slc
logo
Home   |    News
ජනවාරි 16, 2023
විශ්මි සහ දෙව්මිගේ උත්සාහය අපතේ යයි

sinhala editor

දකුණු අප්‍රිකාවේ පැවැත්වෙන වයස අවුරුදු 19 න් පහළ බාළිකා ලෝක කුසලාන ක්‍රිකට් තරගාවලිය යටතේ ශ්‍රී ලංකාව සහ බංග්ලාදේශ බාලිකා කණ්ඩායම් අතර මූලික වටය යට‌තේ පැවැති තරගයෙන් ප්‍රබල තරගයක් දිමෙන් අනතුරුව ශ්‍රී ලංකාව පරදවා ලකුණු 10 ක ජයක් වාර්තා කිරීමට බංග්ලාදේශ කණ්ඩායම අද (16 දා) සමත්විය.

බෙනෝ‌නිහි පැවැති මෙම තරගයේදී පළමුව පන්දුවට පහර දුන් බංගලාදේශ කණ්ඩායම කඩුලු 2 ක් දැවී ලබා දුන් ලකුණ 166 ක ඉලක්කය හඹා ගිය ශ්‍රී ලංකා පිලට නියමිත පන්දුවාර 20 අවසනදී කඩුලු 4 ක් දැවී රැස් කර ගැනීමට හැකියාව ලැබුණේ ලකුණු 155 ක් පමණි.

එම ලකුණු හඹා යෑමේදී පළමු කඩුලු 2 ම ලකුණු 24 කදි බිඳ වැටුණද නායිකා විශ්මි ගුණරත්නට එක් වුණු දෙව්මි විහංගා තෙවැනි කඩුල්ල වෙනුවෙන් ලකුණු 96 ක සම්බන්ධතාවක් පවත්වමින් ශ්‍රී ලංකා කණ්ඩායම ජයග්‍රහණය ආසන්නය වෙත රැගෙන යෑමට දායකත්වය දැක්වූහ.

මෙහිදි විශ්මි සහ දෙව්මි දෙදෙනා අර්ධ ශතක වාර්තා කිරීමට සමත්වීම කැපීි පෙණිණ. ඒ අතරින් පළමුව දැවී ගියේ දෙව්මි වන අතර ඇය පන්දු 44 කදී වේගවත් ලකුණු 55 ක් රැස් කළේ හයේ පහර 2 ක් සහ තවත් හතරේ පහර 7 ක් සිය ඉනිමට ඇතුළත් කරමිනි. ශ්‍රී ලංකා බාළිකා ක්‍රිකට් ඉතිහාසයේ අර්ධ ශතකයක් වාර්තා කිරීිමට සමත් පළමු ක්‍රීඩිකාව ලෙසද දෙව්මි විහංගා අද ඉතිහාස ගත වූවාය.

ඉදිරි පෙළ කඩුලු ඉක්මනින් දැවී යෑම නිසා ශ්‍රී ලංකා ආරම්භය තරමක් මන්දගාමී විය. ඒ හේතුවෙන් පළමු පන්දුවාර 10 අවසනදී ශ්‍රී ලංකා පිලට රැස් කරගත හැකි වූයේ ලකුණු 66 ක් පමනි. කෙසේ වෙතත් අවසන් පන්දු 60 දි හ්‍රී ලංකාවට ජයග්‍රහණය සඳහා ලකුණු 100 ක් ලබා ගත යුතු වූ නමුත් ශ්‍රී ලංකා පිතිකාරිණියන්ට රැස් කරගැනීමට හැකිවූයේ ලකුණු 90 ක් පමණි.

තරගය අහවර වන තෙක්ම නායිකා විශ්මි කඩුල්ල ආරක්ෂා කර ගැනීමට සමත් වුවත්, ජයග්‍රහණය සඳහා කැඳවාගෙන යෑමට එම ඉනිම ප්‍රමාණවත් නොවීය. පන්දු 54 කද ලකුණු 60 ක් ලෙසින් සටහන් වුණු එම ඉනිම සඳහා ඇය හයේ පහරක් සහ හතරේ පහර 8 ක් එල්ල කිරීමට සමත්වූවාය.

බංග්ලාදේශ ඉනිමේදී අංක 4 පිතිකාරිණිය ලෙසින් පිටියට පිවිසි ෂොනා අකටර් විසින් පන්දු 28 කදී රැස් කරන ලද ලකුණු 50 නිසා ලකුණු 165 ක් තරම් ඉහළ ලකුණු සංඛ්‍යාවක් ලබා ගැනීමට බග්ලාදේශ පිලට අවස්ථාව උදාවිය. ඇයට අමතරව ආරම්භක පිතිකාරිණී අෆියා ප්‍රොටෙෂා පන්දු 43 කදී ලකුණු 53 ක් ලබා ගත්තාය.

බංග්ලාදේශ ඉනිම ක්‍රියාත්මක වද්දී ශ්‍රී ලංකා පන්දු යවන්නියන් අතරින් රශ්මි නේත්‍රාංජලී පඹණක් එක් කඩුල්ලක් දවා ගැනීමට සමත්වූ අතර, පන්දු යවන්නියන් අතර කැපී පෙනෙන දෙව්මි විහංගා සහ විදුශිකා පෙරේරා සිය පන්දුවාර 4 ලකුණු 28 සහ 20 බැගින් සීමා කොට යැවීමට සමත්වූහ.

බංග්ලාදේශ පිල පන්දුවාර 20 කදී කඩුලු 2 ට ලකුණු 165 යි – (අෆියා පෙ1ාටේෂා, 53, මිස්ටි ශාහා 14, දිලාරා අක්‌ටර් 36*, ෂොර්නා අක්ටර් 50*)

ශ්‍රී ලංකා පිල පන්දුවාර 20 කදී කඩුලු 4 ක් දැවී ලකුනු 155 යි – (විශ්මි ගුණරත්න 60*, දෙව්මි විහංගා 55, දුලංගා දිසානායක 12*, මරුෆා අක්ටර් 19/2)

Active filters

Recent Posts

  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]
  • පළමු ශතකය නිශාන් මධුශ්කගෙන්
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ පළමු තරගයෙන් ලකුණු 137ක දැවැන්ත ජයක් වාර්තා කිරීමට බඳුරලිය ක්‍රීඩා සමාජය සමත් වෙයි. කුරුණෑගල යොවුන් ක්‍රිකට් […]

Pin It on Pinterest

LKR Sri Lankan rupee