ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 19 න් පහළ අන්තර් දිස්ත්‍රික් ක්‍රිකට් තරගාවලිය නිමාවීමෙන් පසු ආරම්භ වුණු අන්තර් පළාත් ක්‍රිකට් තරගාවලියේ සමාරම්භක තරගයේදීම උතුරු මැද පළාත් කණ්ඩායම නියෝජජනය කළ මදුරංග ජයලත් පන්දු 96 කදී ලකුණු 133 ක් වාර්තා කිරීමට සමත්විය. උතුරු පළාත් කණ්ඩායමට එරෙහිව අනුරාධපුරයේදී පැවැති මෙම තරගයේද උතුරු මැද පළාත් කණ්ඩායම ලකුනු 257 ක දැවැන්ත තරග ජයක්ද වාර්තා කිරීමට සමත්වීම කැපී පෙනිණ.

පළමුව පන්දුවට පහර දුන් උතුරු මැද පළාත් පිල වෙනුවෙන් ශතකයක් වාර්තා ක පොලොන්නරුව රාජකීය විදුහල නියෝජනය කරනු ලබන මදුරංග ජයලත් සිය ඉනිම හයේ පහර 3 කින් සහ හතරේ පහර 15 කින් වර්ණවත් කළේය. ඔහුට අමතරව ආරම්භක පිතිකරු අශාන් ඉසුරංග පන්දු 53 කදී ලකුණු 54 ක් ලබා ගනිමින් උතුරු මැද පළාත් පිල ශක්තිමක් කළේය. මෙම ඉනිම ප්‍රධාන කොට උතුරු මැද පළාත් කණ්ඩායම පන්දුවාර 49.3 ක් අවසනදි සියලු දෙනා දැවී ලකුණු 372 ක් ලබා ගත් අතර ඊට පිළිතුරු ඉනිම ක්‍රීඩා කිරීමේදී උතුරු පළාත් කණ්ඩායමට රැස් කරගත හැකි වුයේ පන්දුවාර 32.3 කදී සියලු දෙනා දැවී ලකුණු 115 ක් පමනි.

උතුරු මැද පළාත් පිල පන්දුවාර 49.3 කදී සියලු දෙනා දැවී ලකුණු 372 යි – (මදුරංග ජයලත් 133, අශාන් ඉසුරංග 54, ඉම්ශාල් සියාර්ඩ් 23, චමල්ක විජේරත්න 47, කවීෂ ලියනාරච්චි 27, තිලිණ චන්දීප 20, දිමන්ත අරෝෂ 23, ුගතාස් මුතුලන් 63/2, ජයචන්ද්‍රන් අස්නාත් 63/2, විග්නේස්වරන් ආකාෂ් 54/2, එස්. සුලක්ෂන් 77/3)

උතුරු පළාත් පිල පන්දුවාර 32.3 කදී සියලු දෙනා දැවී ලකුණු 115 යි – (අනන්තන් කජන් 32, එම්. ජේ. සජිත් 25, කවිඳු ගිහාන් 29/4, තිලිණ චන්දීප 15/2 ප්‍රවීන් ප්‍රභාරන් 22/3)