slc
Home   |    News
මාර්තු 23, 2023
යාපනයේ ක්‍රිකට් ගැන විතූෂාන් කතා කරයි

sinhala editor

යාපනයේ සිට පැමිණි තරුණි තරුණ ක්‍රිකට් ක්‍රීඩකයන් පස්දෙනෙකුම මේ වන විට අන්තර් සමාජ නියෝජනය කරමින් ජාතික මට්ටමෙන් තරග කරන අතර ඔවුනගේ අපේක්ෂාව වන්නේ ජාතික කණ්ඩායමට ඇතුළත්ව මව්බිමට කීර්තියක් අත්කරදීම යැයි මේජර් අවුරුදු 23න් පහළ දෙදින ක්‍රිකට් තරගාවලියේ දක්ෂතම පන්දු යවන්නා ලෙස තේරුණු තීෂාන් විතුෂාන් ප්‍රකාශ කරයි.

තීෂාන් මේ තරගාවලියේ තරග හතරකදී කඩුලු 27ක් දවා පන්දු යැවීමේ දී දක්ෂතා දැක්වීය.

“යාපනයේ තරුණ ක්‍රිකට් ක්‍රීඩකයන් පස් දෙනෙකු මේ වන විට මෙහි පළමු ශ්‍රේණියේ තරගාවලියන්ට සහභාගි වනවා.  මෙයින් දෙදෙනෙකු දඟපන්දු යවන්නන්.  තවත් දෙදෙනෙකු වේග පන්දු යවන්නෝයි.  අනෙක් ක්‍රීඩකයා දක්ෂ පිතිකරුවෙකි. මොවුන් සැමගේ අපේක්ෂාව ජාතික කණ්ඩායම් නියෝජනය කිරීම” යැයි ද විතුෂාන් කියයි.

“මේ වන විට අපගේ ක්‍රීඩකයන් අතුරින් විජේකාන්ත් වියස්කාන්ත් බංග්ලාදේශයේ ක්‍රිකට් තරගාවලියන්ට සහභාගිවනවා පමණක් නොව ඔහු එහිදී දක්ෂතාත් පෙන්වා තිබෙනවා.  මා (තීෂාන්) අවුරුදු 23න් පහළ තරගාවලියේ දක්ෂතම ක්‍රීඩකයා වූවා.  අපේ අනෙක් අයත් දක්ෂයි.  අපට අවශ්‍ය තවත් දක්ෂතා වැඩිකර ගැනීමයි.”

“අප යාපනයේ දී ක්‍රීඩා කළේ රතු පැහැති පන්දුවෙන් මැටින් විකට්ටු (ලණු පැඳුරු) වලයි.  ඒ වගේම අප පුහුණුව ලැබුවේත් පැති විකට්ටුවලයි. (සයිඩ් විකට්) මෙහිදී අපට සුදු පන්දුවෙන් සහ හොඳම තණතිලිවල ක්‍රීඩා කිරීමට අවස්ථාව ලැබීම පිළිබඳව සතුටු වනවා.  මේ වගේම මේ වගේ තියුණු තරගාවලියන්ට සහභාගිවීමට අවස්ථාව උදාකරදීම පිළිබඳව ශ්‍රී ලංකා ක්‍රිකට් ආයතනයට ස්තූතිවන්ත වනවා” යැයිද විතුෂාන් පැවසීය.

යාපනය මධ්‍ය මහා විදුහලේ ඉගෙනුම ලැබූ තීෂාන් විතුෂාන් ගොවි පවුලකින් පැවැති එන අයෙකි.  ඔහුගේ පියා රතුලූණු වගා කරන ගොවියෙකි.  මව ඊට සහය වන ගෘහනියකි.  යාපනයේ තවත් නැගී එන දක්ෂ ලාබාල ක්‍රිකට් ක්‍රීඩකයන් කිහිප දෙනෙකුම සිටින බව ද තීෂාන් පවසයි.

“මා මුවර්ස් කණ්ඩායමට ඇතුලුවීමෙන් පසුව රමේෂ් මෙන්ඩිස් සහ ප්‍රවීන් ජයවික්‍රම දඟපන්දු යැවීම සඳහා මට ගොඩක් සහය දුන්නා.  ඒ වගේම නව පුහුණුකරු චාමර කපුගෙදර මගේ දක්ෂතා වැඩිකිරීමට මා පිටුපස සිටියා. මුවර්ස් සමාජය මා හට නවාතැන් පහසුකම් ආහාරපාන සහ ශාරීරික යෝග්‍යතා පහසුකම් (ජිම්) නොමිලේම සැපයුවා.  ඔවුන් සියල්ලටම මා ස්තූතිවනත් වනවා. මගේ අපේක්ෂාව මේ දක්ෂතා ප්‍රගුණ කර ගනිමින් ජාතික කණ්ඩායමට ඇතුලුවීම” යැයි ද තීෂාන් විතුෂාන් පවසයි.

Active filters

Recent Posts

  • නිමේෂ් විමුක්තිට ‘ඒ’ කණ්ඩායමේ දොරටු විවර වෙයි
    දකුණු අප්‍රිකානු ‘ඒ’ කණ්ඩායමේ ශ්‍රී ලංකා තරග සංචාරය යටතේ හෙට (03 දා) ආරම්භ වන තරග 3 කින් සමන්විත නිල නොවන එක්දින තරගාවලිය සඳහා නම් කරන ලද ශ්‍රී ලංකා […]
  • පළමු ශතකය උපුල් තරංගගෙන්
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ ප්‍රධානතම විස්සයි-20 ක්‍රිකට් තරගාවලිය යටතේ ප්‍රථම ශතක ලාභියා බවට පත්වීමට  එන්. සී. සී. කණ්ඩායමේ උපුල් තරංග අද (02 දා) සමත්වූවේය. […]
  • ඇෆ්ගනිස්තානය එක්දින තරගාවලියේ පෙරමුණට
    පසුගිය වසර කීපය පුරාවටම පිතිකරුවන් දක්වන ලද අසාර්ථක භාවය අද (02) දිනයේදිත් පෙන්නුම් කිරීම නිසා හම්බන්තොට මහින්ද රාජපක්ෂ ක්‍රීඩාංගණයේ පැවැති පළමු එක්දින තරගයෙන් ඇෆ්ගනිස්තානය හමුවේ ශ්‍රී ලංකා කණ්ඩායම […]
  • ශ්‍රී ලංකාවෙන් ලකුණු 269 ක ඉලක්කයක්
    මුල් පෙළ පිතිකරුවන් අසාර්ථක්තවයට පත් වුවද පස්වැනි කඩුල්ලට එක් වුණු චරිත් අසලංක සහ ධනංජය ද සිල්වා ගොඩනංවන ලද ලකුණු 99 ක සම්බන්ධතාව පෙරමුණු කොට ඇෆ්ගනිස්තානයට එරෙහිව හම්බන්තොට මහින්ද […]
  • දුශාන් සහ මතීෂට එක්දින වරම්!
    By Chamila Karawita ශ්‍රී ලංකාව සහ ඇෆ්ගනිස්තානය අතර හෙට (02 දා) ආරම්භ වන එක්දින තරගාවලිය එක්දින ලෝක ශූරතාවට අයත් නොවන්නකි. එහෙත් මෙම තරගාවලියේදී ඇෆ්ගනිස්තානට කෙසේ වෙතත්ට ශ්‍රී ලංකාවට […]
LKR Sri Lankan rupee

Pin It on Pinterest