slc
logo
Home   |    News
පෙබරවාරි 7, 2023
ලසිත් කෲස්පුල්ලේගෙන් වේගවත් පිතිහරඹයක්

Sri Lanka Cricket

Chamila Karawita reporting from Galle

එංගලන්ත ලයන්ස් පිලට එරෙහිව ගාල්ල අන්තර්ජාතික ක්‍රිකට් ක්‍රීඩාංගණයේ අද (08 දා) ආරම්භ වුණු දෙවැනි සිව්දින ටෙස්ට් තරගයේදී පළමුව පන්දුවට පහර දෙමින් සිටින ශ්‍රී ලංකා කණ්ඩායම අයහපත් කාලගුණ තත්ත්වයෙන් තරගය අතරමග තාවකාලිකව නවතා දමන විට කඩුලු 3 ක් දැවී ලකුණු 150 ක් ලබා සිටියි.

තවත් සති 3 ක කාලයකින් ආරම්භ වන ශ්‍රී ලංකා කණ්ඩායමේ නවසීලන්ත තරග සංචාරය ඉලක්ක කර ගනිමින් පැවැත්වෙන ටෙස්ට් තරගාවලිය සදහා ජාතික කණ්ඩායම ශක්තිමත් කර ලීමේ අරමුණ ඇතිව මෙම තරගය යොදා ගැනීමට තේරීම් කමිටුවේ අවධානය යොමුවී ඇති බැවින් ඒ සදහා චාමික කරුනාරත්න, විශ්ව ප්‍රනාන්දු සහ ප්‍රවීන් ජයවික්‍රමව අද තරගය සඳහා කැඳවනු ලැබීය. ඊට අමතරව පළමු තරගයේදී ශතකයක් ලබා ගත් ඔෂධ ප්‍රනාන්දු වෙනුවට ලසිත් කෲස්පුල්ලේ අද තරගය සදහා ඇතුළත්ව සිටියි.

නිශාන් මදුශ්ක සමග ඉනිම ආරම්භ කළ ලසිත් කෲස්පුල්ලේ ඉනිමේ වැඩීම ලකුණු ලාභියා වෙමින් මේ වන විටත් කඩුල්ල ආරක්ෂා කර ගනිමින් පන්දුවට පහර දෙන්නේ මෙවර තරග වාරයේ දෙවැනි ශතකය වාර්තා කර ගැනීමේ අභිමුවට පැමිණෙමිනි. තරගය නිමා කරන විට පන්දු 86 කට මුහුණ දුන් ලසිත් ලකුණු 96 ක් රැස් කරගෙන සිටියි. දුර්වල පන්දු දුටු විගස දෙසිතක් නොමැතිව වේගයෙන් පන්දුවට පහර දුන් දකුණත් ආරම්භක පිතිකරුවා එල්ල කරන ලද මනම් පුල් පහර 3 කින් සිය ඉනිමට හයේ පහර 3 ක් ඇතුළත් කර ගත්තේය. ඊට අමතරව හතරේ පහර 12 කින්ද සිය ඉනිම ලසිත් වර්ණවත් කරගෙන තිබුණේ මදුෂ්ක මෙන් දිගු ගමනකට දොරගුලු විවර කර ගනිමිනි.

වර්ෂාව හේතුවෙන් තරගය නිමා කිරීමට පළමු හා දෙවැනි කඩුලු සදහා පිළිවෙළින් මදුශ්ක සමග ලකුණු 59 ක් සහ නුවනිඳු සමඟ ලකුණු 83 ක් රැස් කළ කෲස්පුල්ලේ දැන් පැමිණ සිටින්නේ මෙවර තරග වාරයේ දෙවැනි ශතකය අභිමුවටය. ලසිත් මීට පෙර එංගලන්ත ලයන්ස් පිල සමඟ කොළඹ ආර්. ප්‍රේමදාස ක්‍රීඩාංගණයේ පැවැති තුන්දින පුහුණු තරගයේ දෙවැනි ඉනිමේදී වේගවත් ශතකයක් ලබා ගනිමින් ශ්‍රී ලංකා ක්‍රිකට් XI කණ්ඩායමට කඩුලු 4 ක ජයක් කරා පාර කැපුවේය.
‘ඒ’ කණ්ඩායමේ දැවී ගිය පළමු පිතිකරුවා වූයේ නිශාන් මදුශ්ක වන අතර ඔහු ලකුණු 22 කදී ජොෂ් ටංග්ගේ පන්දුවක් හමුවේ ටොම් අබෙල් අතට උඩ පන්දුවක් දී දැවී ගියේය. අනතුරුව පිටියට පිවිසි නුවනිඳු ප්‍රනාන්දු සහ කමිඳු මෙන්ඩිස් දෙදෙනාටම වැඩි වේලා කඩුල්ලේ රැදී සිටීමට සෑම් කුක් සහ මැතිව් ෆිෂර් අවසර ලබා නොදුන්හ. තරගය නිමා කරන විට කෲස්පුල්ලේ සමඟ නායක නිපන් ධනංජය නොදැවී ලකුණු 06 ක් ලබා සිටියි.

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

USD United States (US) dollar