slc
logo
Home   |    News
මැයි 13, 2023
දක්ෂතම ක්‍රීඩිකාව වීම ජීවිතයේ එක් සංධිෂ්ඨානයක් – හර්ෂිතා සමරවික්‍රම

sinhala editor

ශ්‍රී ලංකා – බංග්ලාදේශ කාන්තා ක්‍රිකට් තරගාවලියන් පුරාම තමා ලකුණු අතරම රැදී සිටීමට එකම හේතුව වූයේ දිනපතාම හොදින් කැපවී පුහුණු කටයුතු වල නිරතවීමම පමණක් බව සදහන් කර සිටින ශ්‍රී ලංකා – බංග්ලාදේශ විස්සයි 20 තරගාවලියේ දක්ෂතම ක්‍රීඩිකාව ලෙස තේරුණු හර්ෂිතා මාධවී සමරවික්‍රම ඒ හැර වෙන කිසිදු හේතුවක් එහි නොවන බවයි.

“මා හොඳින් පුහුණු වූ නිසා බියක්, චකිතයක් නොමැතිව ප්‍රතිවාදී පන්දු යවන්නන්ට මුහුණ දීමට හොඳ ආත්ම ශක්තියක් ඇති වුණා. ඒ වගේම මේ තරගාවලිය ජය ගැනීමට වැඩි දායකත්වයක් දැක්වීමට අවස්තාව උදාවීම පිළිබඳව මම ගොඩක් සතුටට පත් වෙනවා” යැයිද තරගාවසානයේදී හර්ෂිතා සඳහන් කර සිටියාය.

“මම පන්දුවට පහරදීමට යන අවස්ථාවන්හි නායිකාව චමරි අතපත්තු සහ ප්‍රධාන පුහුණුකරු රුමේෂ් රත්නායක මට උපදෙස් දෙන්නේ ඕවර විස්ස අවසාන වනතුරු විකට්ටුවේ රැඳී සිටින ලෙසටයි. මාත් හොඳින් දැන සිටියා මම කඩුල්ලේ සිටියොත් ලකුණු පුවරුවත් හොඳින් ක්‍රියාත්මක වන බව. මේ හේතුව මත අද අවසාන තරගයේදී නිලක්ෂි ද සිල්වා සමඟ සිව් වන කඩුල්ලට නොදැවී ලකුණු 102ක් රැස්කර ලංකා කණ්ඩායම ජයග්‍රාහී තත්ත්වයකට ගෙන යාමට අවස්ථාව උදා වූවා.“

“චමරි අතපත්තු කණ්ඩායමේ ක්‍රීඩිකාවන් සියල්ලටම හොඳ හයියක් මෙන්ම දැඩි රැකවරණයක්. ඇය අපට නිතර උපදෙස් දෙන අතරම ධෛර්යයමත් කරනවා. විශේෂයෙන්ම තරුණ ක්‍රීඩිකාවන් රැසකටම දස්කම් පෙන්වා ඉදිරියට ඒමට ඇය අවස්ථාව ලබා දී තිබෙනවා. වත්මන් ශ්‍රී ලංකා කාන්තා කණ්ඩායමේ සාර්ථකත්වයට මෙය බෙහෙවින් බලපා තිබෙනවා.“

“විශ්මි ගුණරත්න, කවීෂා දිල්හාරි සහ කාව්‍යා කාවින්දි වැනි තරුණ ක්‍රීඩිකාවන්ගේ දක්ෂතා අපගේ සාර්ථකත්වයට උදව් වූවා. දැන් ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අවුරුදු 23න් පහළ තරගාවලියේදී තවත් දක්ෂ ක්‍රීඩිකාවන් ඉදිරියට ඒවි. අනාගතයේදී අපට මීටත් වඩා දක්ෂතා අතරට ඒමට අවස්ථාව සැළසේවි.“

“මගේ සහභාගිත්වයෙන් ප්‍රථමවරට තරගාවලියක් ජය ගැනීමට ලැබීමත් ප්‍රථම වරට තරගාවලියක දක්ෂතම ක්‍රීඩිකාව වීමට ලැබීමත් මගේ ක්‍රීඩා දිවියේ විශේෂම සන්ධිස්ථානයක්. සැමදා අපට අතදෙන පුහුණු කාර්යය මණ්ඩලයටත් නිතර අප උනන්දු කරන මාධ්‍යයට සහ ප්‍රේක්ෂකයන්ටත් ස්තුති කිරීමට තමා කැමති යැයි“ ද හර්ෂිතා මාධවී ප්‍රකාශ කළාය.

නුගේගොඩ අනුලා විදුහලෙන් ක්‍රිකට් ක්‍රීඩාවට පිවිසි හර්ෂිතා මාධවී 2016 සැප්තැම්බර් මස ඔස්ට්‍රේලියාව සමඟ එක් දින ජාත්‍යන්තර  වරම් ද 2016 මාර්තු මස අයර්ලන්තය සමඟ ජාත්‍යන්තර විස්සයි 20 වරම් ද දිනා ගත්තාය. වමතින් පිත්ත හසුරු වන හර්ෂිතා මේ වන විට 25 වැනි වියේ පසුවන්නීය. ඇය ශ්‍රී ලංකා 19න් පහළ සහ 24න් පහළ කණ්ඩායම්වලට නායකත්වය ද ලබාදී ඇත.

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

USD United States (US) dollar