slc
Home   |    News
ජනවාරි 27, 2023
එංගලන්ත ලයන්ස් පරදා ශ්‍රී ලංකා ක්‍රිකට් XI පිල කඩුලු 4 ක ජයක් ලබයි

sinhala editor

සිව්වැනි ඉනිමේදී හඹා යෑම අසීරු බව සම්මතය වුවත් කොළඹ එංගලන්ත ලයන්ස් කණ්ඩායමට එරෙහිව ආර්. ප්‍රේමදාස ක්‍රීඩාංගණයේදී අද (27 දා) නිමාවට පත් තෙදින පුහුණු තරගයේදී ලකුණු 309 ක ඉලක්කයක් කඩුලු 6 ක් පමණක් දැවී රැස් කර ගනිමින් එය යථාර්ථයක් බවට පත් කිරීමට ශ්‍රී ලංකා ක්‍රිකට් XI ක්‍රීඩකයෝ සමත්වූහ. පන්දුවාර 50.4 ක් ඒ සදහා වැය කළ ශ්‍රී ලංකා ක්‍රිකට් XI කණ්ඩායම කඩුලු 4 ක ජයක් වාර්තා කරන ලද්දේ ප්‍රාහාරාත්මකව ක්‍රිකට් ශෛල්‍ය  සැම විටම සාර්ථක නොවන බවට එංගලන්ත ලයන්ස් කණ්ඩායමට පසක් කර දෙමිනි.

මෙම ජයග්‍රහණයේ සුවිශේෂීතාව වූයේ පළමු ඉනිමේදී එංගලන්ත ලයන්ස් පිල ශ්‍රී ලංකා ක්‍රිකට් XI කණ්ඩායම හමුවේ ලකුණු 58 කින් ඉදිරියෙන් සිට පරාජයට පත්වීමය. මෙම හඹා යෑමේ පූර්ණ ගෞරවය විශිෂ්ඨ ආරම්භයක් ලබා දුන් ලසිත් කෲස්පුල්ලේට හිමිවන්නේ නිතරගයෙනි. පන්දු 84 කට මුහුණ දුන් දකුණත් ආරම්භක පිතිකරුවා පළමු ලකුනු 50 සදහා පන්දු 46 කට මුහුණ දුන්නද, ශතකය කරා යෑමේදී ඒ සදහා වැය කරන ලද්දේ පන්දු 27 ක් පමණි.

ටොම් හාර්ට්ලිගේ පන්දුවකට සීමා ඉරෙන් ඉදිරියට පැමිණ පහර එල්ල කිරීමට යෑමේදී පන්දුව කෙළින්ම කඩුල්ලේ වැදී ලසිත් දැවී යන විට පන්දු 84 කදී ලකුණු 116 ක් ලබා සිටියේය. ඉන් ලකුණු 90 ක්ම හයේ පහර (5) සහ හතරේ පහර (15) වලින් සමන්විත විය.

කෲස්පුල්ලේට එක්වූ නායක සහන් ආරච්චිගේ තෙවැනි කඩුල්ල වෙනුවෙන් ලකුණු 96 ක් එක් කරමින් දීර්ඝ හඹා යෑමකට අවශ්‍ය අඩිතාලම එක් කළහ. මෙම සම්බන්ධතාව ලයන්ස් පන්දු යවන්නන්ට කෙතරම් හිසරදයක් වී තිබුණේද යන්න හොඳින්ම පෙන්නුම් වූයේ සහන් ආරච්චිගේගේ දැවී යෑමේදී එම කඩුල්ල දවා ගත් ජැක් කාර්සන් එය සමරන ලද ආකාරය දෙස අවධානය යොමු කිරීමේදීද. ඉදිරි පාදයේ ලසිත් එල්ල කරන ලද පන්දුව පෙරළා උඩ පන්දුවක් ලෙසින් කාසන් රැක ගැනීමෙන් පසු කාසල් සමරන ලද්දේ කෑගමින් පමණක් නොව ගුවනට පන්දුව මුසු කරමිනි.

ඔවුන් දෙපළ ලබා දුන් ආරම්භයෙන් පසු තරගය ඉදිරියට රැගෙන ගිය ජනිත් ලියනගේ සහ පසිදු සූරිය බණ්ඩාර හය වැනි කඩුල්ලට පන්දු 53 කදී ලකුණු 73 ක් එක් කරමින් ශ්‍රී ලංකා ක්‍රිකට් XI පිල ජයග්‍රහණය කරා රැගෙන ගියහ. ශ්‍රී ලංකා ක්‍රිකට් XI පරාජය නතර කිරීමට ප්‍රතිවාදී පන්දු යවන්න්න උපරිම උත්සාහය යෙදුවද ලියනගේගේ (@) දැවී යෑමෙන් පසු පිටියට පිවිසි දුෂාන් හේමන්ත පන්දු 14 කදී ලකුණු 23 ක් ලබා ජයග්‍රහණය ඉක්මන් කළේය. තරගය නිමා වන විට සිය අන්තය ආරක්ෂා කර ගත් පසිදු පන්දු @ කදී ලකුණු 52 ක් ලබා සිටියේය.

එංගලන්ත ලයන්ස් කණ්ඩායම සහ ශ්‍රී ලංකා ‘ඒ’ කණ්ඩායම අතර තරග 2 කින් සමන්විත සිව්දින ක්‍රිකට් තරගාවලිය ලබන 31 වැනිදා ගාල්ල අන්තර්ජාතික ක්‍රිකට් ක්‍රීඩාංගණයේදී ආරම්භ වේ.

Active filters

Recent Posts

  • දුශාන් සහ මතීෂට එක්දින වරම්!
    By Chamila Karawita ශ්‍රී ලංකාව සහ ඇෆ්ගනිස්තානය අතර හෙට (02 දා) ආරම්භ වන එක්දින තරගාවලිය එක්දින ලෝක ශූරතාවට අයත් නොවන්නකි. එහෙත් මෙම තරගාවලියේදී ඇෆ්ගනිස්තානට කෙසේ වෙතත්ට ශ්‍රී ලංකාවට […]
  • ඒස් කැපිටල්-කෝල්ට්ස්-බ්ලූම්ෆීල්ඩ්-ටැමිල් යුනියන් ජය වාර්තා කරති 
    ශ්‍රී ලංකා ක්‍රිකට් ආයතනය මෙහෙයවන අන්තර් සමාජ මේජර් විස්සයි 20 ක්‍රිකට් තරගාවලියේ අද (ජුනි 01) පැවැති ඒස් කැපිටල් – බදුරලිය තරගයේදී ඒස් කැපිටල් නායක රොෂාන් ජයතිස්ස තුන් ඉරියව්වේදීම […]
  • සිංහ – ඇෆ්ගන් සටනේ ‘ටිකට්’ ස්ථාන 3 කින්
    ඇෆ්ගනිස්තානු ක්‍රිකට් කණ්ඩායමේ ශ්‍රී ලංකා තරග සංචාරය යටතේ පැවැත්වෙන තරග 3 කින් සමන්විත එක්දින ක්‍රිකට් තරගාවලියේ ප්‍රවේශ පත්‍ර ශ්‍රී ලංකා ක්‍රිකට් ආයතනය නිල වෙබ් අඩෙවියට (www.srilankacricket.lk) පිවිසි මිලදී […]
  • ඇෆ්ගන් – ශ්‍රී ලංකා සටනේ නිලධාරීන් නම් කරයි
    හෙට (02 දා) හම්බන්තොට මහින්ද රාජපක්ෂ ක්‍රීඩාංගණයේදී ආරම්භ වන ශ්‍රී ලංකාව සහ ඇෆ්ගනිස්තානය අතර එක්දින තරගාවලියේ තරග තීරකවරයා ලෙසින් ප්‍රවීන තරග තීරක රංජන් මඩුගල්ලේ මහතා කටයුතු කරනු ඇත. […]
  • යුද හමුදාවේ අසේල ගුණරත්න නැවත ලකුණු අතරට
     ශ්‍රී ලංකා ක්‍රිකට් ආයතනය මෙහෙයවන මේජර් අන්තර් සමාජ විස්සයි 20 ක්‍රිකට් තරගාවලියේ අද (31) පැවැති යුද හමුදාව සහ පොලීසිය අතර තරගයේදී යුද හමුදාව නියෝජනය කරන හිටපු ශ්‍රී ලංකා […]
USD United States (US) dollar

Pin It on Pinterest