කැන්ඩි  ෆැල්කන්ස් කණ්ඩායමේ  සාර්ථකත්වයේ  රහස  වනුයේ   ජයග්‍රහණය  උදෙසා  සියලු   ක්‍රීඩකයන්  දැඩි   කැපවීමකින්  එක අරමුණකින් ක්‍රීඩා කිරීම  යැයි   කැන්ඩි  ෆැල්කන්ස්  – කළම්බු   ස්ටාර්ස්   තරගයේ  දක්ෂතම ක්‍රීඩකයා  ලෙස තේරුණු  ජයග්‍රාහී  ෆැල්කන්ස්  කණ්ඩායමේ   වේගපන්දු යවන ක්‍රීඩක  චාමික   කරුණාරත්න තරගයෙන්  පසුව  ප්‍රකාශ  කළේය .

සමබර  දක්ෂ කණ්ඩායමක් ලෙස  හැදින්විය  හැකි  කැන්ඩි   ෆැල්කන්ස් කණ්ඩායමේ ක්‍රීඩකයන් තුළ    සෑම   තරගයකින්ම  ජය  ගැනීම ට ආසාවක්  ඇතැයි කී  චාමික  කරුණාරත්න එම  අරමුණ කරායාමට තරගයක  ආරම්භයේ සිට  අවසානය   තෙක්    ඔවුන්   සටන්  කරන  බවද  කිය .

ප්‍රබල   කළම්බු  ස්ටාර්ස් කණ්ඩායම   ලකුණු 106 කට  සීමා කිරීමට ලකුණු  11කට කඩුලු හතරක් දවා තමා  දැක්වු  දක්ෂතා යම්    අයුරකින්   දායකවුවත්  සෙසු පන්දු  යවන්නන්වන ඔෂේන්  තෝමස් (20/3) ඉසුරු උදාන  (37/2) සහයත් පන්දු  රකින්නන්ගේ   දක්ෂ  පන්දු රැකීමත්   ජයග්‍රහණයට දායක වු බවද  චාමික  පැවසීය.

ආබාධ මත ටික   දිනකට  තමාට ක්‍රීඩාවෙන් ඉවත්වීමට සිදු වුවත් එම  ආබාධ නොතකමින්  වේදනාව  පසෙකලා  කැප විමෙන්    පුහුණුව  ලැබීමෙන්     නැවත ක්‍රීඩාවට   පිවීසීමට   තමාට    අවස්ථාව  උදාවූ  බව   පවසන චාමික  කරුනාරත්න   ඒ වෙනුවෙන්   තමා  තමාටම නීති  රීති පනවාගෙන    ඉලක්ක නම්   කර  ඒවා   ඉටු කරගත්  බවද කීවේය.

“මදක්  සුවය   ලබනවිට  මට   පෙනී  ගියා   සම්පුර්ණ සිරුරේ ශක්තිය   යොදා  බවුන්සර්    පන්දු  යැවීමෙන් සාර්ථක විය හැකි  බව.  ඊටත් පසුව   පන්දුව විවිධාකාරයෙන් වෙනස්  කර  යැවීමටත්  මා   උනන්දු වුවා ඒ සියල්ල  සාර්ථක වීම  තමාලත්  ජයග්‍රහණයක්”  යැයි  චාමික වැඩිදුරටත් පවසයි.

තමා  අනෙක්    ක්‍රීඩකයනට ලබා දෙන     උපදෙසවන්නේ ආබාධ පමණක් නොව  බාධාවන්ද  නොතකා   තම   ජයග්‍රහණය  සදහා  උනන්දුවීමෙන්   සාර්ථකත්වය කරායාමට    උනන්දු වන     ලෙස     යැයිද ඔහු  පැවසීය.