slc
Home   |    News
ජූනි 2, 2022
කාන්තා පිලට කඩුලු 8 ක පරාජයක්

sinhala editor

පාකිස්තානයට එරෙහිව කරච්චිහි අද (01 දා) පැවැති තරග 3 කින් සමන්විත පළමු එක්දින තරගයෙන් කඩුලු 8 ක පරාජයක් අත්විඳීමට ශ්‍රී ලංකා කාන්තා කණ්ඩායමට සිදුවිය. අයි.සී.සී. ලෝක ශරතා ක්‍රිකට් තරගාවලිය යටතේ පෑවත්වෙන මෙම තරගාවලියේදී ප්‍රසාද ලකුණු 2 ක් හිමිකරගත් පාකිස්තානු කාන්තා කණ්ඩායම තරගාවලිය 1-0 ක් ලෙස පෙරමුණ ගත්තේය.

පළමුව පන්දුවට පහර දුන් ශ්‍රී ලංකා පිල ලබා දුන් ලකුණු 170 ක ඉලක්කය හඹා යෑමේදී සිද්‍රා අමීන් (76) ක් සහ නායිකා බිස්මා මාරූෆ් (නොදැවී 62) ලකුණු රැස් කිරීම නිසා 42 වැනි පන්දුවාරයේ පස්වැනි පන්දුවේදී ඉලක්කය සපුරා ගනු ලැබුවේ කඩුලු 2 ක් පමණක් දැවී ගොස් තීබියදීය. මොවුන් දෙදෙනගේ දෙවැනි කඩුල්ලේ සම්බන්ධතාව පන්දු 200 කදී ලකුණු 143 කි.

වැඩිම ලකුණු ලාභිණිය වූ අමීන් පන්දු 119 ක් සිය ඉනිම වෙනුවෙන් වැය කරද්ද ඊට හතරේ පහර 7 ක්ද ඇතුළත් කළාය. පන්දු 101 කට මුහුණ දුන් නායිකා මරූෆ් ඊට හතරේ පහර 5 ක් ඇතුළත් කර ගත්තාය. පන්දු යැවීමේදී අචිනි කෞෂල්‍යා පමණක් තර්ජනයක් වෙමින් ලකුණු 13 කට කඩුල්ලක් දවා ගැනීමට සමත්වූවාය.

ශ්‍රී ලංකා පිල වෙනුවෙන් තනි සටනක නියැලුණු මැද පෙළ පිතිකාරිණී කවීෂා දිල්හාරි පන්දු 50 කදී හයේ පහරක් සහ හතරේ පහර 5 ක් සමඟ නොදැවී ලකුණු 49 ක් ලබා ගත්තාය. සෙසු පිතිකාරිණියන්ගේ සහයෝගය ඇයට නොලැබීම නිසා අර්ධ ශතක වාර්තා කිරීමේ අවස්ථාව ඇයට අහිමි වූවාය. කවීෂාට  අමතරව ප්‍රසාදිනී වීරක්කොඩි පන්දු 44 කදී හතරේ පහර 3 ක් සමඟ ලකුණු 30 ක් ද චමරි අතපත්තු පන්දු 39 කදී හයේ පහරක් සහ හතරේ පහර 3 ක් සමග ලකුණු 25 ක් ද රැස් කළහ.

තරගය් වීරයාට හිමි සම්මානය පාකිස්තානු පිල වෙනුවෙන් පන්දුවාර 10 කදී නිලකුණු ඕවර 2 ක්ද සමඟ ලකුණු 21 කට කඩුලු 4 ක් දවා ගත් ගුලාම් ෆාතිමා නම් කළාය.

ශ්‍රී ලංකාව පන්දුවාර 47.5 කදී ලකුණු 169 යි – (චමරි අතපත්තු 25, ප්‍රසාදනී වීරක්කොඩි 30, කවීෂා දිල්හාරි 49*, ගුලාම් ෆාතිමා 21/4, ෆාතිමා සනා 24/2, සාදියා ඉක්බාල් 30/2)

පාකිස්තානය පන්දුවාර 41.5 කදී කඩුලු 2 කට ලකුණු 170 යි – (සිද්‍රා අමීන් 76, බිස්මා මරූෆ් 62*)

Recent Posts

  • ශ්‍රී ලංකාව පන්දු යැවීමට තීරණය කරයි
    නවසීලන්තයට එරෙහිව ඕක්ලන්ඩ්හිදී පැවැත්වෙන පළමු එක්දින තරගයේ කාසියේ වාසිය දිනා ගත් ශ්‍රී ලංකා නායක දසුන් ශානක පළමුව පන්දුවට පහර දීම සඳහා සත්කාරක නවසීලන්ත කණ්ඩායමට ආරාධනා කර සිටියේය. මෙම […]
  • අවධානම අඩු කර ගැනීමේ පළමු සටනට ශ්‍රී ලංකා පිල සූදානම් – දසුන්
    BY CHAMILA KARAWITA ලෝක කුසලාන ක්‍රිකට් තරගාවලියට සුදුසුකම් ලබා ගැනීම වෙනුවෙන් පැවැත්වෙන සුපිරි ලීග් තරගාවලිය යටතේ ශ්‍රී ලංකා කණ්ඩායම සහභාගිවන අවසන් එක්දින තරගාවලිය නවසීලන්ත කණ්ඩායමට එරෙහිව හෙට (25 […]
  • දඹුල්ල සිව්වැනි ජයත් සමඟින් අපරාජිතව ඉදිරියට
    නැෂනල් සුපර් ලීග් එක්දින සීමිත පන්දුවාර ක්‍රිකට් තරගාවලියේ අද (23 දා) රංගිරි දඹුලු ජාත්‍යන්තර ක්‍රීඩාංගණයේ පැවැති තරගයේදී ජැෆ්නා කණ්ඩායම ලකුණු 76 ක පරාජයකට ඇද දැමූ දඹුල්ල කණ්ඩායම පිට […]
  • කෲස්පුල්ලේගෙන් අනුකම්පා විරහිත පිතිහරඹයක්
    ශ්‍රී ලංකා ක්‍රිකට් ආයතනය විසින් මෙහෙයවනු ලබන නැෂනල් සුපර් ලීග් සීමිත පන්දුවාර ක්‍රිකට් තරගාවලියේ මූලික තරග වටය යටතේ අද (23 දා) පල්ලකැලේ ජාත්‍යන්තර ක්‍රීඩාංගණයේ පැවැති තරගයේදී ලකුණු 167 […]
  • යාපනයේ ක්‍රිකට් ගැන විතූෂාන් කතා කරයි
    යාපනයේ සිට පැමිණි තරුණි තරුණ ක්‍රිකට් ක්‍රීඩකයන් පස්දෙනෙකුම මේ වන විට අන්තර් සමාජ නියෝජනය කරමින් ජාතික මට්ටමෙන් තරග කරන අතර ඔවුනගේ අපේක්ෂාව වන්නේ ජාතික කණ්ඩායමට ඇතුළත්ව මව්බිමට කීර්තියක් […]
LKR Sri Lankan rupee

Pin It on Pinterest