slc
logo
Home   |    News
ජනවාරි 3, 2023
කාසියේ වාසිය දිනූ ශ්‍රී ලංකාව පන්දු යවයි

sinhala editor

තරග 3 කින් සමන්විත පන්දුවාර විස්සයි-20 ක්‍රිකට් තරගාවලියේ සමාරම්භක තරග‌ය බවට පත්ව තිබෙන මුම්බායිහි වැන්කඩේ ක්‍රිඩාංගණයේ පැවැත්වෙන තරගයේදී කාසියේ වාසිය තමන් සතු කර ගැනීමට ශ්‍රී ලංකා නායක දසුන් ශානක සමත්වූවේය. වැන්කඩේ තණතීරුවේ ඇතිවන පිණි සහිත තත්ත්වය නිසා පළමුව පන්දු යැවීම වඩාත් යෝග්‍ය බවට පත්ව තිබෙන හෙයින් ශ්‍රී ලංකා නායකයාගේ තීරණය වී ඇත්තේ පළමුව පන්දු යැවීමය.

ශ්‍රී ලංකා කණ්ඩායම අද තරගයේදී ප්‍රධාන වේග පන්දු යවන්නන් දෙදෙනකු ලෙසින් කසුන් රාජිත සහ වමත් වේග පන්දු යවන ඩිල්ෂාන් මදුශංකව කැඳවමින් අවතීර්ණව සිටින අතර අතිරේකව චාමික කරුණාරත්නත්, දසුන් ශානකත් වේග පන්දුවට පණ පෙවීිමට සූදානම් ස්වරූපයෙන් සිටිති. ඩිල්ෂාන් මදුශංක ඉකුත්දා පැවැති ආසියානු කුසලාන තරගාවලියෙන් පසු ආබාධයකට මුහුණ දුන් බැවින් ඔහුට විස්සයි-20 ලෝක කුසලාන තරගාවලියට ක්‍රීඩා කිරීමේ අවස්ථාව අහිමිවිය.

සුපුරුදු පරිදි දඟ පන්දු යැවීමේ වැඩි බරක් වනිඳු හසරංග වෙත පැටවී තිබෙද්දීී, එය දෙගුණ තෙගුණ වී ඇත්තේ ඔහු මෙම තරගාවලියේදී පළමු වතාවට උප නායකයා ලෙසද කටයුතු කිරීම නිසාය. ඔහුගේ සහායට මහීෂ් තීක්ෂණ සිටින අතර ඊට අමතරව ධනංජය ද සිල්වා මෙන්ම චරිත් අසලංකද ද අවශ්‍ය වුවහොත් දඟ පන්දුවෙන් සහාය දීම සඳහා අමතරව කණ්ඩායමේ පසුවෙති.

නවක ක්‍රීඩකයින් රැසකගෙන් සමන්විත ඉන්දීය කණ්ඩායම අද තරගයේදී ක්‍රීඩකයින් දෙදෙනකුට මංගල විස්සයි-20 තරග වරම් ලබාදීම කැපි පෙනෙයි. මෙහිදී ශිවම් මාවී සහ ශුභමන් ගිල්ව අවසන් 11 දෙනා අතරට කැඳවීමට පියවර ගත් බව කාසියේ වාසියේදී ඉන්දීය නායක හර්දික් පාණ්ඩ්‍යා සඳහන් කර සිටියේය.

පළමු වතාවට ඉන්දීය කණ්ඩායමේ නායකත්වයට පත් පාණ්ඩ්‍යායද කාසියේ වාසිය ජයග්‍රහණය කළේ නම් පන්දුව යැවීමට කැමැත්තෙන් පසුවූ බව සඳහන් කර සිටියේය. මෙහිදි ඔවුන් සතු වමත් වේග පන්දු යවන්නා වුනු අර්ශ්දීප් සිං අද තරගයට නම් නොකර තිබෙන අතර ඒ වෙනුවට ශිවාම් මාවිව කැදවා තිබේ.

ශ්‍රී ලංකාව – පැතුම් නිස්සංක, කුසල් මෙන්ඩිස්, ධනංජය ද සිල්වා, චරිත් අසලංක, භානුක රාජපක්ෂ, දසුන් ශානක (නායක), වනිදු හසරංග, චාමික කරුණාරත්න, මහීෂ් තීක්ෂණ, ඩිල්ෂාන් මදුශංක, කසුන් රජිත.

ඉන්දියාව – ඉෂාන් කිෂාන්, ශුබ්මන් ගිල්, සූර්යකුමාර් යාදව්, සංජු සැම්සන්, හර්දික් පාණ්ඩ්‍යා (නායක), දීපක් හූඩා, අක්සාර් පටෙල්, හර්ෂල් පටෙල්, ශිවම් මාවි, උමරන් මලික්, යුස්වේන්ද්‍ර චෙහල්.

Active filters

Recent Posts

  • ශ්‍රී ලංකා පිල ලකුණු 54ක් ඉදිරියෙන්
    ‍සංචාරක ඔස්ට්‍රේලියානු ක්‍රිකට් පිල හා ශ්‍රී ලංකාව අතර වෝන් – මුරලි ටෙස්ට් තරගාවලියේ දෙවැනි තරගයේ තෙවැනි දිනය නිමාවෙද්දී ශ්‍රී ලංකා පිල කඩුලු 2ක් අතැතිව ලකුණු 54ක් ඉදිරියෙන් සිටී. […]
  • බදුරලිය – කුරුණෑගල යූත් ප්‍රබල තත්ත්වයක
    ශ්‍රී ලංකා ක්‍රිකට් මෙහෙයවීමෙන් පැවැත්වෙන මේජර් ලීග් තුන්දින අන්තර් සමාජ ක්‍රිකට් තරගාවලියේ සී.සී.සී. – කුරුණෑගල තරුණ අතර තරගයේ දී සී.සී.සී. කණ්ඩායම පළමු ඉනිමේ දී ලකුණු 262කට දවාලු කුරුණෑගල […]
  • ඔස්ට්‍රේලියාව ලකුණු 73කින් ඉදිරියට
    සංචාරක ඔස්ට්‍රේලියානු ක්‍රිකට් පිල හා ශ්‍රී ලංකාව අතර වෝන් – මුරලි ටෙස්ට් තරගාවලියේ දෙවැනි තරගයේ දෙවැනි දිනය නිමාවෙද්දී පළමු ඉනිම වෙනුවෙන් ශ්‍රී ලංකා පිල ලබාගත් ලකුණු 257ට පිළිතුරු […]
  • ශ්‍රී ලංකාව පළමු දිනය නිමාවෙද්දී කඩුලු 9කට 229යි
    සාචාරක ඔස්ට්‍රේලියානු ක්‍රිකට් පිල හා ශ්‍රී ලංකාව අතර වෝන් – මුරලි ටෙස්ට් තරගාවලියේ දෙවැනි තරගයේ පළමු දිනය නිමාවෙද්දී ශ්‍රී ලංකා පිල කඩුලු 9කට ලකුණු 229ක් ලබා සිටියේය. ගාල්ල […]
  • දිමුත්ට ගාලු පිටියේදී ගෞරවනීය උපහාර පිදීමක්
    පුරා වසර 13ක් ජාත්‍යන්තර ටෙස්ට් ක්‍රිකට් බිමේ ශ්‍රී ලංකාව වෙනුවෙන් සුවිශාල මෙහෙවරක යෙදුණු ආරම්භක පිතිකරු දිමුත් කරුණාරත්නගේ 100 වැනි ටෙස්ට් තරගය සේම ටෙස්ට් පිටියේ ඔහු ක්‍රීඩා කරනු දක්නට […]

Pin It on Pinterest

LKR Sri Lankan rupee