නවසීලන්තයේ දී ශ්‍රී ලංකාව මෙතෙක් විස්සයි 20 තරගාවලියක් ජයගෙන නොමැති හෙයින් ඊළඟ තරග වලදීද හොඳින් ක්‍රීඩා කොට මෙම තරගාවලිය ජය ගැනීමට අපේක්ෂා කරන බව ශ්‍රී ලංකා නායක දසුන් ශානක සඳහන් කර සිටියේය. සුපිරි පන්දුවාරය දක්වා දිග හැරුණු පළමු එක්දින තරගයේ යෙන් පසු ශ්‍රී ලංකා නායකයා ඉහත කරුණු අවධාරණය කර සිටියේය.
ලකුනු 196 ක් රැස් කළද තවත් ලකුණු 30ක් පමණ ලබා ගැනීමට තම කණ්ඩායමේ අපේක්ෂාව වී තිබූ බව දසුන් සදහන් කර සිටියේය. එහෙත් පන්දු යැවීමේ දී ප්‍රමෝද් මදුශාන් හොද ආරම්භයක් ලබා දුන් අතර පසුව වනිදු හසරංග දක්ෂ අයුරින් පන්දු යැවීමත් නිසා නවසීලන්තයට ඉලක්කය සපුරා ගැනීම සඳහා කඩ කඩ අවහිර වූ බවද ඔහු සඳහන් කර සිටියේය.
පිතිකරුවකු ලෙස මෙම තරගයේදී හොඳින් දක්ෂතා දැක්වීමට තමාට නොහැකි වූ බව සඳහන් කර සිටින ශ්‍රී ලංකා නායකයා පන්දු යවමින් කණ්ඩායමට අවශ්‍ය දායකත්වය ලබා දීමට තමන්ට හැකි වූ බවද සදහන් කර සිටියේය. ශ්‍රී ලංකාව වෙනුවෙන් පන්දු යවන්නන් තිදෙනෙකු කඩුලු 2 බැගින් දවා ගත් අතර දසුන්ගේ නම ඒ අතර විය.
“චරිත් අසලංක නැවත ලකුණු අතරට පිවිසීම පිළිබඳ අප සතුටු වනවා. සිව්වන කඩුල්ලට කුසල් ජනිත් පෙරේරා සහ චරිත් අසලංක එක්කළ ලකුණු 103 සබදතාවය අපව ප්‍රබල අයුරින් තරගයට අවතීර්ණ කළා. ඉනිම අවසාන භාගයේදී වනිදු හසරංග ද සිල්වා ඉක්මනින් නොදැවී රැස් කළ ලකුණු 21 සමග අපට ලකුණු 200 සීමාව අසළට යාමට අවස්ථාව උදාවුණා” යැයි දසුන් සඳහන් කර සිටියේය.
ලකුණු සංඛ්‍යාව සමවීමෙන් පසුව යැවුණු තීරණාත්මක පන්දු ඕවරය තීක්ෂණ දක්ෂ අයුරින් යැවුබව කී දසුන් ශානක මෙවැනි උණුසුම් තියුණු තරගයකින් ජය ලැබීමට හැකිවීම පිලිබද සතුටුවන බවද කිවේය
ප්‍රථම විස්සයි 20 තරගයේ වීරයා ලෙස නම් කෙරුණු චරිත් අසලංක තරගයෙන් පසුව ප්‍රකාශ කළේ දෙපැත්තටම දෝලනය වෙමින් පැවැති මෙම තරගයේ වීරයා සම්මානය දිනා ගැනීමට හැකියාව ලැබීම සතුටට කරුණක් බවයි. මීට අමතරව කණ්ඩායමේ බහුතරයක් තරුණ ක්‍රීඩකයින් සිටියදී මෙවැනි ජයග්‍රහණයක් ලබා ගැනීමට හැකිවීම අගය කළ කරුණක් බවද හෙතෙම වැඩිදුරටත් සඳහන් කර සිටියේය.
“මේ ක්‍රීඩාංගණය මදක් කුඩා හෙයින් තමාට පහසුවෙන්ම හයේ පහර හතරක්ම එල්ල කිරීමට හැකිවූ බව කී චරිත් අසලංක විස්සයි 20 තරගය පවතින තීරණාත්මක තියුණු මුහුණ වරයන්ට මුහුණදීමට යහපත් මානසිකත්වය තිබීම වැදගත් වු බවද සඳහන් කර සිටියේය.
