේ දක්ෂතම ක්‍රීඩකයා ලෙස තේරුණු ජෙෆ්රි වැන්ඩසේ තමාට මේ දස්කම් දැක්වීමට ආශිර්වාදය ලබාදුන් දෙවියන් වහන්සේටත් තම දක්ෂතා ප්‍රගුණ කළ පුහුණුකරුවන්ටත් මෙහි ගෞරවය සහ ස්තූතිය හිමිවන බව කීවේය.

මා හට ඉතාමත් අසීරු කාලය පරිච්ඡේදයක් යහපත් වකවානුවක්ද තිබූ බව පැවසූ වැන්ඩසේ පසුගිය මේජර් තරගාවලියේ  සහ මෙම ලංකා ප්‍රිමියර්ලීග් තරගාවලියේදී තමාට නැවත දක්ෂතා අතරට ඒමට අවස්ථාව උදාවීම පිළිබඳව සතුටට පත්වන බවද කීවේය.

කැන්ඩි වොරියර්ස් නායක ඇන්ජලෝ පෙරේරා අදහස් දක්වමින් තම කණ්ඩායමේ ක්‍රීඩකයන් අවසාන තරග තුන වන තුරුම ඉතාමත් දක්ෂ ලෙස ක්‍රීඩා කරමින් අවසාන පන්දුවාරය තෙක්ම සටන් වැදුනත් මූලික වටයේ අවසාන තරගයේදී එම දක්ෂතා කිසිවක් දක්නට නොලැබුණු බව කීවේය.

කළම්බු කණ්ඩායමේ අවසාන පන්දුවාර හතරේ දී බලාපොරොත්තු නොවු තරම් ලකුණු සංඛ්‍යාවක් දීමට සිදුවු බව කී ඇන්ජලෝ පෙරේරා තම කණ්ඩායමේ ඉදිරිපෙළ පිතිකරුවන් සාර්ථක වුවත් මැදපෙළ අසාර්ථක වීම පරාජයට හේතුවු බවද පැවසීය.

බන්දුල මොල්ලිගොඩ

Active filters

Recent Posts

  • දෙවැනි තරගයේ පරාජයේ වගකීම පිතිකරුවන් භාර ගන්නවා – ජනිත් ලියනගේ
    සංචාරක බංග්ලාදේශ ක්‍රිකට් පිලට එරෙහිව කොළඹ ආර්. ප්‍රේමදාස ක්‍රීඩාංගණයේ පැවැති දෙවැනි එක්දින තරගයේදී ශ්‍රී ලංකා පිල ලද පරාජයේ වගකීම සම්පූර්ණයෙන්ම පිතිකරණ අංශය භාර ගන්නා බව ජනිත් ලියනගේ පැවැසීය. […]
  • ශ්‍රී ලංකා ‘ඒ‘ පිල ජයග්‍රාහී මාවතට
    ඔස්ට්‍රේලියාවේ තරග සංචාරයක නිරතව සිටින ශ්‍රී ලංකා ‘ඒ‘ ක්‍රිකට් කණ්ඩායම තරග වැදි දෙවැනි එක්දින තරගයේදී ඔස්ට්‍රේලියානු ‘ඒ‘ කණ්ඩායම පරදවා ලකුණු 51 ක ජයග්‍රහණයක් වාර්තා කරමින් ජයග්‍රාහී මාවතට අවතීර්ණ වීමට […]
  • ලකුණු 16 ක ජයක් සමගින් බංග්ලාදේශය එක්දින තරගාවලිය සම කරයි
    බංග්ලාදේශ කණ්ඩායම ලකුණු 248 කට නවතාලීමට පන්දු යවන්නන්ට හැකියාව ලැබුණද පිතිකරුවන් යැයි නම් දරූ බහුතරයකගෙන් බලාපොරොත්තු වූ සේවය ඉටු නොවීම හේතුවෙන් ශ්‍රී ලංකා කණ්ඩායමට අකමැත්තෙන් වුවද දෙවැනි එක්දින තරගයේදී ලකුණු […]
  • මුවර්ස් ක්‍රීඩා සමාජයෙන් සුපිරි හඹා යෑමක්
    සිතාර ගිම්හාන සහ රමේෂ් මෙන්ඩිස් දෙදෙනා එකව සිව්වැනි කඩුල්ල වෙනුවෙන් රැස් කරන ලද නොබිඳුණු ලකුණු 228 ක සම්බන්ධතාව ප්‍රධාන කොට අන්තර් සමාජ ප්‍රධාන එක්දින ක්‍රිකට් තරගාවලිය යටතේ ප්‍රබල […]
  • පල්ලියගුරුගේ ‘ශතකයට‘ ක්‍රිකට් ආයතනයෙන් උපහාර
    පුරා වසර 13 ක කාලයක් තිස්සේ අන්තර්ජාතික එක්දින තරග බිමේ විනිසුරුවරයකු වශයෙන් සුවිශාල මෙහෙවරක යෙදුණු අන්ර්ජාතික ක්‍රිකට් සභාවේ විනිසුරුවරයකු වන රුචිර පල්ලියගුරුගේ මහතාගේ 100 වැනි එක්දින තරග විනිශ්චය […]

Pin It on Pinterest

USD United States (US) dollar