slc
logo
Home   |    News
මැයි 13, 2023
අවු. 23 න් පහළ කාන්තා ක්‍රිකට් – ජැෆ්නා පිල අපරාජිත භාවය රැක ගනියි

sinhala editor

කාන්තා ක්‍රිකට් ක්‍රීඩාවට දක්ෂ ක්‍රීඩිකාවන් සොයා ගැනීම මෙන්ම ශක්තිමත් දෙවැනි පෙළ කණ්ඩායමක් සූදානම් කර ගැනීමේ අරමුණු කොට ශ්‍රී ලංකා ක්‍රිකට් ආයතනය විසින් පවත්වනු ලබන වයස අවුරුදු 23 න් පහළ කාන්තා දිසත්‍රික් තරග මාලාව යටතේ පැවැත්වෙන තරග අතරින් මන්නාරම් කණ්ඩායමට එරෙහිව යාපනය කණ්ඩායම කඩුලු 10 ක ජයක් වාර්තා කිරීමට සමත්විය. මෙම ජය යාපනය කණ්ඩායම මූලික වටයේ ලද තෙවැනි ජයග්‍රහණය ලෙසින් සටහන් විය.

යාපනය කණ්ඩායම මූලික වටය යටතේ තරග වැදි සිව්වැනි තරගය බවට පත් වුණු මෙම තරගයේ ලද ජයත් සමග උතුරු පාත් ප්‍රසාද ලකුණු සටහනේ පෙරමුණට පැමිණ සිටියි. ඔවුන් එම කාණ්ඩයේ අපරාජිත එකම කණ්ඩායම වන අතර වර්ෂාව හේතුවෙන් එක් තරගයක් විසඳුම් රහිත වී තිබේ.

මීට අමතරව නුවරඑළිය සහ මඩකලපු කණ්ඩායම් අතර තරගයේදී පළමුවෙන් පන්දුවට පහර දුන් නුවරඑළිය කණ්ඩායම පන්දුවාර 15.2 කදී ලකුණු 66 ක් වාර්තා කළ අතර එය හඹා යෑමේදී මඩකලපු කණ්ඩායම පන්දුවාර 17.2 කදී කඩුලු 8 කදී ඉලක්කය සපුරා ගැනීමට සමත්විය. මෙහි විශේෂත්වය වූයේ තරගය ජයගත් මඩකලපු කණ්ඩායමේ කිසිම පිතිකාරිණනියක් ලකුණු 10 සීමාව හෝ පසු නොකර තරග ජය ගැනීමයි. ඊට ප්‍රධානම හේතු කාරක වූයේ නුවරඑළිය කණ්ඩායමේ පන්දු යවන්නියන් විසින් අතිරේක ලකුණු 42 ක් ලබා දීමයි. වයිඩ් පන්දු 37 ක්, නිපන්දු 2 ක් සහ කඩුලු රැකීමේදී ගිලිහෙන බයිස් ලකුණු 2 කින් එම අතිරේක ලකුණු සමන්විත වී තිබේ.

මීට අමතරව මැයි 12 වැනිදා පැවැති තරග වවලදී පොලොන්නරුව පිල විසින් පුත්තලම පිල ලකුණු 13 කින්ද, කෑගල්ල පිල විසින් ත්‍රිකුණුමාල පිල කඩුලු 9 කින්ද, කුරුණෑගල පිල විසින් මාතලේ පිලට එරෙහිව ලකුණු 67 කින්ද ජයග්‍රහණ වාර්තා කළහ.

යාපනය කණ්ඩායමට කඩුලු 10 ක ජයක්

මන්නාරම කාන්තා කණ්ඩායම පන්දුවාර 19.5 කදී ලකුණු 65 යි – (ටී. රී.නා 26, මුරලිතසන් මතුරිකා 14/4, රත්නේෂ්වරන් නිතර්ෂනා 11/3, සෙල්වරාසා ක්‍රිස්ටිගා 16/2)

යාපනය කාන්තා කණ්ඩාය පන්දුවාර 10.5 කදී කිසිවකු නොදැවී ලකුණු 69 යි – (බාස්කරන් ශානු 31*, මුරුගනාතන් ෂර්මිලී 17*)

 

මඩකලපු පිලට කඩුලු 2 ක ජයක්

නුවරඑළිය කාන්තා පිල පන්දුවාර 15.2 කදී කුණු 66 යි – (නිරාශා ගිම්හානි 11, සුකිර්තා රවිචන්ද්‍රන් 8/4, ජුලියාන් ජෙසුන්දාසන් 13/3)

මඩකලපු කාන්තා කණ්ඩායම පන්දුවාර 17.2 කදී කඩුලු 8 ට ලකුණු 67 යි

 

‌පොලොන්නරුව පිලට ලකුණු 13 ක ජයක්

පොලොන්නරුව කාන්තා පිල පන්දුවාර 20 කදී කඩුලු 5 ට ලකුණු 107 යි – (හිරුෂිකා නිමන්ති 33, ජනනි මයුරිකා 30, ඉමාෂා සඳරුවනි 13, දිලීමා නෙත්මිනි 24/3)

පුත්තලම කාන්තා පිල පන්දුවාර 16.3 කදී සියලු දෙනා දැවි ලකුණ 94 යි – (ඩෙලීමා නෙත්මි 21, තරුන්දි ආකර්ෂා 14, අදිති රන්දිනී 16, සුභාන්‍යා නිශාදි 24/3, හිරුෂිකා නිමන්ති 10/2)

 

කෑගල්ල පිලට කඩුලු 9 ක ජයක්

ත්‍රිකුණාමල කාන්තා කණ්ඩායම පන්දුවාර 16.2 කදී ලකුණු 47 යි – (නදීෂානි සෙනෙවිරත්න 14/2, කාවින්දයා ප්‍රභාසීනී 10/2)

කෑගල්ල කාන්තා කණ්ඩායම පන්දුවාර 9.5 කදී කඩුලු 1 ක් දැවී ලකුණු 48 යි – (ඉමාෂා මිහිරංගි 15*)

 

කුරුණෑගල පිලට ලකුණු 67 ක ජයක්

කුරුණෑගල කාන්තා පිල පන්දුවාර 20 කදී කඩුලු 4 ට ලකුණු 131 යි – (චමෝදයා දෙවින්ද්‍යා 18, මනීෂා සකුමිනී 37, අශානි කෞෂල්‍යා 27, හංසිකා නිපුනි 12, ඉමාෂි නිසංසලා 10*)

මාතලේ කාන්තා කණ්ඩායම පන්දුවාර 20 දී කඩුලු 7 ට ලකුණු 64 යි – (බුද්ධිනී දිසානායක 28*, සන්දයා කුමාරසිරි 11, අශානි කෞෂලයා 14/2, හංසිකා නිපුනි 04/2,

 

Active filters

Recent Posts

  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]
  • පළමු ශතකය නිශාන් මධුශ්කගෙන්
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ පළමු තරගයෙන් ලකුණු 137ක දැවැන්ත ජයක් වාර්තා කිරීමට බඳුරලිය ක්‍රීඩා සමාජය සමත් වෙයි. කුරුණෑගල යොවුන් ක්‍රිකට් […]
  • කාන්තා ක්‍රිකට් දියුණු වෙන්නේ ක්‍රීඩිකාවන්ගේ කැපවීම නිසයි – චමරි අතපත්තු
    කාන්තා ක්‍රිකට් ක්‍රීඩාව ක්‍රමයෙන් දියුණු තත්ත්වයකට ගෙන ඒමට හැකි වූයේ සියලු දෙනාගේ කැපවීම හේතුවෙන් බව ශ්‍රී ලංකා ක්‍රිකට් නායිකා චමරි අතපත්තු පැවැසූවාය. පසුගිය වසර එකහමාරක කාලය තුලදී ප්‍රබල […]

Pin It on Pinterest

USD United States (US) dollar