slc
Home   |    News
පෙබරවාරි 19, 2023
කලම්බු හඬවා දඹුල්ල අවසන් සිව්දෙනාගේ සටනට

sinhala editor

නැෂනල් සුපර් ලීග් ක්‍රිකට් තරගාවලියේ මූලික වටයේ පස්වැනි සහ අවසන් සති අන්තය යටතේ හම්බන්තොට මහින්ද රාජපක්ෂ ක්‍රීඩාංගණයේ පැවැති දඹුල්ල සහ කලම්බු අතර තරග තීරණාත්මක තරගය පිතිකරුවන්ගේ දක්ෂතා කැපී පෙනෙමෙින් ජය පැරදුමෙන් තොරව අද (19 දා) නිමාවට පත්විය. කෙසේ වෙතත් පළමු ඉනිමේ ජයක් වාර්තා කළ දඹුල්ල කණ්ඩායම තරගාවලියේ අවසන් කණ්ඩායම් 4 අතර තරග වටයට සුදුසුකම් ලබා ගැනීමට සමත්වූවේය.

මෙම තරගයේ ජයග්‍රහණය මත තරගාවලියේ අවසන් කණ්ඩායම් 4 අතර තරග වටයට යන්නේ කවුරුන්ද යන්න තීරණය වීමට නියමිතව තිබූ අතර එහිදී පළමු ජයක් වාර්තා කළ දඹුල්ල කන්ඩායම අවසන් කන්ඩායම් 4 අතර තරග වටයට සුදුසුකම් ලැබීය.

ඒ අනුව ප්‍රසාද ලකුණු සටහනේ පෙරමුණේ පසුවන ගෝල්, දෙවැනි ස්ථානයේ පසුවන දඹුල්ල, තෙවැනි ස්ථානයේ පසුවන ජැෆ්නා සහ සිව්වැනි ස්ථානයේ පසුවන කැන්ඩි කණ්ඩායම් අවසන් කණ්ඩායම් 4 අතර තරග වටයට සුදුසුකම් ලබද්දී කලම්බු කණ්ඩායම පළමු වටයෙන්ම තරගාවලියෙන් ඉවතට විසිවනු ඇත.

මිනෝද් භානුක නොදැවී ලකුණු 186 ක් වාර්තා කිරීමට සමත්වීම නිසා දඹුල්ල දෙවැනි ඉනිම වෙනුවෙන් ලකුණු 401 ක දැවැන්ත ලකුණු පුවරුවක් නිර්මාණය කිරීමට අවස්තාව උදාවිය. දඹුල්ල දෙවැනි ඉනිම හමාර වන විටත් සිය අන්තය ආරක්ෂා කරගෙන සිටි මිනෝද් භානුක පන්දු 216 කට මුහුණ දී සිය ඉනිම හයේ පහර 3 කින් සහ හතරේ පහර 19 කින් වර්ණවත් කරගෙන සිටියේය.

පන්දු යැවීමේදී දුශාන් විමුක්ති ලකුණු 121 කට කඩුලු 5 ක් බිඳ හෙළද්දී තරිදු රත්නායක ලකුණු 111 කට කඩුලු තුනක් දවාලූවේය.

ඒ අනුව ලකුණු 485 ක ජයග්‍රාහී ඉලක්කයක් හඹා ගිය කලම්බු කණ්ඩායමට තරගය අවසන් වන විට කඩුලු 3 ක් දැවී රැස් කර ගැනීමට සමත්ව සිටියේ ලකුණු 110 ක් පමනි. තරගය නිමා කරන විට ප්‍රමෝද් මදුවන්ත පන්දු 81 කදී ලකුණු 53 ක් සහ රොෂේන් සිල්වා එක් ලකුණක් ලබා කඩුල්ලේ රැදී සිටියහ.

දඹුල්ල – පළමු ඉනිමට ලකුණු 341යි (ඕවර් 105) – නිමේෂ් ගුණසිංහ 19, ලියෝ ෆ්‍රැන්සිස්කෝ 26, සනෝජ් දර්ශික 43, මිනෝද් භානුක 73, අශාන් ප්‍රියංජන නොදැවී 114, චමිඳු විජේසිංහ 27, රනිත් ලියනාරච්චි නොදැවී 23 ( හිමේෂ් රාමනායක 76/4, නුවන් ප්‍රදීප් 67/2, දුෂාන් විමුක්ති 72/2, තරිදු රත්නායක 60/1)

කළම්බු පළමු ඉනිමට ලකුණු  257යි (ඕවර් 85.2)- ක්‍රිෂාන් සංජුල 57, නවින්දු නිර්මාල් 46, රොෂේන් සිල්වා නොදැවී 65, ලක්ෂිත මනසිංහ 20, ප්‍රමෝද් මධුවන්ත 24, තරිදු රත්නායක 23 ( ළහිරු සමරකෝන් 63/6, වනිදු හසරංග 70/2, දෙවිදු තිලකරත්න 37/1, අශාන් ප්‍රියංජන 23/1)

දඹුල්ල – දෙවැනි ඉනිමට සියලු දෙනා දැවී ලකුණු 401 යි (ඕවර් 101.5) – නිමේෂ් ගුණසිංහ 17, සනෝජ් දර්ශික 29, මිනෝද් භානුක නොදැවී 186, අශාන් ප්‍රියංජන 32, වනිදු හසරංග 40, චමිඳු විජේසිංහ 38, දුවිඳු තිලකරත්න 27, දුෂාන් විමුක්ති 121/5, තරිදු රත්නායක 22.5/3)

කලම්බු – දෙවැනි ඉනිම කඩුලු 3 ට ලකුණු 50 යි (ඕවර් 32) – (ප්‍රමෝද් මදුව්ත 53*, නවිදු නිර්මාල් 30, කුසල් ජනිත් 24)

 

Active filters

Recent Posts

  • ශ්‍රී ලංකාවෙන් ප්‍රසාද ලකුණක් ගිලිහෙයි
    නවසීලන්තයට එරෙහිව පැවැති පළමු එක්දින තරගයේදී නියමිත වේලාවට පන්දුවාර සංඛ්‍යාව යවා අවසන් කිරීමට අපොහොසත් වුණු ශ්‍රී ලංකා කණ්ඩායමට ලෝක කුසලාන සුපර් ලීග් ප්‍රසාද ලකුණු සටහනෙන් තවත් එක් ලකුණක් […]
  • මහේල නවසීලන්තයට නොයෑම ගැන ශ්‍රී ලංකා ක්‍රිකට් කරුණු පහදයි
    ශ්‍රී ලංකා ක්‍රිකට්හි ‘පුහුණු උපදේශකවරයා’ ලෙසින් කටයුතු කරන මහේල ජයවර්ධන ශ්‍රී ලංකා කණ්ඩායම සහභාගිවන සෑම සංචාරයකදීම ජාතික කණ්ඩායම සමඟ සංචාරයට සහභාගි නොවන බව ශ්‍රී ලංකා ක්‍රිකට් දැනුම් දී […]
  • යොවුන් පිලට අවසන් මහ තරග අවස්ථාව ගිළිහෙයි
    අබුඩාබි නුවර පැවැත්වෙන වයස අවුරුදු 19 න්  පහළ තුන්කොන් එක්දින ක්‍රිකට් තරගාවලියේ අවසන් මහ තරගයට සුදුසුකම් ලබා ගැනීම සඳහා ශ්‍රී ලංකා යොවුන් කණ්ඩායමට තිබූ අවසන් අවස්ථාව වූ ඇෆ්ගනිස්තානයට […]
  • දඹුල්ලේ අපරාජිත බව බිඳ වැටෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී දඹුල්ල පිලේ අපරාජිත බව බිද දැමූ ගෝල් ක්‍රීඩකයෝ කඩුලු 5ක ජයක් වාර්තා කළහ. දැනටමත් අවසන් මහා තරගයට […]
  • කැන්ඩි දෙවැනි වරටත් ජැෆ්නාට පරදී
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී දෙවැනි වරටත් කැන්ඩි පිල පරාජය කිරීමට ජැෆ්නා ක්‍රීඩකයෝ සමත් වූහ. කොළඹ සිංහල ක්‍රීඩා සමාජ ක්‍රීඩාංගණයේ   පැවති තරගයෙන් […]
LKR Sri Lankan rupee

Pin It on Pinterest