ආසියානු ක්‍රිකට් කවුන්සිලය විසින් සංවිධානය කරනු ලබන කාන්තා ආසියානු ක්‍රසලාන ක්‍රිකට් තරගාවලියට සහභාගිවීම සඳහා ශ්‍රී ලංකා කාන්තා පිල හෙට පෙරවරුවේ බංග්ලාදේශය බලා පිටත්වයනු ඇත. පන්දුවාර විස්සයි-20 තරගාලියක් ලෙසින් පැවැත්වෙන මෙම තරගාවලිය සඳහා චමරි අතපත්තුගේ නායකත්වයෙන් යුතු ශ්‍රී ලංකා කාන්තා පිලට ක්‍රීඩිකාවන් 15 දෙනෙකු ඇතුළත්වෙති.

කාන්තා ආසියානු කුසලාන ඉතිහාසයේ සිව්වැනි වතාවටත් පැවැත්වෙන මෙම තරගාවලිය ඔක්තෝබර් 01 වැනිදා ආරම්භ වන අතර 15 වැනිදා දක්වා බංග්ලාදේශයේ සිලට් ජාත්‍යන්තර ක්‍රීඩාංගණයේදී පැවැත්වෙනු ඇත.

සත්කාරකත්වය හොබවන බංග්ලාදේශ පිලට අමතරව රටවල් 7 ක් තරගාවලිය නියෝජනය කරනු ලබන අතර ඉන්දියාව, පාකිස්තානය, ශ්‍රී ලංකාව, තායිලන්තය, මැලේසියාව සහ එක්සත් අරාබි එමීර් රාජ්‍ය එම රටවල් වෙති.

සමස්ථ තරගාවලිය තරග 24 කින් සමන්විත වන අතර අවසන් මහ තරගය ලබන 15 වැනිදා පැවැත්වේ. ලීග් ක්‍රමයට පැවැත්වෙන මූලික වටය යටතේ ශ්‍රී ලංකාව තරග 6 කට සහභාගිවන අතර ලබන 01 වැනිදා ඉන්දියාවට එරෙහිව සිය පළමු සටන අරඹනු ඇත.

එක්සසත් අරාබි එමීර් රාජ්‍ය සමඟ පැවැත්වෙන දෙවැනි තරගය ඔක්තෝම්බර් මස 02 වැනිදාද, තායිලන්තයට එරෙහි තරගය ඔක්තෝබර් මස 04 වැසිදාද, මැලේසියාවට එරෙහිව පැවැත්වෙන තරගය ඔක්තෝබර් 08 වැනිදාද, බංග්ලාදේශයට එරෙහි තරගය ඔක්තෝබර් 10 වැනිදාද සහ පාකිස්තානයට එරෙහි තරගය ඔක්තෝම්බර් 11 වැනිදාද ශ්‍රී ලංකා පිල සහභාගිවනු ඇත.

මූලික වටයේ ප්‍රසාද ලකුණු සටහනේ පෙරමුණ ගනු ලබන කණ්ඩායම් 4 අවසන් කණ්ඩායම් 4 අතර තරගය වටය හෙවත් අවසන් පූර්ව තරග සඳහා සුදුසුකම් ලබනු ඇත. අවසන් කණ්ඩායම් 4 අතරට සුදුසුකම් ලබා ගැනීමට නම් ශ්‍රී ලංකාවට අවම වශයෙන් තරග 3 ක් හෝ ජයග්‍රහණය කිරීම අනිවාර්යය වනු ඇත.  අවසන් පූර්ව තරග ඔක්තෝබර් මස13 වැනිදා පැවැත්වෙනු ඇත.