slc
logo
Home   |    News
ඔක්තෝබර් 3, 2022
ශ්‍රී ලංකා ක්‍රීඩිකාවන් පළමු ජය ලබයි

sinhala editor

බංග්ලාදේශයේ පැවැත්වෙන ආසියානු කුසලාන කාන්තා ක්‍රිකට් තරගාවලියේ පළමු වටය යටතේ එක්සත් අරාබි එමීර් රාජ්‍ය පිලට එරෙහිව පැවැති තරගයෙන් ඩක්වර්ත් ලුවිස් න්‍යායට අනුව ලකුණු 11 ක ජයක් වාර්තා කරමින් මෙවර තරගාවලියේ පළමු ජයග්‍රහණය වාර්තා කිරීමට ශ්‍රී ලංකා කාන්තා ක්‍රිකට් කණ්ඩායම අද (02 වැනිදා) සමත්විය.

ශ්‍රී ලංකා පිල ලබා දුන් ලකුණු 110 ක ඉලක්කය හඹා යන අතරතුර =අකුණු සහිත තත්ත්වයක් හේතුවෙන් තරගය තාවකාලිකව අත්හිටුවීමට විනිසුරුවරුන් පියවර ගත් අතර නැවත තරගය ආරම්භ කරන විට ඩක්වර්ත් න්‍යාය අනුව එක්සත් අරාබි එමීර් කණ්ඩායමේ ඉලක්කය පන්දුවාර 11 කදී ලකුණු 66 ක් ලෙසින් සංශෝධනය විය. කෙසේ වෙතත් ඔවුන්ට එම ඉලක්කය හඹා යන විට කඩුලු 7 ක් දැවී ලබාගත හැකි වූයේ ලකුණු 54 ක් පමණි.

පන්දු යැවීමේදී කැපී පෙනුණු ඉනෝකා රණවීර සහ කවීෂා දිල්හාරි කඩුලු 2 බැගින් බිඳ හෙළමින් අරාබි එමීර් පිල අසීරුතාවට ඇද දැමූහ. ඊට අමතරව දුවද්දී දැවී යෑම් දෙකකටද මොවුන් දායකත්වය ලබාදීම කැපී පෙනිණ.

කාසියේ වාසියත් සමඟ පළමුව පිති ප්‍රහාරය දියත් කළ ශ්‍රී ලංකා ක්‍රීඩිකාවෝ නියමිත න්දුවාර 20 අවසනදී කඩුලු 9 කට ලුකණු 109 ක් රැස් කළහ. එක්සත් අරාබි එමීර් කණ්ඩායමේ පන්දු යවන්නනියන් ශ්‍රී ලංකා ක්‍රීඩිකාවන්ව අසීරුතාවයට පත් කරමින්  පන්දු යැවීම කැපී පෙනිණ.

අසීරුතාවයන් මධ්‍යයේ සිය පිත්තෙන් පිළිතුරු ලබා දුන් ආරම්භක පිතිකාරිණී හර්ෂිතා සමරවික්‍රම පන්දු 40 කදී ලකුණු 37 ක් ලබා ගත්තාය. එම දක්තාව මත තරගයේ දක්ෂතම ක්‍රීඩිකාව වෙනුවෙන් ලබාදුන් සම්මානයෙන්ද හර්ෂිතා පිදුම් ලැබුවාය.

 මෙම තරගයේදී නායිකා චමරි අතපත්ති යළිත් වරක් අසාර්ථක වීම කැපී පෙනණු අතර ඇය ලකුණු 06 කට දැවී ගියාය. හර්ෂිතාට අමසතරව එකම පිතිකාරිණියක හෝ ලකුණු 20 සීමාව ඉක්මවාලීමට අරාබි පන්දු යවන්නියන් අවස්ථාව ලබා නොදීම කැපී පෙනුණි. හර්ෂිතාට අමතරව ශ්‍රී ලංකා පිල වෙනුවෙන් ලකුණු 10 සීමාව ඉක්මවාලීමට සමත්වූයේ නිලක්ෂි ද සිල්වා (19) සහ අනුෂ්කා සංජීවනී (නොදැවී 17) පමණි.

පන්දු යැවීමේදී අරාබි පිල වෙනුවෙන් වෛෂ්නව් මහේෂ් සහ මිහිකා ගෝර් කඩුලු 3 බැගින් ිඳ හෙළූහ. ඔවුන් දෙදෙනාට අමතරව සමයිරා ධර්ණිධර්කා කඩුලු 2 ක් බිඳ හෙළුවාය.

මෙම තරගයේදී ශ්‍රී ලංකා පිල වෙනුවෙන් කෞෂානි නුත්‍යාංගනා විස්සයි-20 ජාත්‍යන්තර වරම් දිනාගත් නමුත් සිය මංගල ඉනිම ලකුණු 08 කට සීමා විය.

ශ්‍රී ලංකා කාන්තා පිල පන්දුවාර 20 කදී කඩුලු 9 ට ලකුණු 109 යි – (හර්ෂිතා මාධවී 37, නිලක්ෂි ද සිල්වා 19, අනුෂ්කා සංජීවනී 17, වෛෂ්නව් මහේෂ් 15/3, මහිකා ගෝර් 21/3, සමයිරා ධර්ණිධර්කා 18/2)

එක්සත් අරාබි එමීර් පිල පන්දුවාර 11 කදී කඩුලු 7 ට ලකුණු 54 යි – (තීර්තා සතීෂ් 19, ඉනෝකා රණවීර 07/2, කවීෂා දිල්හාරි 07/2)

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

LKR Sri Lankan rupee