නැෂනල් සුපර් ලීග් ක්‍රිකට් තරගාවලිය යටතේ සූරියවැව  මහින්ද රාජපක්ෂ ක්‍රිඩාංගණයේ පැවති ගොල් – ජැෆ්නා තරගයෙන් කඩුලු 7 ක ජයක් වාර්තා කිරීමට ගොල් කණ්ඩායම සමත්විය. ජැෆ්නා දෙවැනි ඉනිම ලකුණු 224 කට සීමා වීමත් සමඟ ජයග්‍රහණය සඳහා වූ ලකුණ 35 ක ඉලක්කය කඩුලු 3 ක් පමණක් දැවී රැස් කර ගැනීමට ගෝල් කණ්ඩායම සමත්විය.

ජැෆ්නා මුල් ඉනිමේ රැස්කළ ලකුණු 254ට පිළිතුරු ලෙස ගොල් පළමු ඉනිමේ කඩුලු 9කට ලකුණු 444ක් ලබා ප්‍රථම ඉනිමේ ද ඉදිරියෙන් සිටියේය.තෙවන දින  නිමවන විට දෙවන ඉනිමේදී කිසිවෙකු නොදැවී ලකුණු 43ක් ලබා සිටියත් ජැෆ්නා කණ්ඩායමට තරගයේ අවසාන දිනය වූ අද (20) දෙවන ඉනිමේ පිතිකරුවන් දස දෙනාම දැවී රැස් කළේ ලකුණු 181ක් පමණකි.

ජැෆ්නා දෙවන ඉනිමද අඩු සංඛ්‍යාවකට ( 224)  දැවී යාමට මුල් වුයේ ලක්ෂාන් මධුශංක  (49/3) චානක රුවන්සිරි ( 29/3) සහ සුමිඳ ලක්ෂාන්ගේ (53/2) දක්ෂ පන්දු  යැවීමය.

ගොල් කණ්ඩායමට ජයග්‍රහණය සඳහා අවශ්‍ය වූ ලකුණු 35 ඔවුන්  ලබා ගත්තේ කඩුලු 3ක් දැවී යාමෙනි. මෙහිදී මුල් ඉනිමේ ශතක ලාභීන් වූ  සංගීත් කුරේ (06) සහ පබසර  වඩුගේ (00) අඩුම ලකුණු සංඛ්‍යාවන්ට දැවී ගියේ ශ්‍රී ලංකා 19න් පහළ නායක දුනිත් වෙල්ලාලගේ එවු පන්දු හමුවේ ය.

ජැෆ්නා දෙවන ඉනිමේ ලකුණු අතර සිටි පිතිකරුවන් වූ ජනිත් ලියනගේ ලකුණු 72ක් ද ( පන්දු 105 යි හතරේ හත යි හයේ පහරයි )නිෂාන් මධුෂ්ක ලකුණු 45ක් ද ( පන්දු 82 හතරේ තුනයි ) නවෝද් පරණවිතාන ලකුණු 36ක්ද (පන්දු  48 යි හතරේ  තුනයි ) සංතූෂ් ගුණතිලක ලකුණු 28ක්ද ( පන්දු 28 යි හතරේ  හතරයි  හයේ  පහරයි ) රැස් කළහ.

ජැෆ්නා හොඳම සබඳතා වුයේ මුල් විකට්ටුවට  නිශාන්ත මධුෂ්ක සහ නවෝද් පරනවිතාන එක් කළ ලකුණු 67 ( පන්දු 101) සහ ජනිත් ලියනගේ සමග සංතූෂ් ගුණතිලක පස්වන කඩුල්ලට රැස් කළ ලකුණු 53    (පන්දු  62) වේ.

ලකුණු විස්තරය

ජැෆ්නා පළමු ඉනිම 254 පන්දුවාර 83.5 – (නුවන් ප්‍රදීප් නොදැවී 37, නවෝද් පරණවිතාන 34, නිශාන් මධුෂ්ක 29, කල්හාර සේනාරත්න 29, සංතූෂ් ගුණතිලක 28, සමිඳ ප්‍රනාන්දු 27, සුමිඳ ලක්ෂාන් 28/4, දිල්ෂාන් මධුෂ්ක 51/3)

ගෝල් පළමු ඉනිම කඩුලු 9ට 444 පන්දුවාර 114.5යි – (සංගීත් කුරේ 160, පබසර වඩුගේ 108, සුමිඳු ලක්ෂාන් 57, හෂාන් දුමිඳු 34, චානක රුවන්සිරි 29, ශෂික දිල්ෂාන් 146/4, ජනිත් ලියනගේ 53/3යි)

ජැෆ්නා දෙවන ඉනිම සියල්ල දැවී 224 පන්දුවාර 54.2 යි – (ජනිත් ලියනගේ 72,නිශාන් මධුෂ්ක 45, නවෝද්  පරනවිතාන 36, සංතූෂ් ගුණතිලක 2, දුනිත් වෙල්ලාලගේ 21, දිල්ශාන් මධුශංඛ 49/3 , චානක රුවන්සිරි 29/3, සුමිද ලක්ෂාන් 53/2 )

ගොල් දෙවන ඉනිම කඩුලු 3ට 38 පන්දුවාර 7 යි – (හසාන් දුමිඳු නොදැවී 16, විෂාඩ් රන්දික නොදැවී 08, දුනිත් වෙල්ලාලගේ17/2)