slc
logo
Home   |    News
ජූලි 2, 2023
ළහිරු කුමාරට ආබාධයක් – සහන් ආරච්චිගේ කණ්ඩායමට

sinhala editor

ලෝක කුසලාන තරගාවලියට සුදුසුකම් ලබා ගැනීම වෙනුවෙන් සිම්බාබ්වේදී පැවැත්වෙන සුදුසුකම් ලැබීමේ තරගාවලිය අතරතුරදී ආබාධයකට ලක් වුණු ළහිරු කුමාරට තරගාවලියේ ඉදිරි තරගවලට ක්‍රීඩා කිරීමේ අවස්ථාව අහිමිව තිබේ. සුපර් සික්ස් තරගාවලිය ආරම්භ කරමින් ශ්‍රී ලංකාව තරග වැදි නෙදර්ලන්තයට එරෙහි තරගය අතරතුරදී ළහිරු මෙම ආබාධයට ගොදුරු විය.

එම තරගයේ පළමු පන්දුවාරය යොමු කිරීමෙන් පසු ළහිරු කුමාර උදරය ආශ්‍රිත ආබාධයකට ගොදුරු වුණු නමුත්, අනතුරුව ඔහු තවත් පන්දුවාරයක් යොමු කරනු ලැබීය. එම පනදුවාරයෙන් පසු ළහිරු ක්‍රීඩාංගණයෙන් ඉවතට ගිය අතර නැවත පන්දු රැකීමට හෝ ක්‍රීඩාංගණයට පැමිණීමෙන් වැළකී සිටියේය.

ඒ අනුව ඔහු නැවත ශ්‍රී ලංකාවට පැමිණ ශාරීරික යෝග්‍යතාව යථා තත්ත්වයට පත් කර ගැනීම වෙනුවෙන් කටයුතු කිරීමට නියමිතව තිබේ. කොළඹ ආර්. ප්‍රේමදාස ක්‍රීඩාංගණයේ ඇති ඉහළ කාර්යය සාධන මධ්‍යස්ථානයේදී ඔහු සිය ආබාධය යථා තත්ත්වයට පත් කර ගැනීම සඳහා වන පුනරුත්ථාපන ක්‍රියාවලිය ආරම්භ කරනු ඇත.

මේ අතර ළහිරු කුමාරගෙන් හිස්වන ස්ථානය සඳහා අතිරේක ක්‍රීඩකයින් ලෙස සිම්බාබ්වේ දේශයට ගොස් සිටින තුන් ඉරියව් ක්‍රීඩක සහන් ආරච්චිගේව කැඳවීමට තේරීම් කමිටුව පියවර ගනු ලැබීය. 27 හැවිරිදි සහන් ආරච්චිගේ වමතින් පිත්ත හසුරුවන අතර දකුණතින් පිට දඟ පන්දු යවයි. පළමු පෙළ එක්දින තරග 66 කට ක්‍රීඩා කර ඇති ළහිරු ලකුණු 1454 ක් රැස් කරගෙන ඇත්තේ ඉනිමක ලකුණු ලබා ගැනීමේ සාමාන්‍ය 29.07 ක් රදවා ගනිමිනි.

මෙවර තරගාවලිය යටතේ ආබාධයට ලක් වුණු දෙවැනි ක්‍රීඩකයා වන්නේ ළහිරු කුමාරය. ළහිරුට ප්‍රථම වේග පන්දු යවන දුෂ්මන්ත චමීර ආබාධයකට ගොදුරු වූ අතර ඒ වෙනුවට වමත් වේග පන්දු යවන ඩිල්ෂාන් මදුශංක කණ්ඩායමට කැඳවනු ලැබීය.

ලෝක කුසලාන ක්‍රිකට් තරගාවලිය යටතේ ශ්‍රී ලංකා කණ්ඩායම සුපීරි කණ්ඩායම් 6 අතර තරග වටය යටතේ සහභාගිවන දෙවැනි තරගය සිම්බාබ්වේ කණ්ඩායමට එරෙහිව ජුලි මස 02 වැනිදා බුලවායෝහිදී සහභාගිවනු ඇත.

Active filters

Recent Posts

  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]
  • හයේ වරුසාවක් සමඟින් ජැෆ්නා ක්‍රීඩකයෝ 5 වැනි ජය ලබති
    Chamila Karawita ලංකා ප්‍රිමියර් ලීග් ක්‍රිකට් තරගාවලියේ දෙවැනි අදියර හෙවත් කොළඹ අදියර ආරම්භ කරමින් පැවැති පළමු තරගයේදීම කැන්ඩි ෆෝල්කන්ස් කණ්ඩායම විසින් ලබා දුන් ලකුණු 79 ක ඉලක්කය හඹා […]

Pin It on Pinterest

LKR Sri Lankan rupee
logo