slc
Home   |    News
පෙබරවාරි 17, 2023
ගෝල් හා ජැෆ්නා තරගය විවෘත මුහුණුවරකට

sinhala editor

පළමු ඉනිමේදී ලකුණු 130කට දැවී ගිය ජැෆ්නා ක්‍රීඩකයෝ සිය දෙවැනි ඉනිමේදී කඩුලු 5ක් දැවී ලකුණු 219ක් ලබා සිටින හෙයින් සිව්දින ක්‍රිකට් තරගයේ දෙවැනි දිනය නිමා වෙද්දී ඔවුන් කඩුලු 5ක් අතැතිව ලකුණු 91ක් ඉදිරියෙන් සිටියි. එබැවින් තවත් දින 2ක් ඉතිරිව ඇති මෙම තරගය විවෘත මුහුණුවරකට පත්ව තිබේ.

ශ්‍රී ලංකා ක්‍රිකට් ආයතනය දෙවැනි වතාවටත් පවත්වනු ලබන නැෂනල් සුපර් ලීග් සිව්දින ක්‍රිකට් තරගාවලියේ ගෝල් හා ජැෆ්නා අතර ගාල්ල ජාත්‍යන්තර ක්‍රීඩාංගණයේ පැවැත්වෙන තරගයේදී ගෝල් පිල පළමු ඉනිමට ලකුණු 258ක් ලබා ගත්තේය.

ඊයේ (16) පළමු ඉනිමට ගෝල් ක්‍රීඩකයෝ 4ක් දැවී ලකුණු 193ක් ලබා සිටි අතර, අද දිනයේ කඩුලු 6ක් දැවී තවත් ලකුණු 65ක් එක්කර ගත්තේය. කැපී පෙණෙන පිතිකරු බවට පත් වූ ෂොහාන් ඩී ලිවේරා ලකුණු 143ක් ලබාගත් අතර, පැතුම් කුමාර ලකුණු 48ක් ලබා ගත්තේය. අනෙක් පිතිකරුවන් අඩු ලකුණු ගණනකට දැවී යෑමෙන් ගෝල් ලකුණු පුවරුව ඉහළට නොගියේය. ආරම්භක පිතිකරු ෂොහාන් ඩී ලිවේරා පන්දු 218කට මුහුණදුන් අතර, හතරේ පහර 16ක් එල්ල කරද්දී පැතුම් කුමාර පන්දු 116කට මුහුණදී හතරේ පහර 4ක් තම ඉනිමට එක් කළේය.

ජැෆ්නා ආරම්භක පිතිකරු රොන් චන්ද්‍රගුප්ත දෙවැනි ඉනිමේදී ලකුණු 86ක් ලබාගත් අතර, පන්දු 169කදී හතරේ පහර 8ක් එල්ල කිරීමට සමත් විය. රොන් හා අවිශ්ක තරිදු සිවුවැනි කඩුල්ලට ලකුණු 103ක සම්බන්ධතාවක් ගොඩනැගූ අතර, රොන් චන්ද්‍රගුප්ත දැවී යෑමෙන් පසු ඊළග පන්දුවේදී ශෂික දුල්ෂාන් ලකුණු නොළබාම පිටියෙන් ඉවත් කිරීමට අකිල ධනංජය සමත් වූවේය.

ජැෆ්නා පිල පසුගිය සතියේදී කැන්ඩි පිලට එරෙහි තරගය නිමාවීමට දිනක් ඉතිරිව තිබියදී කඩුලු 4කින් ජයග්‍රහණය වාර්තා කිරීමට සමත් විය.

ජැෆ්නා – පළමු ඉනිමට ලකුණු 130යි (ඕවර් 38) – නවෝද් පරණවිතාන 39, ජනිත් ලියනගේ 20, ළහිරු මධුසංක 11, බිනුර ප්‍රනාන්දු 37 (මොහොමඩ් සිරාෂ් 60/5, අකිල ධනංජය 24/2, කෞමාල් නානායක්කාර 13/2)

ගෝල් – පළමු ඉනිමට ලකුණු 258යි (ඕවර් 78) – ෂොහාන් ඩී ලිවේරා 143,  ලක්ෂාන් එදිරිසිංහ 16, පසිදු සුරියාරච්චි 16, පැතුම් කුමාර 48, ( බිනුර ප්‍රනාන්දු 52/2, ළහිරු මධුසංක  42/2, ෂශික දුල්ෂාන් 37/4, ඒෂාන් මාලිංග 27/1, නවෝද් පරණවිතාන 8/1)

ජැෆ්නා – දෙවැනි ඉනිමට කඩුලු 5ක් දැවී ලකුණු 219යි (ඕවර් 61) – රොන් චන්ද්‍රගුප්ත 86, දේශාන් ඩයස් 12, ජනිත් ලියනගේ 40, අවිශ්ක තරිදු නොදැවී 61 (අකිල ධනංජය  59/3)

 

 

Recent Posts

  • අවධානම අඩු කර ගැනීමේ පළමු සටනට ශ්‍රී ලංකා පිල සූදානම් – දසුන්
    BY CHAMILA KARAWITA ලෝක කුසලාන ක්‍රිකට් තරගාවලියට සුදුසුකම් ලබා ගැනීම වෙනුවෙන් පැවැත්වෙන සුපිරි ලීග් තරගාවලිය යටතේ ශ්‍රී ලංකා කණ්ඩායම සහභාගිවන අවසන් එක්දින තරගාවලිය නවසීලන්ත කණ්ඩායමට එරෙහිව හෙට (25 […]
  • දඹුල්ල සිව්වැනි ජයත් සමඟින් අපරාජිතව ඉදිරියට
    නැෂනල් සුපර් ලීග් එක්දින සීමිත පන්දුවාර ක්‍රිකට් තරගාවලියේ අද (23 දා) රංගිරි දඹුලු ජාත්‍යන්තර ක්‍රීඩාංගණයේ පැවැති තරගයේදී ජැෆ්නා කණ්ඩායම ලකුණු 76 ක පරාජයකට ඇද දැමූ දඹුල්ල කණ්ඩායම පිට […]
  • කෲස්පුල්ලේගෙන් අනුකම්පා විරහිත පිතිහරඹයක්
    ශ්‍රී ලංකා ක්‍රිකට් ආයතනය විසින් මෙහෙයවනු ලබන නැෂනල් සුපර් ලීග් සීමිත පන්දුවාර ක්‍රිකට් තරගාවලියේ මූලික තරග වටය යටතේ අද (23 දා) පල්ලකැලේ ජාත්‍යන්තර ක්‍රීඩාංගණයේ පැවැති තරගයේදී ලකුණු 167 […]
  • යාපනයේ ක්‍රිකට් ගැන විතූෂාන් කතා කරයි
    යාපනයේ සිට පැමිණි තරුණි තරුණ ක්‍රිකට් ක්‍රීඩකයන් පස්දෙනෙකුම මේ වන විට අන්තර් සමාජ නියෝජනය කරමින් ජාතික මට්ටමෙන් තරග කරන අතර ඔවුනගේ අපේක්ෂාව වන්නේ ජාතික කණ්ඩායමට ඇතුළත්ව මව්බිමට කීර්තියක් […]
  • ශ්‍රී ලංකා යොවුන් පිලට ලකුණු 62 ක පරාජයක්
    අබුඩාබිහි පැවැත්වෙන තුන්කොන් ක්‍රිකට් තරගාවලියේ ශ්‍රී ලංකා වයස අවුරුදු 19 න් පහළ කණ්ඩායම තරග වැදි දෙවැනි එක්දින තරගයේදී ඇෆ්ගනිස්තානු පිළ හමුවේ ලකුණු 62 ක පරාජයක් ලැබීය. මෙම ජයත් […]
LKR Sri Lankan rupee

Pin It on Pinterest