slc
logo
Home   |    News
ජූලි 6, 2023
ලංකා ප්‍රිමියර් ලීග්හි විකාශන අයිතිය ස්ටාර් ස්පෝර්ට්ස් වෙතට

sinhala editor

ජූලි මස 30 වැනිදා ආරම්භ වන ලංකා ප්‍රිමියර් ලීග් ක්‍රිකට් තරගාවලියේ රූපවාහිනී විකාශන අයිතිය ලොව ප්‍රකට ක්‍රීඩා විකාශන සමාගමක් වන ‘ස්ටාර් ස්පෝර්ට්ස්’ සමාගම විසින් අත්පත් කරගෙන තිබේ.

ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන ලංකා ප්‍රිමියර් ලීග් තරග මාලාවේ සිව්වැනි ලෙසින් පැවැත්වෙන මෙවර තරගාවලියේදී ස්ටාර් ස්පෝර්ට්ස් සමාගම විසින් එහි විකාශන අයිතිය හිමිකරගත් පළමු අවස්ථාව ලෙසින් සනිටුහන් වනු ඇත.

කණ්ඩායම් 5 කගේ සහසභාගිත්වයෙන් හෙවත් කලම්බු ස්ට්‍රයිකර්ස්, දඹුල්ල අවුරා, ගෝල් ටයිටෑන්ස්, ජැෆ්නා කිංග්ස් සහ මහනුවර බී ලව් යන කණ්ඩායම් මෙවර තරග වදින කණ්ඩායම් වෙති. ඒ අනුව මෙවර ලංකා ප්‍රිමියර් ලීග් තරගාවලිය ඉන්දියාව, ශ්‍රී ලංකාව, බංග්ලාදේශය, භූතානය, නේපාලනය, මාලදිවයින මෙන්ම උතුරු අප්‍රිකානු සහ මැද වෙරදිග රටවල විකාශය කිරීමට ස්ටාර් ස්පෝර්ට්ස් ආයතනය කටයුතු කරනු ඇත.

“ලංකා ප්‍රිමියර් ලීග් තරගාවලියේ ඇති තරගකාරීත්වය සහ ඒ සඳහා ක්‍රීඩා ලෝලීන් දක්වනු ලබන උනන්දුව අනුව එය ඉතා ඉහළ තලයකට යනු ඇති බව මා විශ්වාස කරනවා. එබැවින් ස්ටාර් ස්පෝර්ට්ස් වැනි කීර්තිමාත් විකාශන ආයතනයක් විසින් තරගාවලිය තවත් පුලුල් ප්‍රේක්ෂක පිරිසක් වෙත රැගෙන යෑම අපි ඉතාමත් සාදරයෙන් පිළිගනු ලබනවා” යැයි තරගාවලි අධ්‍යක්ෂ සමන්ත දොඩන්වෙල මහතා සඳහන් කර සිටියේය.

ස්ටාර් ස්පෝර්ට් සමාගම ඉහළම ජාත්‍යන්තර සහ දේශීය ක්‍රීඩා තරගාවලි කිහිපයකම කටයුතු කරනු ලබන කීර්තිමත් ආයතනයකි. අන්තර්ජාතික ක්‍රිකට් සභාවේ සියලුම ලෝක කුසලාන ඉසව්, ඉන්දියන් ප්‍රිමියර් ලීග්, ඔස්ට්‍රේලියාව, ඉන්දියන් සුපර් ලීග්, ඇතුළු තවත් ප්‍රමුඛතම ක්‍රීඩා රැසක විකාශන ආයතනය ලෙස කටයුතු කරනු ඇත. ඒ අතර ලොව වඩාත්ම ජනප්‍රිය විම්බල්ඩන් ටෙනිස් තරගාවලියද විකාශනය කරනු ලබන්නේ ස්ටාර් ස්පෝර්ට්ස් ආයතනයවන බැවින් එවැනි ආයතනයක් ලංකා ප්‍රිමියර් ලීග් තරගාවලියක් සමඟ එකතු වීම, එම තරගාවලියේ ශක්තිමත් භාවයට ඉහළ යෑමට හේතු වනු ඇත.

 

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

LKR Sri Lankan rupee