slc
logo
Home   |    News
දෙසැම්බර් 16, 2021
නැවත නොලැබෙන අවස්ථාවකින් මා ප්‍රයෝජන ගත්තා – සීක්කුගේ ප්‍රසන්න

Sri Lanka Cricket

අවසන් පන්දුවාරයේ ජයග්‍රහණය සඳහා අවශ්‍යව තිබූ ලකුණු දහසය ලබා ගැනීමට තමා වෙත පැවරී තිබූ කාර්යය ඉටුකිරීමට ගත් උත්සහයේදී මෙය සිදු නොකළොත් නැවත අවස්ථාවක් උදානොවන බව තමාට හැඟීගිය බවත් එම උත්සහය සාර්ථක වීමෙන් කළම්බු ස්ටාර්ස් කණ්ඩායමට ජයග්‍රහණය හිමිවූ බවත් කළම්බු ස්ටාර්ස් – කැන්ඩි වොරියර්ස් අතර තරගයේ දක්ෂතම ක්‍රීඩකයා ලෙස තේරුණු කළම්බු ස්ටාර්ස් කණ්ඩායමේ සීක්කුගේ ප්‍රසන්න  ප්‍රකාශ කළේය.

තම පුහුණු කාර්යය මණ්ඩලයට සහ කළමණාකාරිත්වයට ස්තූතිය පළකල සීක්කුගේ ප්‍රසන්න කළම්බු  ස්ටාර්ස් කණ්ඩායමේ සියළු ක්‍රීඩකයන් දැරූ උත්සයහයේ ප්‍රතිඵල අවසානයේදී අත්වූ බවද කීවේය.

තරගාවලියේ තවදුරටත් රැඳී සිටීමට මේ ජයග්‍රහණය උපකාරී වූ බව කී ප්‍රසන්න ඉදිරියේදී තවත් සාර්ථකවීමට අපේක්ෂා කරන බවද සඳහන් කර සිටියේය.

ජයග්‍රාහී කළම්බු ස්ටාර්ස් කණ්ඩායමේ නායක ඇන්ජලෝ මැතිව්ස් අදහස් දක්වමින් ඉනිම මැද භාගය වන විට පන්දුව පරණවී ලකුණු රැස්කිරීම පහසුවන අතරම අවසාන පන්දුවාර කිහිපයේදී පන්දුවාරයකට ලකුණු 15 බැගින් වුවද ලබාගැනීම පහසු බව තම කණ්ඩායම දැනසිටි බවද ප්‍රකාශ කළේය.

අපගේ ඉනිම ආරම්භයේදී සෙමින් ලබාගත් ලකුණු සංඛ්‍යාව ප්‍රමාණවත් නොවූ අතර අප එසේ කළේ මුලින් කඩුලු බිඳ වැටුණේ නම් මැදපෙළ පිතිකරුවන් අසීරු තත්ත්වයකට පත්වන බව පැවසූ මැතිව්ස් සැළසුම අවසාන පන්දුවාරයේදී හෝ සාර්ථකවීම පිළිබඳව සතුටු වන බවද කීවේය.

ඉක්මණින් කෙටි ලකුණු ලබාගැනීම වැනි කාර්යයන් ඉටුකිරීමට තමා තවමත් මඳ අපහසු තත්ත්වයක පසුවන බව කී කළම්බු ස්ටාර්ස් නායකයා ඉදිරි තරග කිහිපයේදී යථාතත්ත්වයකට පත්වීමට උත්සාහ ගන්නේ යැයිද කීවේය.

කැන්ඩි වොරියර්ස් කණ්ඩායමේ නායක ඇන්ජලෝ පෙරේරා අදහස් දක්වමින් මේ තරගාවලියෙන් තම කණ්ඩායමට තවමත් ඉවත්වීමට සිදුවී නොමැති බවත් අවසාන පූර්ව තරගයට තේරීමට තවමත් අවස්ථාව ඇති හෙයින් ඉදිරි තරගවලදී හොඳින් දක්ෂතා දැක්වීමට අපේක්ෂා කරන බවත් කීය.

අවසාන පන්දු වාරය යැවීමට ළහිරු කුමාර තරගයේ ප්‍රථම අවස්ථාවට තෝරා ගත්තේ කුමන පදනමකින්දැයි විමසු විට ඇන්ජලෝ පෙරේරා පැවසූවේ තම කණ්ඩායමේ දඟ පන්දු යවන්නන් පන්දුවාර 16ක්ම යවා අවසන් කර තිබූ අතර ළහිරු කුමාර යනු ශ්‍රී ලංකා කණ්ඩායමේද ආරම්භක පන්දු යවන්නෙකු බව අමතක නොකළ යුතු බැවින් එම අවස්ථාව ඔහුට ලබා දුන් බව සඳහන් කර සිටියේය.

බන්දුල මොල්ලිගොඩ

Active filters

Recent Posts

  • දඹුල්ල පිලේ රනේෂ් සිල්වාගෙන් ශතකයක්
    ශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය ක්‍රිකට් තරගාවලිය වන නැෂනල් සුපර් ලීග් (NSL) සිවුදින තරගාවලියේ ඊයේ (23) ආරම්භ වූ තරගයකදී දඹුල්ල කණ්ඩායම නියෝජනය කරන රනේෂ් […]
  • ශ්‍රී ලංකා කාන්තා කණ්ඩායමේ ලෝක කුසලාන සුදුසුකම් ලැබීමේ තරග
    බංග්ලාදේශයේ පැවැත්වෙන මීළඟ කාන්තා ලෝක කුසලාන කාන්තා විස්සයි 20 තරගාවලියට සුදුසුකම් ලැබීමේ තරගාවලියට සහභාගි වන ශ්‍රී ලංකා කාන්තා ක්‍රිකට් කණ්ඩායම එක්සත් අරාබි එමීර් රාජ්‍යයේ අබුඩාබි නගරයේදී බ්‍රහස්පතින්දා (25) […]
  • චමරි අතපත්තු ලොව අංක 1ට ශ්‍රේණිගත වේ
    ජාත්‍යන්තර ක්‍රිකට් සමුළුවේ ක්‍රිකට් ක්‍රීඩක ක්‍රීඩිකාවන්ගේ නවතම ශ්‍රේණිගත කිරීම් අනුව එක්දින තරග පිතිකාරිණියන් අතුරින් ශ්‍රී ලංකාවේ චමරි අතපත්තු ප්‍රථම ස්ථානයට පත්ව සිටී. ශ්‍රී ලංකා පිතිකාරිණියක ක්‍රිකට් ශ්‍රේණිගත කිරීමේදී […]
  • චමරිගෙන් විශිෂ්ට ලකුණු 195ක්. අවසාන තරගය ශ්‍රී ලංකාව පහසුවෙන් ජය ගනී
    දකුණු අප්‍රිකාවේ ක්‍රිකට් සංචාරයක යෙදෙන ශ්‍රී ලංකා කාන්තා ක්‍රිකට් කණ්ඩායමේ නායිකාව චමරි අතපත්තු එහි පැවැති තෙවැනි හා අවසාන එක්දින තරගයේදී විශිෂ්ට පිතිහරඹයක නියැළෙමින් නොදැවී රැස් කළ ලකුණු 195ක […]
  • දකුණු අප්‍රිකා කාන්තා කණ්ඩායම කඩුලු හතකින් ජය ගනී
    දකුණු අප්‍රිකාවේ ක්‍රිකට් සංචාරයක යෙදෙන ශ්‍රී ලංකා කාන්තා ක්‍රිකට් කණ්ඩායම සෙනසුරාදා (13) කිම්බර්ලි නගරයේ ඩයමන්ඩ් ඕවල් ක්‍රීඩාංගණයේදී දකුණු අප්‍රිකා කාන්තා කණ්ඩායම සමඟ පැවැති දෙවැනි එක්දින තරගයේදී සත්කාරක දකුණු […]

Pin It on Pinterest

USD United States (US) dollar