slc
logo
Home   |    News
මාර්තු 28, 2023
අපරාජිතව බව රැක ගැනීමේ අවසන් සටන

sinhala editor

නවසීලන්තයට එරෙහි තරග 3 කින් සමන්විත එක්දින තරගාවලියේ ශ්‍රී ලංකා පිලට සහභාගිවීමට නියමිත දෙවැනි එක්දින තරගය  හෙට (28 වැනිදා) ක්‍රයිස්චර්ච්හි හැග්ලි ඔවල් ක්‍රීඩාංගණයේදී පැවැත්වේ. පළමු තරගයේ ලද පරාජයත් සමඟ තරගාවලියට යළි අවතීර්ණවීමේ බලාපොරොත්තු ඇතිව තරග වදින ශ්‍රී ලංකා කණ්ඩායම හෙට තරගය ජයගතහොත් තරගාවලිය 1-1 ක් ලෙස සම තත්ත්වයට ගෙන ඒමට සමත්වන්නේය.

දිවා/රාත්‍රී තරගයක් ලෙසින් හෙට ශ්‍රී ලංකා වේලාවෙන් පෙ.ව. 6.30 ට ආරම්භ වන මෙම තරගයේ ශ්‍රී ලංකාවට ඇති ප්‍රධානම ගැටලුව වන්නේ හැග්ලි පිටියේදී ශ්‍රී ලංකා පිල මෙතෙක් සහභාගිව ඇති එක්දින තරග 4 ම පරාජයට පත්ව තිබීමය.

පන්දුවාර 50 ලෝක කුසලාන ක්‍රිකට් තරගාවලියට එක එල්ලේම සුදුසුකම් ලබා ගැනීම වෙනුවෙන් පැවැත්වෙන සුපිරි ලීග් තරගාවලිය යටතේ ශ්‍රී ලංකා කණ්ඩායම සහභාගිවන අවසන් එක්දින තරගාවලිය වන මෙම තරඟාවලියේ පළමු තරගයේ දී ලද පරාජය ශ්‍රී ලංකාව ප්‍රබල බාධකයකි.

එමෙන්ම ශ්‍රී ලංකාව අවසන් වරට සහභාගිවූ එක්දින තරග 2 දීම ලකුණු 80 කට අඩුවෙන් සීමාවීම නිසා තරගාවලියේ තවදුරටත් අපරාජිතව පසුවීමට නම් හෙට තරගයේදී පිතිකරුවන් ලකුණු අතරට පැමිණීම අනිවාර්යය වනු ඇත.

ලොව අංක 1 විස්සයි-20 පන්දු යවන්නා වන වනිඳු හසරංග පළමු තරගයේදී දැඩි ප්‍රහාරයකට ලක්වීම නිසා හෙට තරගයේදී ඔහුට ස්ථානයක් වෙන්වේද යන්න ගටලු සහගතය. එබැවින් දඟ පන්දු යවන්නාගේ වගකීම ධනංජය ද සිල්වා හට හිමිවීමේ බොහෝ ඉඩ කඩක් හෙට තරගයේදී විවර වන්නේය. එම තරගයේදී වනිඳු හසරංග විසින් ක්‍රියාත්මක කරන ලද පන්දුවාර 10 දී ලකුණු 67 ක් ප්‍රතිවාදීන් ලබා ගන්නා ලද්දේ එකම කඩුල්ලක් හෝ ඔහුගේ නම ඉදිරියෙන් ලබා නොදෙමිනි.

පළමු තරගය සඳහා ක්‍රීඩා කරන ලද නවසීලන්ත කණ්ඩායම හෙට දිනයේදී වෙනස්කම් දෙකක් සමඟින් අවතීර්ණවනු ඇත්තේ ග්ලෙන් පිලිප්ස් සහ ෆින් ඇලන් දෙදෙනාම අයි.පී.එල්. තරගාවලියට ක්‍රීඩා කිරීම සඳහා පිටත්ව යෑමට නියමිත බැවිනි. ඒ වෙනුවට හෙන්රි නිකොලස් සහ මාර්ක් චැප්මන් කණ්ඩායමට එකතුවීමට නියමිතව තිබෙන බව එරට මාධ්‍ය වාර්තා සඳහන් කර සිටියි.

 

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

LKR Sri Lankan rupee