slc
logo
Home   |    News
ජනවාරි 3, 2023
ලෝක කුසලාන තරගාවලියට මෙය හොඳ පෙරහුරුවක් – දසුන් ශානක

sinhala editor

මේ වසරේ ඔක්තෝම්බර් මාසයේදී ඉන්දියාවේදී පැවැත්වීමට නියමිත එක්දින ලෝක කුසලානයට පෙර ඉන්දියාව සමඟ එක්දින හා විස්සයි 20 තරගාවලියක් ක්‍රීඩා කිරීමට හැකිවීම ක්‍රීඩකයන්ට ලැබී ඇති හොද අවස්ථාවක් බව ශ්‍රී ලංකා ක්‍රිකට් නායක දසුන් ශානක පවසයි.

ශ්‍රී ලංකාව හා ඉන්දියාව අතර විස්සයි 20 තරගාවලිය ආරම්භ කිරීමට මුම්බායි වැන්කඩේ ක්‍රීඩාංගණයේ පැවැති මාධ්‍ය හමුවකදී ශ්‍රී ලංකා ක්‍රිකට් නායකයා එසේ පැවැසීය. තරග තුනකින් සමන්විත විස්සයි 20 තරගාවලියේ පළමු විස්සයි20 තරගය අද රාත්‍රී 7ට ආරම්භ කිරීමට නියමිතය.

“එක්දින ලෝක කුසලානය ඉන්දියාවේ පැවැත්වීමට පෙර සත්කාරක ඉන්දියාව හමුවීමට ලැබීම ඉතාම වැදගත්. එය ලෝක කුසලානයට පෙර හොඳ සූදානමක් වනු ඇති බව මතක තබා ගනිමින් මෙම තරඟාවලියට අප පිවිසෙන්නේ. අපේ බොහෝ තරුණ ක්‍රීඩකයින් ඉන්දියාවේ ක්‍රීඩා කර නැති නිසා මෙවර ලෝක කුසලානය සිහියේ තබා ගනිමින් විස්සයි 20 හා එක්දින තරගාවලියට පිවිසීම වැදගත්.  මෙහි පවතින තත්ත්වයන් සහ පිතිකරණයට වඩාත් උචිත තණතීරු ක්‍රීඩකයන්ට ඉතා වැදගත්. මොකද මෙහි තණතීරු අපට ඉතාම සමීපයි“ යැයි දසුන් ශානක පැවැසීය.

නිත්‍ය නායක රෝහිත් ෂර්මා නොමැතිව ඉන්දීය කණ්ඩායම විස්සයි 20 තරඟාවලියට පිවිසීම ගැන දසුන් ශානක කතා කළ අතර, ප්‍රධාන ක්‍රීඩකයින් නොමැති වුවද සත්කාරකයින්ට එරෙහිව ක්‍රීඩා කිරීම සැමවිටම අභියෝගාත්මක බව සදහන් කළේය.

“නිමාවූ ලෝක කුසලානයේ දී අපට හොඳින් දස්කම් දැක්වීමට ඉඩක් ලැබුණේ නෑ. ඒ නිසා නව වසරේ ආරම්භක තරඟාවලියේ හොඳින් දස්කම් දැක්වීමට සියලු ක්‍රීඩකයන් පියවර ගත යුතුයි. ඉන්දීය කණ්ඩායම සැමවිටම හොඳ කණ්ඩායමක්. ඔවුන්ට එරෙහිව ජයග්‍රහණය කිරීමට නම් ප්‍රතිවාදී කණ්ඩායම සෑම අංශයකින්ම හොඳ ක්‍රිකට් ක්‍රීඩා කළ යුතුය. ඔවුන්ට එරෙහිව ඉන්දියාවේදී ජය ගැනීම අභියෝගයක්. නමුත් අපට ඉතා විශිෂ්ට කණ්ඩායමක් සිටින නිසා හොඳ ක්‍රීඩාවක් බලාපොරොත්තු විය හැකියි ”ශ්‍රී ලංකා ක්‍රිකට් නායකයා පැවසීය.

ආසියාවේ සහ ලෝක කුසලානය පැවැති ඔස්ට්‍රේලියාවේ ක්‍රිකට් තත්ත්වයන්ගේ වෙනස ගැන දසුන් ශානක මෙහිදී කරුණු දැක්විය. ” ආසියාවේ හා ඔස්ට්‍රේලියාවේ තණතිලි බොහෝ වෙනස්. බොහෝ සුපිරි ක්‍රිකට් ක්‍රීඩකයින් ලෝක කුසලානයේ දී දස්කම් දැක්වූයේ නෑ. ආසියාවේ තත්ත්වයන්ට හුරුපුරුදු අය ඔස්ට්‍රේලියාවේදී තරමක් අසාර්ථක වෙනවා. ආසියාවේ තණතිලිවලදී ක්‍රීඩාව ආරම්භ කරන්නේ කෙසේද සහ පාලනය කරන්නේ කෙසේද යන්න සාමාන්‍ය දෙයක්. අපට පළමු විස්සයි 20 තරගය ඉතා වැදගත්. ඉන්දීය පිළේ පෙළගැස්ම වෙනස් කර ඇති බව පැහැදිලියි. පළමු තරගයේදී අපි හොඳින් දස්කම් දැක්වීම ඉදිරි තරගවලදී සෑම අතින්ම බලපානවා“ ශ්‍රී ලංකා ක්‍රිකට් නායකයා සදහන් කළේය.

ඉන්දියාව සහ ශ්‍රී ලංකාව අතර තරග තුනකින් සමන්විත විස්සයි 20 තරගාවලියේ පළමු තරගය අද වන්කඩේ ක්‍රීඩාංගණයේදී, දෙවැන්න 5වැනිදා රාජ්කොට් හිදී හා අවසන් විස්සයි 20 තරගය 7වැනිදා රාජ්කොට් හිදී පැවැත්වීමට නියමිතය.

රෝහිත් ෂර්මාගේ නායකත්වය යටතේ ඉන්දීය එක්දින පිල ජනවාරි 10 වැනිදා ගුවහාති හීදී ශ්‍රී ලංකාවට එරෙහි එක්දින තරගාවලියට පිවිසේ.

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

USD United States (US) dollar