slc
logo
Home   |    News
මැයි 30, 2022
පානදුර දෙවැනි ජයත් ලබයි

sinhala editor

පානදුර සහ නූගේගොඩ අතර කොල්ට්ස් ක්‍රීඩාංගණයේ පැවති අන්තර් සමාජ මේජර් 20-20 ක්‍රිකට් තරගාවලියේ මූලික වටයේ තරගයෙන් පානදුර ලකුණු 25කින් නූගේගොඩ පරදා ඩක්වර්ත් ලුවිස් ක්‍රමයට ජය අත්කරගත්තේය. මෙම ජයග්‍රහණය පානදුර කණ්ඩායමේ දෙවැනි ජයග්‍රහණය ලෙසින් සටහන් විය.

එක් කණ්ඩායමකට පන්දුවාර 11ක් ලැබෙන පරිදි මේ තරගයේදී පානදුර පිල කඩුලු අටක් දැවී රැස්කළ ලකුණු 90ට පිළීතුරු ලෙස නූගේගොඩ පන්දුවාර 11 අවසානයේ කඩුලු අටක් දැවී රැස් කළේ ලකුණු 65 ක් පමණි.

නූගේගොඩ කාසියේ වාසිය දිනා මුලින් පන්දුවට පහරදීම පානදුරට පැවරීය. පානදුර කණ්ඩායමේ ලක්ෂාන් රුද්‍රිගෝ ලකුණු 29ක් ද, තරිඳු කෞෂාල් ලකුණු 14ක් ද, නීමේෂ් විමුක්ති ලකුණු 14ක් ද, තෙයිවේන්දිරම් දිනෝෂාන්  ලකුණු 10ක් ද රැස් කළහ. හොඳම සබඳතාවය වූයේ ලක්ෂාන් රුද්‍රිගෝ සහ තරිඳු කෞෂාල් තෙවන කඩුල්ලට රැස් කළ ලකුණු 19 යි. චමින්ද බණ්ඩාර සහ සහන් නානයක්කාර කඩුලු දෙක බැගින් දවාලූහ.

නූගේගොඩ පන්දුවට පහරදීමට පැමිණි අවස්ථාවේ වැඩිම ලකුණු ලභියා වූ රමිත් ලියනආරච්චි පන්දු 16කදී ලකුණු 22ක් ලබා ගත්තේ හතරේ පහරක් සහ හයේ පහරක් ද සමගිනි. රාහුල් ගුණසේකර (12), අභිෂේක් ලියනආරච්චි (09) සහ කෙවින් පෙරේරා (09) සෙසු වැඩිම ලකුණු ලාභීන් ය. රොෂාන් විජේනායක හොඳම පන්දු යැවීම වාර්තා කළේ ලකුණු නවයකට කඩුලු තුනක් දවාලමිනි.

මේ තරගයට අමතරව මෙදින පැවත්වීමට නියමිතව තිබූ කොල්ට්ස් – කැන්ඩි කස්ටම්,නිගම්බු – ටැමිල් යුනියන්,පොලීසිය සෙබස්ටියනයිට්ස් , බී.ආර්.සී. – චිලව් මේරියන්ස් සහ එන්.සී.සී. – රාගම අතර තරග අයහපත් කාලගුණය මත නොපැවැතිවිණ.

ලකුණු පුවරුව

පානදුර පන්දුවාර 11 කදී කඩුලු 8 ට ලකුණු 90 යි – ලක්ෂාන් රුද්‍රිගෝ 29, තරිඳු කෞෂාල් 14, නිමේෂ් විමුක්ති 14, තෙයිවේන්දිරම් දිනෝෂාන් 10, චමින්ද බණ්ඩාර 20/2, සහන් නානායක්කාර 11/2.

නූගේගොඩ පන්දුවාර 11කදී කඩුලු 8ක් දැවී ලකුණු 65 යි – රමිත් ලියනආරච්චි 22, රාහුල් ගුණසේකර 12, අභිෂේක් ලියනආරච්චි 09, කෙවින් පෙරේරා 09, රොෂාන් විජේනායක 9/3, තරිඳු කෞෂාල් 11/2.

Active filters

Recent Posts

  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]
  • පළමු ශතකය නිශාන් මධුශ්කගෙන්
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ පළමු තරගයෙන් ලකුණු 137ක දැවැන්ත ජයක් වාර්තා කිරීමට බඳුරලිය ක්‍රීඩා සමාජය සමත් වෙයි. කුරුණෑගල යොවුන් ක්‍රිකට් […]
  • කාන්තා ක්‍රිකට් දියුණු වෙන්නේ ක්‍රීඩිකාවන්ගේ කැපවීම නිසයි – චමරි අතපත්තු
    කාන්තා ක්‍රිකට් ක්‍රීඩාව ක්‍රමයෙන් දියුණු තත්ත්වයකට ගෙන ඒමට හැකි වූයේ සියලු දෙනාගේ කැපවීම හේතුවෙන් බව ශ්‍රී ලංකා ක්‍රිකට් නායිකා චමරි අතපත්තු පැවැසූවාය. පසුගිය වසර එකහමාරක කාලය තුලදී ප්‍රබල […]

Pin It on Pinterest

USD United States (US) dollar