slc
logo
Home   |    News
දෙසැම්බර් 10, 2022
අපරාජිතයෝ තීරණය කෙරෙන තරගයේ වනිඳුලා පන්දු යවයි

sinhala editor

Chamila Karawita reporting from Pallekele

හම්බන්තොට පැවැති තරග වලින් අනතුරුව ලංකා ප්‍රිමියර් ලීග් ක්‍රිකට් තරගාවලිය යටතේ පල්ලෙකැලේ ජාත්‍යන්තර ක්‍රීඩාංගණයේ තරග ආරම්භ කරමින් අද (10 දා) පැවැත්වෙන අපරාජිතයින්ගේ සටහන හෙවත් කැන්ඩි ෆැල්කන්ස් සහ ජැෆ්නා කිංග්ස් අතර තරගයේ කාසියේ වාසිය දිනූ කැන්ඩි ෆැල්කන්ස් නායක වනිඳු හසරංග පළමුව පන්දු යැවීමට තීරණය කළේය.

කාසියේ වාසිය දිනා ගැනීමෙන් පසු රූපවාහිනිය හමුවේ අදහස් දක්වා සිටි ෆැල්කන්ස් නායකයා, වැසි සහිත කාල ගුණික තත්ත්වයක් යටතේ ලකුණු හඹා යෑමේදී තම කණ්ඩායමට පහසුවක් ගෙන දෙන බැවින් පන්දු යැවීමට තීරණ්‍ය කළ බවයි. මෙහිදී ප්‍රතිවාදී ජැෆ්නා කිංග්ස් නායක තිසර පෙරේරා පවා සදහන් කර සිටියේ කාසියේ වාසිය තමන්ට හිමිවූයේ නම් තමන්ද පළමුව පන්දු යැවීම තෝරා ගනු ලබන බවයි.

මෙම තරගයට පෙර කණ්ඩායම් දෙකම ඔවුන් තරග වැදි තරග 2 ම ජය ගනිමින් අපරාජිතව පසුවන අතර  අද තරගයේ ප්‍රතිඵලය අනුව අපරාජිතව ඉදිරියට යනු ලබන කණ්ඩායම කවුරුන්ද යන්න තීරණය වනු ඇත.

මෙම තරගය සඳහා කැන්ඩි ෆැල්කන්ස් කණ්ඩායම අවසන් වරට ක්‍රීඩා කරන ලද 11 දෙනාම සමඟ අත තරගයට අවතීර්ණ වද්දී ජැෆ්නා කිංග්ස් පිල එක් වෙනස්කමක් කරමින් අවතීර්ණව සිටියි. දඹුල්ල අවුරා සමග තරගයේදී ආබාධයක් හේතුවෙන් කණ්ඩායමෙන් ඉවතට ගිය කඩුලු රකින රාමනුල්ලා ගුර්බාස් අද තරගයේදී යළිත් කණ්ඩායමට එකතුව සිටියි. ගුර්බාස් පැමිණීම නිසා කළින් තරගයට ක්‍රීඩා කළ අශාන් රන්දිකට ස්ථානය අහිමිව තිබේ.

කැන්ඩි ෆැල්කන්ස් – 1. පැතුම් නිස්සංක, 2. ඇන්ඩ්‍රෙ ෆ්ලෙචර්, 3. කමිඳු මෙන්ඩිස්, 4. අෂේන් බණ්ඩාර, 5. ෆේබියන් ඇලන්, 6. කාලෝස් බ්‍රැත්වයිට්, 7. වනිදු හසරංග (නායක), 8. චාමිදු විජේසිංහ, 9. ඉසුරු උදාන, 10. සහූර් ඛාන්, 11. අෂේන් ඩැනියෙල්.

ජැෆ්නා කිංග්ස් – 1. සධීර සමිවික්‍රම, 2. අවිශ්ක ප්‍රනාන්දු, 3. රාමනුල්ලා ගුර්බාස්, 4. ධනංජය ද සිල්වා, 5. තිසර පෙරේරා (නායක), 6. ජේම්ස් ෆුලර්, 7. ෂොයෙබ් මලික්, 8. මහීෂ් තීක්ෂණ, 9. වියකාන්ත් වියස්කාන්ත්, 10. දුනිත් වෙල්ලාලගේ, 11. සමන් ඛාන්.

Active filters

Recent Posts

  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]
  • පළමු ශතකය නිශාන් මධුශ්කගෙන්
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ පළමු තරගයෙන් ලකුණු 137ක දැවැන්ත ජයක් වාර්තා කිරීමට බඳුරලිය ක්‍රීඩා සමාජය සමත් වෙයි. කුරුණෑගල යොවුන් ක්‍රිකට් […]
  • කාන්තා ක්‍රිකට් දියුණු වෙන්නේ ක්‍රීඩිකාවන්ගේ කැපවීම නිසයි – චමරි අතපත්තු
    කාන්තා ක්‍රිකට් ක්‍රීඩාව ක්‍රමයෙන් දියුණු තත්ත්වයකට ගෙන ඒමට හැකි වූයේ සියලු දෙනාගේ කැපවීම හේතුවෙන් බව ශ්‍රී ලංකා ක්‍රිකට් නායිකා චමරි අතපත්තු පැවැසූවාය. පසුගිය වසර එකහමාරක කාලය තුලදී ප්‍රබල […]

Pin It on Pinterest

LKR Sri Lankan rupee