slc
logo
Home   |    News
මාර්තු 17, 2023
මැතිව්ස් එක්දින පිලට

sinhala editor

නවසීලන්තයට එරෙහිව පැවැත්වීමට නියමිත තරග 3 බැගින් වන එක්දින හා විස්සයි-20 තරගාවලි සදහා වන ශ්‍රී ලංකා කණ්ඩායමට තුන් ඉරියව් ක්‍රීඩක ඇන්ජලෝ මැතිස්ව කැඳවීමට තේරීම් වලදී පියවරගෙන තිබේ.  මැතිව්ස්ට අමතරව ආබාධයක් හේතුවෙන් ටෙස්ට් තරගාවලියට ක්‍රීඩා නොකළ පැතුම් නිස්සංක එක්දින හා 20යි 20 සංචිත දෙක සදහා ඇතුළත් කර තිබේ.

දසුන් ශානකගේ නායකත්වයෙන් යුත් 18 දෙනෙකුගෙන් සමන්විත කණ්ඩායම සඳහා මැතිව්ස්ව කැඳවා ඇත්තේ මාස @ කින් වීම කැපී පෙනෙයි. ඔහුට අමතරව පන්දු වාර 20-20 සංචිතය සදහා කුසල් ජනිත් පෙරේරා යළි කැදවා තිබේ.

එමෙන්ම එක්දින සංචිතය සදහා සහන් ආරච්චිගේ මෙන්ම විස්සයි-20 සංචිතය සදහා ලසිත් කෘෘස්පුල්ලේ නම් කර තිබෙන අතර ඒ අතරට සධීර සමරවික්‍රම හා නුවනිදු ප්‍රනාන්දු සංචිත දෙක සදහාම ඇතුළත් කර ඇත.

කෙසේ වෙතත් වේග පන්දු යවන ක්‍රීඩක දුෂ්මන්ත චමීර නවසීලන්ත සංචාරයේ සීමිත පන්දුවාර තරග සදහා ද එක් එක් කරගෙන නොමැත.

චමීර වෙනුවට එක්දින සංචිතය සදහා මතීෂ පතිරණ ආදේශ කිරීමටත්, 20යි 20 සංචිතය සදහා ප්‍රමෝද් මදුෂාන් ආදේශ කිරීමටත් ක්‍රිකට් තේරීම් කමිටුව පියවර ගෙන තිබේ.

මාර්තු 25 වැනිදා දෙරට අතර එක්දින තරගාවලිය ඔක්ලන්ඩ් හිදී ආරම්භ වන අතර දෙවැනි එක්දින තරගය මාර්තු 28 වැනිදා ක්‍රයිස්චර්ච් හී දී ද, තෙවැනි එක්දින තරගය මාර්තු 31 වැනිදා හැමිල්ටන් හී දී ද පැවැත්වීමට නියමිතයි.

අනතුරුව පැවැත්වෙන විස්සයි-20 ක්‍රිකට් තරගාවලි අප්‍රේල් දෙවැනිදා ඔක්ලන්ඩ් හී දී ආරම්භ වන අතර දෙවැනි හා තෙවැනි තරග පිළිවෙලින් ඩුනේඩින් හී දී හා ක්වීන්ස්ටවුන් හී දී යි පැවැත්වීමට නියමිතව ඇත.

එක්දින – දසුන් ශානක (නායක), පැතුම් නිස්සංක, නුවනිඳූ ප්‍රනාන්දු, කුසල් මෙන්ඩිස්, ඇන්ජලෝ මැතිව්ස්, චරිත් අසලංක, සදීර සමරවික්‍රම, ධනංජය ද සිල්වා, සහන් ආරච්චිගේ, වනිඳු හසරංග, දුනිත් වෙල්ලාලගේ, මහීෂ් තීක්ෂණගේ, කසුන් රජිත, කසුන්, ළහිරු කුමාර, ප්‍රමෝද් මකුශාන්, ඩිල්ෂාන් මදුශංක, චාමික කරුණාරත්න, මහීස් තීික්ෂණ

විස්සයි-20 -දසුන් ශානක, පැතුම් නිස්සංක, කුසල් මෙන්ඩිස්, ධනංජය ද සිල්වා, චරිත් අසලංක, කුසල් පෙරේරා, ලසිත් කෘස්පුල්ලේ, සදීිර සමරවිකුම, නුවනිඳු ප්‍රනාන්දු, වනිඳු හසරංග, මහීෂ් තීක්ෂණ, දුනිත් වෙල්ලාලගේ, කසුන් රජිත, ළහිරු කුමාර, ඩිල්ෂාන් මදුශංක, චාමික කරුණාරත්න, මතීෂ පතිරණ, ප්‍රමෝද් මදුශාන්.

Active filters

Recent Posts

  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]
  • පළමු ශතකය නිශාන් මධුශ්කගෙන්
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ පළමු තරගයෙන් ලකුණු 137ක දැවැන්ත ජයක් වාර්තා කිරීමට බඳුරලිය ක්‍රීඩා සමාජය සමත් වෙයි. කුරුණෑගල යොවුන් ක්‍රිකට් […]
  • කාන්තා ක්‍රිකට් දියුණු වෙන්නේ ක්‍රීඩිකාවන්ගේ කැපවීම නිසයි – චමරි අතපත්තු
    කාන්තා ක්‍රිකට් ක්‍රීඩාව ක්‍රමයෙන් දියුණු තත්ත්වයකට ගෙන ඒමට හැකි වූයේ සියලු දෙනාගේ කැපවීම හේතුවෙන් බව ශ්‍රී ලංකා ක්‍රිකට් නායිකා චමරි අතපත්තු පැවැසූවාය. පසුගිය වසර එකහමාරක කාලය තුලදී ප්‍රබල […]

Pin It on Pinterest

LKR Sri Lankan rupee