slc
logo
Home   |    News
අප්‍රේල් 28, 2023
ප්‍රභාත් ජයසුරියගෙන් ලෝක වාර්තාවක්

sinhala editor

අඩුම ටෙස්ට් තරග සංඛ්‍යාවකින් කඩුලු 50 ක් දවා ගත් දඟ පන්දු යවන්නා වශයෙන් ලෝක වාර්තාවක් තැබීමට ශ්‍රී ලංකා පිලේ දඟ පන්දු යවන ප්‍රභාත් ජයසූරිය අද (28 දා) පෙරවරුවේදී සමත්වූවේය. අයර්ලන්තයට එරෙහිව ගාලලේදී පැවැත්වෙන දෙවැනි ටෙස්ට් තරගයේදී 50 වැනි කඩුල්ල ලෙසින් පෝල් ස්ටර්ලිංග්ගේ කඩුල්ල ප්‍රභාත් විසින් දවා ගත්තේ තම 7 වැනි ටෙස්ට් තරගයේදීය.  

ප්‍රභාත්ට පෙර එම ලෝක වාර්තාවට හිමිකම් කියන ලද්දේ බටහිර ඉන්දීය කොදෙව් කණ්ඩායමේ වමතින් දඟ පන්දු යවන ඇල්ෆ් වැලන්ටන් වන අතර ඔහු තරග 8 කදී ‌එම දක්ෂතාව දක්වා තිබේ.

මේ අතර ප්‍රභාත්ගේ එම දක්ෂතාවය අඩුම ටෙස්ට් තරග සංඛ්‍යාවකින් කඩුලු 50 ක් දවා ගත් පන්දු යවන්නන් අතරේ දෙවැනි ස්ථානයටද ශ්‍රී ලංකා පන්දු යවන්නන් අතරේ පළමු ස්ථානයටද  පත්ව සිටියි. ඔස්ට්‍රේලියාවේ චාලි ටර්නර් ලෝක පන්දු යවන්නන් අතර ජයසුරියට ඉදිරියෙන් සිටින්නේ තරග 6 කදී කඩුලු 50 ක් දවා ගනිමිනි. ජයසූරිය කඩූ 50 ක් දවා ගැනීමට පෙර ඩිල්රුවන් පෙරේරා තරග 11 කදී දක්වන ලද දක්ෂතාවය මීට පෙර ශ්‍රී ලංකාවේ වේගවත්ම කඩුලු 50 ලෙසින් සටහන් විය.

Active filters

Recent Posts

LKR Sri Lankan rupee

Pin It on Pinterest