slc
Home   |    News
අගෝස්තු 20, 2022
ආසියානු කුසලාන තරගාවලිය සඳහා අසිත ප්‍රනාන්දුට කැඳවුම්

sinhala editor

වේග පන්දු යවන අසිත ප්‍රනාන්දු පිළිබඳව විශ්වාසය තබා ඇති ප්‍රමෝද්‍ය වික්‍රමසිංහ මහතාගේ ප්‍රධානත්වයෙන්ක් යුතු ක්‍රිකට් තේරීම් කමිටුව ආසියානු කුසලාන ක්‍රිකට් තරගාවලිය සඳහා නම් කරන ලද ශ්‍රී ලංකා කණ්ඩායමට ඔහුගේ නම ඇතුළත් කර තිබේ. අසිතට අමතරව වමතිිි වේග පන්දු යවන ඩිල්ෂාන් මදුශංකව එක් කිරීමට පියවර ගෙන තිබේ. දසුන් ශානකගේ නායකත්වයෙන් යුතු ශ්‍රී ලංකා කණ්ඩායම ක්‍රීඩකයින් 20 දෙනෙකුගෙන් සමන්විත වේ.  

ශ්‍රී ලංකා ක්‍රිකට් ආයතනයේ මෙහෙයවීමෙන් ඉකුත්දා නිමාවට පත් වුණු ආරාධිත පන්දුවාර විස්සයි-20 ක්‍රිකට් තරගාවලියේදී තරග 4 කදී කඩුලු 10 ක් දවා ගනිමින් වැඩිම කඩුලු ලද පන්දු යවන්නා බවට පත් වද්දී ඉතා ‌හොඳ දෝලනයක් සහිතව පන්දු යැවීමට සමත්වීම නිසා ඩිල්ෂාන් මදුශංක, තේරීම් කමිටුවේ අවධානය දිනා ගැනීමට සමත්විය. දක්ෂතම පන්දු යවන්නා සම්මානයෙන් පිදුම් ලද අසිතගේ කඩුල්ලක් දවා ගැනීමේ සාමාන්‍ය 11 ක්ව සටහන් වද්දී පන්දුවාරයකට ලකුණු 6.87 ක අගයක් රඳවා ගැනීමට සමත්ව සිටින්නේය. හුංගම විජයබා විදුහල නියෝජනය කරමින් පැමිණ සිටින ඩිල්ෂාන් මදුශංක මීට පෙර අවස්ථා කීපයකදීම ටෙස්ට් තරග සඳහා වන සංචිත වලට ඇතුළත් වුවද විස්සයි-20 තරගාවලියකට ඇතුළත් කරන ලද පළමු අවස්ථාව ලෙසින් මෙය සනිටුහන් වේ.

මේ අතර ඉන්දීය සහ ඔස්ට්‍රේලියාවට එරෙහි විස්සයි-20 සංචිත සඳහා ඇතුළත්ව සිටියද අවසන් 11 දෙනා අතරට පැමිණීමට අපොහෙසත් වුණු දිනේෂ් චන්දිමාල්ද මෙම සංචිතයට එක්ව සිටියි. පාකිස්තානයට එරෙහිව පැවැති ටෙස්ට් තරගාවලියේදී පිතිකරුවකු ලෙසින් පිටිය තුළ වඩා වැඩි විශ්වාසයක් ගොඩ නඟා ගැනීමට සමත්වීම ඔහුට ආසියානු කුසලාන තරගාවලියේ ස්ථානයක් වෙන්වීමට හේතුවක් වී තිබේ.

ඊට අමතරව අෂේන් බණ්ඩාර, ධනංජය ද සිල්වා, මතීෂ පතිරණ ‌සහ ජෙෆ්රි වැන්ඩර්සි කණ්ඩායමට නැවත පැමිණ සිටින ක්‍රීඩකයෝ වෙති.

අගෝස්තු 10 වැනිදා රැස් වුණු ක්‍රිකට් තේරීම් කමිටුව විසින් නම් කරන ලද මූලික සංචිතය සඳහා කසුන් රජිත සහ බිනුර ප්‍රනාන්දු ඇතුළත්ව සිටියද ආරාධිත තරගාවලිය අතරතුර ඔවුන් තුවාල ලැබීම මත මෙම වටිනා තරගාවලියේදී ඔවුන් දෙදෙනාගේ සේවය ශ්‍රී ලංකාවට අහිමි වී තිබේ. අගෝස්තු 12 වැනිදා ක්‍රීඩා අමාත්‍යවරයාගේ අවසරය සඳහා යොමු කෙරුණු 20 දෙනා අතර ‌සිටි කසුන් සහ බිනුර වෙනුවට අසිත සහ ප්‍රමෝද් මදුශාන් එක් කිරීමට පියවර ගෙන තිබේ.

ආසියානු කුසලාන තරගාවලිය අගෝස්තු 27 වැනිදා ආරම්භ වන අතර සැප්තැම්බර් 11 වැනිදා අවසන්වීමට නියමිතව තිබේ.

ශ්‍රී ලංකා කණ්ඩායම – දසුන් ශානක (නායක), චරිත් අසලංක (උප නායක), දිනේෂ් චන්දිමාල්, ධනුෂ්ක ගුණතිලක, පැතුම් නිස්සංක, කුසල් මෙන්ඩිස්, භානුක රාජපක්ෂ, අෂේන් බණ්ඩාර, ධනංජය ද සිල්වා, වනිඳු හසරංග, මහීෂ් තීක්ෂණ, ජෙෆ්රි වැන්ඩර්සි, ප්‍රවීන් ජයවික්‍රම, දුෂ්මන්ත චමීර, චාමික කරුණාරත්න, ඩිල්ෂාන් මදුශංක, මතීෂ පතිරණ, නුවනිඳු ප්‍රනාන්දු, අසිත ප්‍රනාන්දු ප්‍රමොද් මදුශාන්.

Recent Posts

  • අවසන් සටනේ මුල් දිනයේ රාගම කඩුලු 8කට ලකුණු 258යි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ වයස අවුරුදු 23 න් පහළ ප්‍රධානතම ලීග් ක්‍රිකට් තරගාවලියේ අවසන් මහා තරගයේ මුලින් පන්දුවට පහරදෙන රාගම ක්‍රිකට් සමාජය පළමු දිනයේ […]
  • දිමුත් සහ චන්දිමාල් ‘විස්ඩන්’ ලෝක කණ්ඩායමට
    ක්‍රිකට් ක්‍රීඩාවේ බයිබලය ලෙසින් සැලකෙන ප්‍රකට විස්ඩන් (Wisden) සඟරාව විසින් තෝරනු ලබන ටෙස්ට් ලෝක ශූරතා තරගාවලිය සඳහා ක්‍රීඩා කරන ලද ලොව හොඳම ක්‍රීඩකයින් 11 දෙනා අතරට ශ්‍රී ලංකාවේ […]
  • පළමු තරගයෙන්ම ශ්‍රී ලංකා යොවුන් පිලට පහසු ජයක්
    අබුඩාබි නුවර ආරම්භ වුණු වයස අවුරුදු 19 න් පහළ යොවුන් ක්‍රිකට් තරගාවලියේ සමාරම්භක තරගයේදීම බංග්ලාදේශ යොවුන් පිලට එරෙහිව කඩුලු 5 ක විශිෂ්ඨ ජයක් වාර්තා කරමින් තරගාවලියට සාර්ථක ප්‍රවේශයක් […]
  • ළහිරුගේ නායකත්වයේ ඉනිම කැන්ඩිට පළමු ජය ගෙනෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී නායකත්වයේ ඉනිමක් ක්‍රීඩා කළ කැන්ඩි පිලේ ළහිරු උදාර වාර්තා කළ ලකුණු 109 සමග කැන්ඩි පිල ලකුණු 8ක […]
  • ජැෆ්නා – කළම්බු තරගයට වැස්සෙන් බාධා
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේ ජැෆ්නා හා කළම්බු අතර තරගයේ මුලින් පන්දුවට පහරදුන් කළම්බු පිල ඕවර් 46.3ක් තුලදී කඩුලු 9ක් දැවී ලකුණු […]
LKR Sri Lankan rupee

Pin It on Pinterest