slc
logo
Home   |    News
ජනවාරි 25, 2022
අවසන් 4 ට යන්න යොවුන් පිල ඇෆ්ගනිස්තානයට එරෙහිව සටනට

sinhala editor

යොවුන් ලෝක කුසලාන ක්‍රිකට් තරගාවලියේ මූලික වටයේ ‘ඩී’ කාණ්ඩය යටතේ අපරාජිතව අවසන් කණ්ඩායම් 8 අතර තරග වටයට සුදුසුකම් ලද ශ්‍රී ලංකා වයස අවුරුදු 19 න් පහළ කණ්ඩායම මෙම මස 27 වැනිදා ඇෆ්ගනිස්ථානයට එරෙහිව තරග වැදීමට සූදානමින් සිටියි.

ශ්‍රී ලංකාවේ ප්‍රතිවාදීන් වන ඇෆ්ගනිස්තානය ‘සී’ කාණ්ඩය යටතේ දෙවැනි ස්ථානයට පත් වෙමින් අවසන් කණ්ඩායම් 8 අතර තරග වටයට සුදුසුකම් ලබා සිටියි. 2016 වසරේ යොවුන් ලෝක ශූරයින් බවට පත් වුණු ඇෆ්ගනිස්තාන කණ්ඩායමට එරෙහි තරගය ඇන්ටිගුවාහි කූලිජ් ක්‍රීඩාංගණයේදී මෙරට වේලාවෙන් ප.ව. 6.30 ට ආරම්භ වනු ඇත.

මූලික වටය යටතේ ශ්‍රී ලංකාව ඔස්ට්‍රේලියාවට එරෙහිව කඩුලු 4 කින්ද, සත්කාරක බටහිර ඉන්දීය කොදෙව් කණ්ඩායමට එරෙහිව කඩුලු 3 ක ජයක්ද සහ ස්කොට්ලන්තයට එරෙහිව ලකුණු 40 ක ජයක්ද වාර්තා කරමින් අවසන් කණ්ඩායම් 8 අතර තරග වටයට සුදුසුකම් ලබා ගැනීමට සමත්වූවේය.

මෙම තරගයෙන් ජය වාර්තා කරගනු ලබන කණ්ඩායම අවසන් කණ්ඩායම් 4 අතර තරග වටයට හෙවත් අවසන් පූර්ව තරග වටය සඳහා සුදුසුකම් ලබන අතර පරාජිත කණ්ඩායම 5 වැනි ස්ථානයේ සිට 8 වැනි ස්ථානය දක්වා වූ ස්ථාන වෙනුවෙන් තරග වැදීමට සිදුවනු ඇත. තරගාවලියේ අවසන් පූර්ව තරග පෙබරවාරි මස 01 වැනිදා සහ 02 වැනිදා පැවැත්වෙනු ඇත.

ශ්‍රී ලංකා යොවුන් කණ්ඩායමක් යොවුන් ලෝක කුසලාන ක්‍රිකට් තරගාවලිය යටතේ අවසන් කණ්ඩායම් 4 අතර තරග වටයට සුදුසුකම් ලබන ලද්දේ චරිත් අසලංකගේ නායකත්වයෙන් යුතුව 2016 වසරේදී පැවැති තරගාවලියේදී වේ. ඒ අනුව ඇෆ්ගනිස්තානයට එරෙහිව පැවැත්වෙන තරගය ජය වාර්තා කරමින් අවසන් කණ්ඩායම් 4 අතරට යෑමට දුනිත් වෙල්ලාලගේගේ නායකත්වයෙන් යුතු ශ්‍රී ලංකා යොවුන් පිල සමත් වුවහොත් වසර 6 කට ආසන්න කාලයකින් පසු අවසන් පූර්ව තරග වටම් ලද පළමු අවස්ථාව ලෙසින් සනිටුහන් වනු ඇත.

අර්ධ අවසන් පූර්ව තරග කාල සටහන

ජනවාරි 26 – එංගලන්තය සහ දකුණු අප්‍රිකාව අතර

ජනවාරි 27 – ශ්‍රී ලංකාව සහ ඇෆ්ගනිස්තානය අතර

ජනවාරි 28 – පාකිස්තානය සහ ඔස්ට්‍රේලියාව අතර

ජනවාරි 29 – ඉන්දියාව සහ බංග්ලාදේශය අතර

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

LKR Sri Lankan rupee