slc
Home   |    News
දෙසැම්බර් 17, 2022
කැන්ඩි ෆැල්කන්ස් පළමු අවසන් පූර්ව තරගයට ඉඩ වෙන්කර ගනියි  

sinhala editor

Chamila Karawita

චාමික කරුණාරත්න (11/4) සහ ඔෂේන් තෝමස් (20/3) එක්ව ලකුණ 31 ක් ඇතුළත කඩුලු 7 ක් දවා ගැනීමට සමත්වීම නිසා ලංකා ප්‍රිමියර් ලීග් ක්‍රිකට් තරගාවලියේ කොළඹ අදියරය ආරම්භ කරමින් අද (17 දා) රාත්‍රියේ පැවැති පන්දුවාර විස්සයි-20 තරගයෙන් කලම්බු ස්ටාර්ස්ට එරෙහිව කඩුලු 9 ක ජයක් වාර්තා කිරීමට කැන්ඩි ෆැල්කන්ස් කණ්ඩායම සමත්විය. මෙය මෙවර තරග වාරයේදී කැන්ඩි පිල ලද 6 වැනි තරග ජය වූ මෙම තරග ජයත් සමග අවසන් කණ්ඩායම් අතර තරග වටයේ පළමු අවසන් පූර්ව අවස්ථාව සදහා ඉඩ කඩ වෙන්කර ගැනීමටද කැන්ඩි ක්‍රීඩකයෝ සමත්වූහ.

ලකුණු 107 පහසු ඉලක්කයක් හඹා ගිය කැන්ඩි පිතිකරුවෝ එක් කඩුල්ලක් පමණක් ප්‍රතිවාදීන් හමුවේ ලබා දෙමන් ඉලක්කය සපුරා ගත්තේ තවත් පන්දු 24 ක් ඉතිරිව තබමිනි. අංක 3 පිතිකරු කමිඳු මෙන්ඩිස් පන්දු 48 කදී ලකුණු 51 ක්ද ඇන්ඩ්‍රෙ ෆ්ලෙචර් පන්දු 41 කදී ලකුණු 44 ක්ද ලබා කඩුල්ලේ රැදී සිටියහ.

සත්කාරකයින් වුණු කොළඹ කණ්ඩායමට කිසිදු ඉඩ හසරක් ලබා නොදුන් ෆැල්කන්ස් පන්දු යවන්නෝ ස්ටාර්ස් පිතිකරුවන්ව ග්‍රහණයට නතු කර ගත්තේ පළමු පන්දුවාරයේ සිටය. දෙවැනි පන්දුවේදීම ඉසුරු උදාන විසින් නිරෝෂන් දික්වැල්ලව පන්දුව කෙළින්ම කඩුල්ලේ වද්දවමින් දවා ගත්තේ දික්වැල්ල එවැනි ආකාරයට දැවී ගිය සිව්වැනි අවස්ථාවට හසු කර ගනිමිනි.

කඩුලු අතර සම්බන්ධතා ගොඩ නඟා ගැනීමට කලම්බු පිතිකරුවෝ අසමත්වද්දී නායක ඇන්ජලෝ මැතිව්ස් පමණක් පැත්ත ආරක්ෂා කර ගනිමින් ලකුණු 41 ක් ලබා ගත්තේය. හයේ පහරක් සහ හ තරේ පහර 4 ක් සමගින් පන්දු 39 කදී ලකුණු 41 ක් මැතිව්ස්ගේ පිත්තෙන් වාර්තා වද්දී සෙසු පිතිකරුවන් ලකුනු 20 අඩුවෙන් තබා ගැනීමට කැන්ඩි පන්දු යවන්නෝ සමත් වූහ.

කලම්බු වැඩිම හානිය සිදුවූයේ ඔෂේන් තෝමස් විසින් යවන ලද 7 වැනි පන්දුවාරයේදීය. පළමු පන්දුවේදීම රවී බොපාරාව දවා ගන්නා තෝමස් ඊළඟ පන්දුවේදී බෙනී හොවෙල් දවා ගනිමින් කඩුලු ත්‍රිත්වයක් ආසන්නයට පැමිණෙන්නේය. කඩුලු ත්‍රිත්වයෙන් බේරීමට ජැනට් සමත් වුවත්, හවැනි පන්දුවෙන් ඔහු දැවී ඇන්ඩ්‍රෙ ෆ්ලෙචර් උඩ පන්දුවක් දවා ගනිමිනි. පන්දුවාර 4 ම යැවූ තෝමස් ලකුනු 20 කට කඩුලු 3 ක් දවා ගනිද්දී කැපී පෙනෙනම පන්දු යවන්නා වුනු චාමික කරුනාරත්න පන්දුවාර 3.1 කදී ලකුණු 11 කට කඩුලු 4 ක් දවා ගත්තේය. ‌මෙම දක්ෂතාව නිසා තරගයේ වීරයා සම්මානයද චාමිකට හිමිවිය.

Recent Posts

  • අවසන් සටනේ මුල් දිනයේ රාගම කඩුලු 8කට ලකුණු 258යි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ වයස අවුරුදු 23 න් පහළ ප්‍රධානතම ලීග් ක්‍රිකට් තරගාවලියේ අවසන් මහා තරගයේ මුලින් පන්දුවට පහරදෙන රාගම ක්‍රිකට් සමාජය පළමු දිනයේ […]
  • දිමුත් සහ චන්දිමාල් ‘විස්ඩන්’ ලෝක කණ්ඩායමට
    ක්‍රිකට් ක්‍රීඩාවේ බයිබලය ලෙසින් සැලකෙන ප්‍රකට විස්ඩන් (Wisden) සඟරාව විසින් තෝරනු ලබන ටෙස්ට් ලෝක ශූරතා තරගාවලිය සඳහා ක්‍රීඩා කරන ලද ලොව හොඳම ක්‍රීඩකයින් 11 දෙනා අතරට ශ්‍රී ලංකාවේ […]
  • පළමු තරගයෙන්ම ශ්‍රී ලංකා යොවුන් පිලට පහසු ජයක්
    අබුඩාබි නුවර ආරම්භ වුණු වයස අවුරුදු 19 න් පහළ යොවුන් ක්‍රිකට් තරගාවලියේ සමාරම්භක තරගයේදීම බංග්ලාදේශ යොවුන් පිලට එරෙහිව කඩුලු 5 ක විශිෂ්ඨ ජයක් වාර්තා කරමින් තරගාවලියට සාර්ථක ප්‍රවේශයක් […]
  • ළහිරුගේ නායකත්වයේ ඉනිම කැන්ඩිට පළමු ජය ගෙනෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී නායකත්වයේ ඉනිමක් ක්‍රීඩා කළ කැන්ඩි පිලේ ළහිරු උදාර වාර්තා කළ ලකුණු 109 සමග කැන්ඩි පිල ලකුණු 8ක […]
  • ජැෆ්නා – කළම්බු තරගයට වැස්සෙන් බාධා
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේ ජැෆ්නා හා කළම්බු අතර තරගයේ මුලින් පන්දුවට පහරදුන් කළම්බු පිල ඕවර් 46.3ක් තුලදී කඩුලු 9ක් දැවී ලකුණු […]
LKR Sri Lankan rupee

Pin It on Pinterest